ନିଟ୍‌ ଫଳାଫଳ

ଡ. ମୌସୁମୀ ପରିଡ଼ା

ଏଇ କିଛିଦିନ ତଳେ ଆଚମ୍ବିତ କଲା ପରି ବହୁ ପ୍ରତୀକ୍ଷିତ ନିଟ୍‌ର ଫଳାଫଳ ପ୍ରକାଶିତ ହେଲା ପରେ ବିଧିବଦ୍ଧ ବ୍ୟବସ୍ଥା ଉପରେ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି। ଏହାକୁ ପରିଚାଳନା କରୁଥିବା ଏନ୍‌ଟିଏ ଉପରେ ଲୋକମାନଙ୍କ ସନ୍ଦେହ ଘନୀଭୂତ ହେବାରେ ଲାଗିଛି। କିଛି ପ୍ରଶ୍ନ ଯାହାର ସନ୍ତୋଷଜନକ ଉତ୍ତର ନ ମିଳିପାରୁଥିବାରୁ ଏହି ପରୀକ୍ଷାଫଳକୁ ନେଇ ବର୍ତ୍ତମାନ ନାନା ପ୍ରକାରର ଆଲୋଚନା ତର୍ଜମା ଚାଲିଛି। ଚଳିତ ୨୦୨୪ରେ ପ୍ରାୟ ୨୪ ଲକ୍ଷ ୬ ହଜାର ୭୯ ଜଣ ପରୀକ୍ଷାର୍ଥୀଙ୍କ ଭିତରୁ ୨୩ ଲକ୍ଷ ୩୩ ହଜାର ୨୯୭ ପରୀକ୍ଷାର୍ଥୀ ୧ ଲକ୍ଷ ୬ ହଜାର ୩୩୩ (ଏମ୍‌ବିବିଏସ୍‌) ଓ ୨୬ ହଜାର ୯୪୯ (ବିଡିଏସ୍‌) ସହିତ ଅନ୍ୟାନ୍ୟ ସିଟ୍‌ ପାଇଁ ପରୀକ୍ଷା ଦେଇଥିବାବେଳେ ଏଥରର ପରୀକ୍ଷାଫଳ ପିଲାମାନଙ୍କ ସହିତ ଅଭିଭାବକମାନଙ୍କୁ ମଧ୍ୟ ଚକିତ କରିଦେଇଛି।
ପ୍ରକାଶଥାଉ କି, ମୋଟ୍‌ ୨୦୦ ପ୍ରଶ୍ନ ଭିତରୁ ୧୮୦ଟି ପ୍ରଶ୍ନର ଉତ୍ତର ପାଇଁ ପୂର୍ଣ୍ଣସଂଖ୍ୟା ହେଉଛି ୭୨୦; ତେଣୁ ପ୍ରତି ପ୍ରଶ୍ନ ପିଛା ଚାରି ମାର୍କ। ଆଶ୍ଚର୍ଯ୍ୟର ବିଷୟ ଯେ, ଏଥର ୬୭ ଜଣ ପିଲା ୭୨୦/୭୨୦ ରଖି ରେକର୍ଡ ସୃଷ୍ଟି କରିଛନ୍ତି! କେବଳ ଏତିକି ନୁହେଁ, ଏକାଧିକ ପ୍ରଶ୍ନଘେରରେ ଜନସାଧାରଣ ଓ ଅଭିଭାବକମାନେ। ପିଲାମାନଙ୍କ ଭବିଷ୍ୟତ ଏବେ ଅନିଶ୍ଚିତତା ଭିତରେ। ଡାକ୍ତରି ବୃତ୍ତିରେ ଭବିଷ୍ୟତ ଗଢ଼ିବାକୁ ଚାହୁଁଥିବା ପିଲାମାନେ କ୍ୟାରିୟର୍‌କୁ ନେଇ କେବଳ ସିରିୟସ୍‌ ନଥା’ନ୍ତି, ନିଜ ଜୀବନକାଳର ବହୁ ସମୟ ପଢ଼ିବାରେ ଅତିବାହିତ କରିଦିଅନ୍ତି। କାରଣ ଏହି ଲାଇନ୍‌ରେ ମେଧା ସହିତ ତ୍ୟାଗ, ସେବା ଓ ଉତ୍ସର୍ଗୀକୃତ ମନୋଭାବ ରହିଥାଏ। ତେଣୁ ଏହି ପରୀକ୍ଷା ପାଇଁ ପିଲାମାନଙ୍କ ଆବେଗପ୍ରବଣତା ଓ ବ୍ୟସ୍ତତା ଅଧିକ। ଅଳ୍ପବହୁତେ ଆମେ ଜାଣିଛେ ନିଟ୍‌ ଆଶାୟୀମାନେ ତିନି ଚାରି ଥର ଲେଖାଏ ପରୀକ୍ଷା ଦେବାର ଧୈର୍ଯ୍ୟ ବହନ କରନ୍ତି। ୬୦୦ରୁ ଊର୍ଦ୍ଧ୍ୱ ମାର୍କ ରଖି ବି ସରକାରୀ କଲେଜରେ ସିଟ୍‌ ପାଇବା ସହଜ ହେଉନାହିଁ।
