ଦୂରହୋଇପାରୁନି ଭୟ

ପୁରୀ ଅଫିସ,୯ା୧୧: ବାତ୍ୟା ବୁଲ୍‌ବୁଲ ଯଦିଓ ଓଡ଼ିଶାକୁ ଛୁଇଁବ ନାହିଁ କିନ୍ତୁ ଏହାର ପ୍ରଭାବ ପଡିବ। ରାଜ୍ୟର ଉପକୂଳବର୍ତ୍ତୀ ଜିଲାରେ ବର୍ଷା ଓ ପବନ ହେବ। ବୁଲ୍‌ବୁଲକୁ ନେଇ ପାଣିପାଗ ବିଭାଗ ଏଭଳି ଆକଳନ କରିଥିଲେ ମଧ୍ୟ ଉପକୂଳବର୍ତ୍ତୀ ପୁରୀ ଜିଲାବାସୀ କିନ୍ତୁ ଚିନ୍ତାରେ ଅଛନ୍ତି। ବାତ୍ୟା ଫନୀର ତାଣ୍ଡବକୁ ଦେଖିଥିବା ଏବଂ ଏହାର ଅନୁଭୂତିକୁ ଅଙ୍ଗେ ନିଭାଇଥିବାରୁ ବୁଲ୍‌ବୁଲକୁ ନେଇ ସେମାନେ ଭୟଭୀତ ହୋଇପଡିଛନ୍ତି। ଯଦିଓ ପୁରୀରେ ଏହା ଏତେ ମାତ୍ରାରେ ପ୍ରଭାବ ପକାଇବ ନାହିଁ ବୋଲି କୁହାଯାଉଛି ତଥାପି ସମ୍ଭାବ୍ୟ ସ୍ଥିତିକୁ ମୁକାବିଲା ପାଇଁ ଜିଲା ପ୍ରଶାସନ ସମ୍ପୂର୍ଣ୍ଣ ପ୍ରସ୍ତୁତ ରହିଛି। ସତର୍କତା ସ୍ବରୂପ ବେଳାଭୂମିରେ ଲଗାଯାଇଛି ନାଲି ପତାକା। ଏନ୍‌ଡିଆରଏଫ୍‌ ଏବଂ ଓଡ୍ରାଫ୍‌ ଟିମ୍‌ ମଧ୍ୟ ସଜାଗ ରହିଛନ୍ତି। ଅପରପକ୍ଷେ ଫନୀର କରାଳ ରୂପକୁ ଅତି ନିକଟରୁ ଦେଖିଥିବା ସମୁଦ୍ର କୂଳିଆ ଅର୍ଥାତ୍‌ ନୋଳିଆ ସମ୍ପ୍ରଦାୟର ଲୋକେ ସମୁଦ୍ରକୁ ପୂଜା କରିଛନ୍ତି।
ସମ୍ଭାବ୍ୟ ବାତ୍ୟା ବୁଲ୍‌ବୁଲକୁ ନଜରରେ ରଖି ଜିଲା ପ୍ରଶାସନ ପକ୍ଷରୁ ଲୋକଙ୍କୁ ସତର୍କ କରାଯାଇଥିବାବେଳେ ଆଗୁଆ ପଦକ୍ଷେପ ସ୍ବରୂପ ଶୁକ୍ରବାର ଓ ଶନିବାର ଦୁଇଦିନ ସବୁ ସ୍କୁଲ, କଲେଜକୁ ବନ୍ଦ କରାଯାଇଛି। ସକାଳେ ଜିଲାପାଳ ବଲୱନ୍ତ ସିଂ ସମୁଦ୍ର କୂଳ ପେଣ୍ଠକଟା ବସ୍ତିକୁ ଯାଇ ଲୋକମାନଙ୍କ ଭଲମନ୍ଦ ପଚାରି ବୁଝିଛନ୍ତି। ବର୍ଷା, ପବନ ପ୍ରତି ସତର୍କ ରହିବାକୁ ପରାମର୍ଶ ଦେଇଛନ୍ତି। ଆବଶ୍ୟକ ପଡିଲେ ସେମାନଙ୍କୁ ନିରାପଦ ସ୍ଥାନକୁ ଯିବାକୁ ପଡିବ। ତେଣୁ ଏଥିରେ ସହଯୋଗ କରିବା ଲାଗି ବୁଝାଇଛନ୍ତି। ସେହିପରି ଜିଲାର ସମସ୍ତ ବିଡିଓଙ୍କୁ ସତର୍କ କରାଯାଇଛି। ଜିଲାର ସମସ୍ତ ଅଧିକାରୀଙ୍କୁ ହେଡ୍‌କ୍ବାର୍ଟର ଛାଡି ନ ଯିବାକୁ ନିର୍ଦ୍ଦେଶ ଦିଆଯାଇଛି। ଜିଲା ପ୍ରଶାସନିକ ଅଧିକାରୀ ଶୁକ୍ରବାର ବିଭିନ୍ନ ବ୍ଲକକୁ ଯାଇ ସ୍ଥିତି ପରଖିଛନ୍ତି। ଅତିରିକ୍ତ ଜିଲାପାଳ ବିନୟ କୁମାର ଦାଶ ଡେଲାଙ୍ଗ ଓ ପିପିଲି, ଉପଜିଲାପାଳ ଭବତାରଣ ସାହୁ ବ୍ରହ୍ମଗିରି ବ୍ଲକକୁ ଯାଇଥିବାବେଳେ ଅନ୍ୟ ଅଧିକାରୀମାନେ ବିଭିନ୍ନ ବ୍ଲକକୁ ଯାଇ ସ୍ଥିତି ତଦାରଖ କରିଛନ୍ତି।
ସମ୍ଭାବ୍ୟ ବାତ୍ୟାକୁ ନେଇ ଜିଲା ପ୍ରଶାସନର ପ୍ରସ୍ତୁତି ସମ୍ପର୍କରେ ଜିଲାପାଳ କହିଛନ୍ତି ଯେ, ପ୍ରଶାସନ ସମ୍ପୂର୍ଣ୍ଣ ମାତ୍ରାରେ ପ୍ରସ୍ତୁତ ଅଛି। ଜିଲାର ସବୁ ବ୍ଲକର ସ୍ଥିତି ଉପରେ ମଧ୍ୟ ନଜର ରଖାଯାଇଛି। ଶନିବାର ସକାଳେ ବର୍ଷା, ପବନ ଅଧିକ ହୋଇପାରେ ବୋଲି ଯେଉଁ ଆଶଙ୍କା କରାଯାଉଛି ସେଥିପାଇଁ ସମସ୍ତ ଅଧିକାରୀ ପ୍ରସ୍ତୁତ ରହିଛି। ଅଧିକ ପବନ ଯୋଗୁ କେଉଁଠି ଗଛ ପଡି ରାସ୍ତା ଅବରୋଧ ହେଲା କିମ୍ବା ବିଦ୍ୟୁତ୍‌ ସରବରାହ ବ୍ୟାହତ ହେଲା ତୁରନ୍ତ ଏହାକୁ ସ୍ବାଭାବିକ କରିବା ଲାଗି ପରାମର୍ଶ ଦିଆଯାଇଛି। ସେହିପରି ତଳିଆ ଅଞ୍ଚଳ ପ୍ରତି ମଧ୍ୟ ସତର୍କ ଦୃଷ୍ଟି ରଖାଯାଇଛି। ଆବଶ୍ୟକ ପଡିଲେ ଲୋକଙ୍କୁ ନିରାପଦ ସ୍ଥାନକୁ ସ୍ଥାନାନ୍ତର କରାଯାଇ ରନ୍ଧାଖାଦ୍ୟ ଯୋଗାଇ ଦିଆଯିବାର ବ୍ୟବସ୍ଥାା କରାଯାଇଛି। ସକାଳୁ ପାଗ କୋହଲା ରହିଥିବାବେଳେ ମଧ୍ୟାହ୍ନ ୧୨ଟାରେ ଝିପି ଝିପି ବର୍ଷା ଆରମ୍ଭ ହୋଇଥିଲା। ଅପରାହ୍ନ ୪ଟା ଝିପିଝିପି ବର୍ଷା ଲାଗିରହିଥିବାବେଳେ ହାଲକା ପବନ ବହୁଥିଲା। ଏହା ପରଠାରୁ ବର୍ଷା ଛାଡ଼ିଯାଇଥିବାବେଳେ କୋହଲା ପବନ ଜାରି ରହିଥିଲା।

ସମୁଦ୍ରକୁ ପୂଜା କଲେ ଲୋକେ
ପୁରୀ ବେଳାଭୂମି ପ୍ରତି ତୀକ୍ଷ୍ମଣ ନଜର ରଖାଯାଇଛି। ପର୍ଯ୍ୟଟକମାନଙ୍କୁ ଡାକବାଜି ଯନ୍ତ୍ର ଯୋଗେ ସତର୍କ କରାଯାଇଥିବାବେଳେ ଦିଗବାରିଣୀଠାରୁ ସୁକ୍‌ପ୍ୟାଲେସ ପର୍ଯ୍ୟନ୍ତ ବେଳାଭୂମିରେ ନାଲି ପତକା ଲଗାଯାଇଛି। ସମୁଦ୍ର ଅଶାନ୍ତ ରହିଥିବାରୁ ସ୍ନାନ ନ କରିବା ଲାଗି ପର୍ଯ୍ୟଟକଙ୍କୁ ଲାଇଫ୍‌ଗାର୍ଡମାନେ ବାରଣ କରୁଛନ୍ତି। ବେଳାଭୂମିର ବିଭିନ୍ନ ସ୍ଥାନରେ ଲାଇଫ୍‌ଗାର୍ଡ ମୁତୟନ ରହି ପର୍ଯ୍ୟଟକଙ୍କୁ ସଚେତନ କରୁଥିବା ଲାଇଫ୍‌ଗାର୍ଡ ଅଧିକାରୀ ଧନଞ୍ଜୟ ମଲ୍ଲିକ କହିଛନ୍ତି। ଅନ୍ୟପକ୍ଷରେ ସାଧାରଣ ଦିନ ଅପେକ୍ଷା ବର୍ତ୍ତମାନ ସମୁଦ୍ରରେ ଅଧିକ ଉଚ୍ଚ ଜୁଆର ଆସୁଛି। ପୁରୀ ସମୁଦ୍ର ପାଇଁ ୩ ନଂ. ବିପଦ ସଂକେତ ଦିଆଯାଇଛି। ତେବେ ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ଫନୀ ବାତ୍ୟାରେ ସମୁଦ୍ରର କରାଳ ରୂପକୁ ଦେଖିଥିବା ଉପକୂଳିଆ ମତ୍ସ୍ୟଜୀବୀ ସମ୍ପ୍ରଦାୟର ଲୋକେ ଅଧିକ ଭୟଭୀତ ହୋଇପଡିଛନ୍ତି। ଯଦିଓ ବୁଲ୍‌ବୁଲ୍‌ ଓଡ଼ିଶା ଛୁଇଁବ ନାହିଁ ବୋଲି ପାଣିପାଗ ବିଭାଗ କହୁଛି ତଥାପି ଏହାକୁ ବିଶ୍ୱାସକୁ ନେଇପାରି ନାହାନ୍ତି ସମୁଦ୍ର କୂଳିଆ ଲୋକେ। ତେଣୁ ସମୁଦ୍ରକୁ ପୂଜା କରିଛନ୍ତି। ଶୁକ୍ରବାର ସନ୍ଧ୍ୟାରେ ନୋଳିଆ ସମ୍ପ୍ରଦାୟର ମହିଳା ଏବଂ ପୁରୁଷ ଦିଗବାରିଣୀ ନିକଟ ବେଳାଭୂମିରେ ଧୂପ, ଦୀପ ଦେଇ ସମୁଦ୍ରକୁ ପୂଜା କରିଛନ୍ତି। ପାଣି ନ ଉଠୁ ବୋଲି ପ୍ରାର୍ଥନା କରିଛନ୍ତି। ସେହିପରି ବେଳାଭୂମି ମାର୍ଗ ବିଭିନ୍ନ ହୋଟେଲରେ ଥିବା ପର୍ଯ୍ୟଟକମାନଙ୍କୁ ହୋଟେଲ ଭିତରେ ରହିବାକୁ ପରାମର୍ଶ ଦିଆଯାଇଛି।


Enter your email to get our daily news in your inbox.

All Right Reserved By Dharitri.Com

ଆମ୍ବୁଲାନ୍ସରେ ଯାତ୍ରୀ ପରିବହନ: ଚାଳକ, ଯାତ୍ରୀ ଅଟକ

ରାୟଗଡ଼ା ଅଫିସ,୩୦ା୩-କୋଭିଡ୍‌-୧୯ର ଭୟାବହତାକୁ ନଜରରେ ରଖି ସରକାର ଲକ୍‌ଡାଉନ୍‌ ଘୋଷଣା କରିଛନ୍ତି। ଏଥିପାଇଁ ଯାନବାହନ ଚଳାଚଳ ବନ୍ଦ ରହିଛି। ଏଭଳି ପରିସ୍ଥିତିରେ ସୋମବାର ନୟାଗଡ଼ ଜିଲା...

ଜେଲ୍‌ ଗଲେ ନକଲି ସୋରିଷ ତେଲ କାରଖାନା ଚଳାଉଥିବା ଦମ୍ପତି

ଉଦଳା, ୧୦।୧୧ (ଡି.ଏନ.ଏ) – ମୟୂରଭଞ୍ଜ ଜିଲା ଉଦଳା ଥାନାଠାରୁ ମାତ୍ର ଦେଢ କି.ମି. ଦୂର ଏନଏସି ଅଧୀନ ୧୨ ନଂ ୱାର୍ଡରେି ଚାଲିଥିବା ନକଲି...

