ଚଣ୍ଡିଗଡ :ମୋହାଲିରେ ଥ୍ରୀ-ଡି ଅଟୋମେଟିକ ସିଗ୍ନାଲ ଲାଇଟ ଦ୍ୱାରା ଟ୍ରାଫିକ କଣ୍ଟ୍ରୋଲ କରାଯାଇଛି । ଏହି ସିଷ୍ଟମ ବ୍ୟବହାର କରିବାରେ ପଞ୍ଜାବ ଦେଶର ପ୍ରଥମ ରାଜ୍ୟ। ଏବକାର ସିଷ୍ଟମରେ ଗାଡି ଭିଡ ନଥିଲେ ବି ୬୦ ସେକେଣ୍ଡ ଅଟକିବାକୁ ପଡୁଛି। କିନ୍ତୁ ଏହି ଲାଇଟ ଛକରେ ଯଦି ଗାଡି ସଂଖ୍ୟା କମ୍ ଥିବ ତେବେ ବିଳମ୍ବ ନକରି ୧୫ ସେକେଣ୍ଡରେ ଗ୍ରୀନ୍ ସିଗ୍ନାଲ ଦେବ। ମୋହାଲି ଇଣ୍ଟରନ୍ୟାଶନାଲ ରୋଡରେ ପ୍ରଥମେ ଥ୍ରୀ-ଡି ଅଟୋମେଟିକ ଲାଇଟ ବ୍ୟବହାର କରାଯାଇଛି। ପରେ ଲୁଧିଆନା,ଜଳନ୍ଧର ଓ ଅମୃତସରରେ ଏହା ଆରମ୍ଭ କରାଯିବ। ଚିତକାରା ବିଶ୍ୱବିଦ୍ୟାଳୟର ଛାତ୍ରମାନଙ୍କ ଦ୍ୱାରା ବିକାଶ କରାଯାଇଥିବା ଏହି ଲାଇଟ୍ ଉପରେ ପଞ୍ଜାବ ଟ୍ରାଫିକ ଲାବୋରେଟୋରିରେ ଏକ ବର୍ଷ ଧରି ପରୀକ୍ଷା କରାଯାଇଥିଲା। ୭ ଦିନ ଯାଏ ଟ୍ରାଏଲ କରାଯିବା ପରେ ଏହାକୁ ସବୁଜ ସଙ୍କେତ ଦିଆଯାଇଛି। ଏହି ଲାଇଟକୁ ମୋବାଇଲ ମାଧ୍ୟମରେ ଉପସ୍ଥିତ ଅଧିକାରୀ କଣ୍ଟ୍ରୋଲ କରିପାରିବେ। ସେହି ଅଧିକାରୀଙ୍କ ପାଖରେ ଲାଇଟର କନେକଟିଭିଟି ସିଷ୍ଟମ ମଧ୍ୟ ରହିବ ଯାହା ଦ୍ୱାରା ସେ ଲାଇଟର ଟାଇମିଂକୁ କମାଇପାରିବେ କିମ୍ବା ବଢାଇପାରିବେ । ମୋବାଇଲ ଦ୍ୱାରା ସିଗ୍ନାଲ କଣ୍ଟ୍ରୋଲ ହେଉଥିବାରୁ ଆମ୍ବୁଲାନ୍ସକୁ ଶୀଘ୍ର ଛାଡିଦିଆଯାଉଛି। ଅଟୋମେଟିକ ଟ୍ରାଫିକ ଲାଇଟ ଲାଗି ଖର୍ଚ୍ଚ ୮୦ ଲକ୍ଷରୁ ରୁ ୧କୋଟି ଟଙ୍କା ହେବ ବୋଲି ଯାହା କୁହାଯାଉଛି ତାହାକୁ କମାଇ ପାରିଛି ପଞ୍ଜାବ ଟ୍ରାଫିକ ଲାବୋରେଟୋରି । ବର୍ଷେ ଏହା ଉପରେ ଗବେଷଣା କରାଯିବା ପରେ ଏହା ପାଇଁ ୧୫-୧୬ ଲକ୍ଷ ଖର୍ଚ୍ଚ ହେବ ବୋଲିି କହିଛି ଲାବୋରେଟୋରି। ଲାଇଟ୍ ପାଇଁ ଖର୍ଚ୍ଚ ୧୫ ଲକ୍ଷ ଟଙ୍କାଓ ଥ୍ରୀ -ଡି ସେନସର ପାଇଁ ଖର୍ଚ୍ଚ ହେବ ୧ ଲକ୍ଷ ଟଙ୍କା ।