ସୂଚନାନୁସାରେ, ଏଥର ବହୁସଂଖ୍ୟକ ପିଲା ସମାନ ମାର୍କ ରଖିଥିବାରୁ ସରକାରୀ କଲେଜରେ କଟ୍‌ଅଫ୍‌ ମାର୍କ ସାଧାରଣ ବର୍ଗର ପରୀକ୍ଷାର୍ଥୀ ପାଇଁ ପାଖାପାଖି ୬୫୦ ହେବ ବୋଲି ଆକଳନ କରାଯାଉଛି। ଅର୍ଥାତ୍‌ ୬୪୦-୬୪୯ ରଖିଥିବା ସାଧାରଣ ବର୍ଗର ପିଲାମାନେ ଡାକ୍ତରିପାଠ ପଢ଼ିବାରୁ ବଞ୍ଚତ୍ତ ହୋଇପାରନ୍ତି। ପୁଣି ଏକ ସନ୍ଦେହ ସୃଷ୍ଟି କରୁଛି ୭୧୯, ୭୧୮ ମାର୍କ, ଯାହା ନିୟମତଃ ଅସମ୍ଭବ। କାରଣ ଗୋଟେ ଉତ୍ତର ଭୁଲ୍‌ ହେଲେ ୫ ମାର୍କ କଟିଯାଇଥାଏ। କିନ୍ତୁ କିଛି ପିଲା ଏହି ମାର୍କ ରଖିଛନ୍ତି। ସାଧାରଣରେ ଅସନ୍ତୋଷ ଦେଖାଦେବାରୁ ଏନ୍‌ଟିଏ ସଫେଇ ଦେଉଛି ଯେ ବିଳମ୍ବତା କାରଣରୁ ଓ ଅନ୍ୟ କିଛି ପ୍ରସଙ୍ଗକୁ ତର୍ଜମା କରି ପିଲାମାନଙ୍କୁ ଗ୍ରେସ୍‌ ମାର୍କ ଦିଆଯାଇଛି, ଯେଉଁ ଉତ୍ତର ସନ୍ତୋଷଜନକ ନୁହେଁ। ବିଳମ୍ବତା ଯଦି ଗ୍ରେସ୍‌ ଦେବାର ଏକ କାରଣ ହୁଏ, ତେବେ ୨୦୨୦ ଓ ୨୦୨୧ରେ କୋଭିଡ୍‌ଜନିତ ବିଳମ୍ବତା ପାଇଁ କାହିଁକି ଗ୍ରେସ୍‌ ଦିଆଗଲା ନାହିଁ? ପୁଣି ଏକ ସନ୍ଦେହ ଗୋଟେ ପ୍ରଶ୍ନକୁ ନେଇ, ଯାହାର ଉତ୍ତର ପୁରୁଣା ଏନ୍‌ସିଇଆର୍‌ଟି ବହି ଅନୁଯାୟୀ, ଯାହା ନୂତନ ପାଠ୍ୟ ପ୍ରଣାଳୀ ଅନୁଯାୟୀ ଭିନ୍ନ ଥିବାରୁ ଦୁଇଟାଯାକ ଉତ୍ତର ଠିକ୍‌; ତେଣୁ ଦୁଇ ପ୍ରକାରର ଚୟନ ପାଇଁ ସମାନ ୪ ମାର୍କ ଦିଆଯିବା କଥା। କିନ୍ତୁ ମାତ୍ର ୪୦ ଜଣଙ୍କୁ ଗ୍ରେସ୍‌ ମାର୍କ କେଉଁ ଆଧାରରେ ସ୍ପଷ୍ଟ କରାଯିବା ଉଚିତ୍‌।
ନିଟ୍‌ ପରୀକ୍ଷାର ମାର୍କିଂ ବ୍ୟବସ୍ଥା ସ୍ପଷ୍ଟ ହେଉନାହିଁ। ପ୍ରତିବର୍ଷ ନୂଆ ନୂଆ କାରଣ ଦୃଷ୍ଟିକୁ ଆସୁଥିବାରୁ ଏହାକୁ ନେଇ ଭବିଷ୍ୟତ ଗଢ଼ିବା ିଭରସାଯୋଗ୍ୟ ମନେହେଉନାହିଁ। ଏଥିପାଇଁ ବିରୋଧର ସ୍ବର ତୀବ୍ର ହେଉଥିବାରୁ ଗ୍ରେସ୍‌ ମାର୍କର ବାହାନା ଦେଖାଇ ସଫେଇ ଦିଆଗଲେ ମଧ୍ୟ ସେସବୁ କପୋଳକଳ୍ପିତ ବୋଲି କୁହାଯାଉଛି। ପରୀକ୍ଷା ବ୍ୟବସ୍ଥା ଓ ମାର୍କିଂ ପ୍ରଣାଳୀ ସହିତ ଅବଗତ ଥିବା ତୃତୀୟ/ ଚତୁର୍ଥ ଥର ପାଇଁ ପରୀକ୍ଷା ଦେଉଥିବା ପରୀକ୍ଷାର୍ଥୀଙ୍କ ମାନସିକ ଅବସ୍ଥାକୁ ଲକ୍ଷ୍ୟ କଲେ ଜଣାପଡ଼ିବ ଏସବୁ ସନ୍ଦେହ ଅଯୌକ୍ତିକ ନୁହେଁ। ସେମାନେ ୩-୪ବର୍ଷ ନିଜ କ୍ୟାରିୟର୍‌ରୁ ଦେବା ପରେ ବିଫଳତା ସାମ୍ନା କରୁଥିବା ମେଧାବୀମାନେ କରିବେ କ’ଣ? ପୁଣି ସାମାଜିକ ଗଣମାଧ୍ୟମର ଏକ ସୂଚନା ଅନୁଯାୟୀ, ହରିୟାଣାସ୍ଥିତ ଫରିଦାବାଦର ନିର୍ଦ୍ଦିଷ୍ଟ ପରୀକ୍ଷା କେନ୍ଦ୍ରରେ ପରୀକ୍ଷା ଦେଇଥିବା ୮ ଜଣ ପରୀକ୍ଷାର୍ଥୀ ୭୨୦ ମାର୍କ ରଖିଛନ୍ତି! ଏଭଳି ସଂଯୋଗ ଭ୍ରୂକୁଞ୍ଚନ ସୃଷ୍ଟି କରୁନାହିଁ କି? ପିଲାଙ୍କ ମେଧା ବୃଦ୍ଧି ପାଉଛି ନା ଆଉ କିଛି କାରଣ ଯାହାପାଇଁ ଏତେ ସନ୍ଦେହ, ଅଭିଯୋଗ। କୋର୍ଟ କଚେରି, ଆରଟିଆଇ ପର୍ଯ୍ୟନ୍ତ କଥା ଗଲାଣି। ହୁଏତ ଆଗାମୀ ଭବିଷ୍ୟତରେ ବାସ୍ତବ ତଥ୍ୟ ପଦାକୁ ଆସିବ।
ପରୀକ୍ଷା ପୁନର୍ବାର କରାଇବାକୁ କେତେ ଜଣ କହିଲେଣି ତ ଆଉ କିଛି ସାମାଜିକ ଗଣମାଧ୍ୟମରେ ସେମାନଙ୍କୁ ସର୍ବସାଧାରଣରେ ମୌଖିକ ପ୍ରଶ୍ନ ଦ୍ୱାରା ପରୀକ୍ଷା ଦେବାକୁ ଚ୍ୟାଲେଞ୍ଜ କଲେଣି। ଏସବୁ କଥାକୁ ବାଦ୍‌ ଦେଇ ବିଚାର କରିବାକୁ ପଡ଼ିବ ଯେ, ପରିଚାଳନା ବ୍ୟବସ୍ଥାଟି କୋଉଠି ଅବହେଳା କରୁନାହିଁ ତ ଯାହା ପାଇଁ ଏତେ ଅସନ୍ତୋଷ ଦିନକୁ ଦିନ ଦାନା ବାନ୍ଧିବାରେ ଲାଗିଛି! ମାର୍କିଂ ପଦ୍ଧତିକୁ କାହିଁକି ପରୀକ୍ଷା ପରେ କ୍ଲିଅର୍‌ କରାଯାଉନାହିଁ। ଯେତେବେଳେ ପ୍ରଶ୍ନପତ୍ରରେ ତ୍ରୁଟି ପରିଲକ୍ଷିତ ହେଉଛି, ସେତିକିବେଳେ ସ୍ପଷ୍ଟୀକରଣ ଦିଆଯାଇ ପିଲାମାନଙ୍କୁ ଆଶ୍ୱସ୍ତ କରାଯାଇପାରନ୍ତା। ଏହା ବିଳମ୍ବରେ ଘଟୁଥିବାରୁ ସବୁରି ମନରେ ପ୍ରଶ୍ନବାଚୀ ସୃଷ୍ଟି କରୁଛି। ତେଣୁ ବ୍ୟବସ୍ଥାକୁ ସ୍ବଚ୍ଛ ରଖାଯିବା ସହିତ ପରୀକ୍ଷାର୍ଥୀମାନଙ୍କ ଭାବାବେଗକୁ ସମ୍ମାନ ଦେବା ଉଚିତ୍‌ ହେବ।
ମୋ: ୯୪୩୭୩୧୭୦୨୬


