ଦାରିଙ୍ଗବାଡ଼ି,୮।୯(ଡି.ଏନ.ଏ)-କନ୍ଧମାଳ ଜିଲା ଦାରିଙ୍ଗବାଡ଼ିର ସୁଶାନ୍ତ ସାହୁଙ୍କ ମୋବାଇଲ ଫୋନକୁ ଶନିବାର ଗଞ୍ଜାମ ଆର୍ଟିଓଙ୍କଠାରୁ ଏକ ମେସେଜ ଆସିଲା। ସେଥିରେ ତାଙ୍କ ନାମରେ ୬ ହଜାର ଟଙ୍କାର ଚାଲାଣ କଟାଯାଇଥିବା ଉଲ୍ଲେଖ ରହିଥିଲା। ସେ ଏହି ମେସେଜ ପାଇବାପରେ ଗଞ୍ଜାମ ଆର୍ଟିଓ କାର୍ଯ୍ୟାଳୟକୁ ଯୋଗାଯୋଗ କରିଥିଲେ। ହେଲମେଟ ପିନ୍ଧି ନ ଥିବାରୁ ଏହି ଚାଳଣ କଟାଯାଇଥିବା କୁହାଯାଇଥିଲା। ତେବେ ସୁଶାନ୍ତ ଅଭିଯୋଗ କରିଥିଲେ ଯେ, ସେ ଏବେ ଦାରିଙ୍ଗବାଡ଼ିରେ ଅଛନ୍ତି, ଗଞ୍ଜାମ ଯାଇନାହାନ୍ତି। ପରେ ଗଞ୍ଜାମ ଆର୍ଟିଓ ଚାଲାଣ କଟାଯାଇଥିବା ଏକ ବାଇକ ନଂ.(ଓଡି-୦୭-ୱାଇ-୪୬୯୬) କହିବା ସହ ତାହାର ଫଟୋ ସୁଶାନ୍ତଙ୍କ ନିକଟକୁ ପଠାଇଥିଲେ। ଉକ୍ତ ବାଇକରେ ଦାରିଙ୍ଗବାଡ଼ିର ସାନ୍ତନୁଙ୍କ ସ୍କୁଟିର ନମ୍ବର ଉଲ୍ଲେଖ ଥିଲା। ଫଟୋ ସହ ଚାଳଣ ମଧ୍ୟ ସୁଶାନ୍ତଙ୍କ ନିକଟକୁ ପଠାଇଥିଲେ। ତେବେ ସୁଶାନ୍ତ ଆରଟିଓଙ୍କୁ ସୂଚନା ଦେଇ କହିଥିଲେ ଯେ ତାଙ୍କର ଏହି ନମ୍ବରରେ କୌଣସି ବାଇକ ନାହିଁ ବରଂ ସ୍କୁଟି ରହିଛି। ତେବେ ଆରଟିଓ ଏନେଇ ଥାନାରେ ମାମଲା ଦେବାକୁ ସୁଶାନ୍ତଙ୍କୁ ପରାମର୍ଶ ଦେଇଛନ୍ତି। ଆରଟିଓ ବ୍ଲକିଂ କରି ଯାଞ୍ଚ କରିବା ସମୟରେ କାହିଁକି ଉକ୍ତ ନକଲି ନମ୍ବର ବାଇକକୁ ଜବତ କରିବା ସହ ଦୁର୍ବୁତ୍ତଙ୍କୁ ଧରିଲେ ନାହିଁ ସେନେଇ ପ୍ରଶ୍ନ କରିଛନ୍ତି। ଏଦିଗରେ ଦୃଢ଼ ପଦକ୍ଷେପ ସୁଶାନ୍ତଙ୍କ ସମେତ ଦାରିଙ୍ଗବାଡ଼ି ବଣିକକ ସଂଘର ସଭାପତି ଅରୁଣ କୁମାର ସାହୁ ପ୍ରମୁଖ ଦାବି କରିଛନ୍ତି। ନକଲ କରି ଦୁର୍ବୁତ୍ତ ମାନେ ବାଇକ ବୁଲାଉତବବାବେଳେ ନିରୀହ ଲୋକଙ୍କ ନାମରେ ଚାଳଣ କଟାଯାଉଛି। ଏହାର ଶିଘ୍ର ତଦନ୍ତ କରି ଦୁର୍ବୁତ୍ତଙ୍କୁ ଧରିବାକୁ ଦାବି ହୋଇଛି।