ରେକର୍ଡ ଭାଙ୍ଗୁଛି ମୃତ୍ୟୁ ସଂଖ୍ୟା: ରାଜ୍ୟରେ କରୋନା ନେଲା ଆଉ ୨୧ ମୁଣ୍ଡ

ଭୁବନେଶ୍ୱର,୮।୫(ବ୍ୟୁରୋ): ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ବଢ଼ୁଛି। ଶନିବାର ରାଜ୍ୟରେ କରୋନା ଆଉ ୨୧ ଜଣଙ୍କ ଜୀବନ ନେଇଛି।...

ବିରଳ ପକ୍ଷୀ ଉଦ୍ଧାର: ନନ୍ଦନକାନନରେ ରହିବ

ଟେନ୍‌ସା, ୫।୫(ଡି.ଏନ୍‌.ଏ.): ସୁନ୍ଦରଗଡ଼ ଜିଲା ବଣାଇ ବନାଞ୍ଚଳର ବରାହମୂଷା ଗ୍ରାମରୁ ବୁଧବାର ସକାଳେ ଏକ ବିରଳ ବିଦେଶୀ ପକ୍ଷୀ ଉଦ୍ଧାର କରାଯାଇଛି। ଏହାକୁ ଗୁରୁବାର ଭୁବନେଶ୍ୱର...

ଅସହାୟ ବ୍ୟକ୍ତିଙ୍କୁ ଖାଦ୍ୟ ସାମଗ୍ରୀ ଦେଲେ ସରପଞ୍ଚ

କାକଟପୁର,୨ା୪(ଡି.ଏନ୍‌.ଏ.): କରୋନା ଭୂତାଣୁର ମୁକାବିଲା ପାଇଁ ସରକାର ଲକଡାଉନ ଘୋଷଣା କରିଥିବାବେଳେ ଦିନ ମଜୁରିଆ, ଶ୍ରମିକ, ଅସହାୟ, ନିରାଶୟମାନଙ୍କ ପାଇଁ ଚଡ଼କ ସଦୃଶ ପାଲଟିଛି। ଏମାନଙ୍କ...

ଛତୁ ସଂଗ୍ରହ ପାଇଁ ଯାଇଥିବା ବେଳେ ଗୋଡାଇଲେ ହାତୀପଲ

କୁଚିଣ୍ଡା,୮ା୭(ଡି.ଏନ୍‌.ଏ.) ସମ୍ବଲପୁର ଜିଲା ମହୁଳପାଲି ଥାନା କୁସୁମୀ ଫାଣ୍ଡି ଅଧୀନ କୁଚିଣ୍ଡା ବ୍ଲକ (କୁ) ଜମନକିରା ପଞ୍ଚାୟତ ଜଲଡିହି(ଲିଟିପଡା)ର ନରେନ୍ଦ୍ର କିଷାନ (୫୦) ହାତୀ ଆକ୍ରମଣରେ...

ବଳାତ୍କାର ମାମଲା: ଅଭିଯୁକ୍ତଙ୍କୁ ୫ ବର୍ଷ ଜେଲ

ବ୍ରହ୍ମପୁର ଅଫିସ,୨୫ା୧୨- ଗଞ୍ଜାମ ଜିଲା ସ୍ବତନ୍ତ୍ର ପୋକ୍‌ସୋ ଜଜ ତଥା ଅତିରିକ୍ତ ଦୌରା ଜଜ (ଏଡିଜେ)-୨ ଜଗଦୀଶ ପ୍ରସାଦ ମହାନ୍ତି ମଙ୍ଗଳବାର ଏକ ବଳାତ୍କାର ମାମଲାର...

ଶୁଳିଆପଦା ବ୍ଲକ୍‌ରେ ସର୍ବାଧିକ ବର୍ଷା

ବାରିପଦା ଅଫିସ,୨୬।୭- ମୟୂରଭଞ୍ଜ ଜିଲାରେ ବୁଧବାର ସନ୍ଧ୍ୟାରୁ ବିଭିନ୍ନ ସମୟରେ ବର୍ଷା ହେଉଛି। ଶୁକ୍ରବାର ସନ୍ଧ୍ୟା ସୁଦ୍ଧା ଜିଲାରେ ମୋଟ ୪୯୦.୧୮ ମିମି ବର୍ଷା ହୋଇଥିବା...

Advertisement
Archives

Model This Week