Enter your email to get our daily news in your inbox.

All Right Reserved By Dharitri.Com

ଆମ ଭୁଲ୍‌

ମମାନଙ୍କର ଏକ ଅତି ସାଧାରଣ ପ୍ରକୃତି ହେଉଛି ଏୟା ଯେ କୌଣସି ଭୁଲ୍‌ କରିଛୁ ବୋଲି ଆମେ ସ୍ବୀକାର କରିବାକୁ ରାଜି ନ ଥାଉ। ଆମ...

ପ୍ରହେଳିକା

ଜନ୍ମରୁ ମୃତ୍ୟୁ ଯାଏ କେବଳ ଆଲୋକ ଆଉ ଅନ୍ଧକାରର ଖେଳ। ଏଇ ଆଲୁଅ ଅନ୍ଧାରର ପ୍ରହେଳିକାମୟ ଲୁଚକାଳି ଖେଳ ଭିତରେ ମଣିଷ ଖୋଜି ଚାଲିଛି ଚିରନ୍ତନ...

ଏଇ ଭାରତରେ

ତିନିଚକିଆ ସାଇକେଲ, ତାହା ପୁଣି ଚାଲୁଛି ସୌର ଶକ୍ତିରେ। ଏମିତିକା ସାଇକେଲ ତିଆରି କରିଛନ୍ତି କୋଚିର ଦୁଇ ଇଞ୍ଜିନିୟର ଅଜିମ ହସ୍‌ମି ଏବଂ ଅବଦୁଲ ହଡି...

ଇଣ୍ଟରନେଟ୍‌ ପାଠ

ସେଣ୍ଟ୍ରାଲ ବୋର୍ଡ ଅଫ୍‌ ସେକେଣ୍ଡାରି ଏଜୁକେଶନ (ସିବିଏସ୍‌ଇ) ଅନୁବନ୍ଧିତ ସ୍କୁଲଗୁଡ଼ିକ ପାଇଁ କେନ୍ଦ୍ର ସରକାରଙ୍କ ଅଧୀନ ନ୍ୟାଶନାଲ କାଉନ୍‌ସିଲ ଅଫ୍‌ ଏଡୁକେଶନାଲ ରିସର୍ଚ୍ଚ ଆଣ୍ଡ ଟ୍ରେନିଂ...

ଏଇ ଭାରତରେ

ଆମ ଦେଶରେ କୃଷି ଉପତ୍ାଦ ଓ ବଜାର ମଧ୍ୟରେ ମଧ୍ୟସ୍ଥିଙ୍କ ଉପସ୍ଥିତି ଯୋଗୁ ଚାଷୀ କମ୍‌ ଲାଭ ପାଉଛନ୍ତି। ଏଭଳି ସମସ୍ୟାକୁ ଦୂର କରି ଭଲ...

ଗ୍ୟାରେଣ୍ଟିର ଗ୍ୟାରେଣ୍ଟି

ଗଣେଶ୍ୱର ନାୟକ ଆମେ ଯେକୌଣସି ପଣ୍ୟ ବଜାରରୁ କିଣିଥାଉ, ତାହା ଯଦି ଗୁଣବତ୍ତାରେ କିଛି ନୂ୍ୟନ ହୁଏ, ତେବେ ଆମେ ଅଭିଯୋଗ କରିବାକୁ ବହୁ ବ୍ୟବସ୍ଥା...

ଜୀବନରେ ବର୍ଣ୍ଣର ଭୂମିକା

ଧ୍ରୁବ ଚରଣ ଘିବେଲା ଜୀବନରେ ବର୍ଣ୍ଣର ଭୂମିକା ଥାଏ ଅନେକ। ପୁଣି ତାହା ଥାଏ ବିବିଧ ଆକାରରେ ଓ ପ୍ରକାରରେ। ଜୀବନ ମହାର୍ଘ। ଜୀବନ ମୂଲ୍ୟବାନ୍‌।...

ଦୁଇଟି ଯୁଦ୍ଧ

କୋଭିଡ୍‌ ମହାମାରୀକୁ ମୁକାବିଲା କରି ପୃଥିବୀ ଆର୍ଥିକ ଓ ସାମାଜିକ ସ୍ଥିରତା ଚାହୁଁଥିବା ବେଳେ ପ୍ରଥମେ ୨୪ ଫେବୃୟାରୀ ୨୦୨୨ରେ ୟୁକ୍ରେନ୍‌ ଉପରେ ରୁଷିଆ ଆକ୍ରମଣ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri