ପାରାଦୀପ,୨୯ା୧୨(ସ୍ବ.ପ୍ର.): ୨୦୨୦ ଜାନୁୟାରୀ ୨୬ ସାଧାରଣ ତନ୍ତ୍ରଦିବସ ଉପଲକ୍ଷେ ହେବାକୁ ଥିବା ରାଜପଥ ପରେଡ ଓ ଗାର୍ଡ ଅଫ ହନର ପାଇଁ ଓଡ଼ିଶାରୁ ୧୧୧ଜଣ ଛାତ୍ରୀଛାତ୍ର ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି। ସେଥିରେ ଜଗତ୍ସିଂହପୁର ଜିଲାରୁ ୪ଜଣ ଛାତ୍ରୀଙ୍କୁ ସାମିଲ କରାଯାଇଛି। ସେମାନେ ହେଲେ ତିର୍ତ୍ତୋଲ କଲେଜର ଦୀପାଳି ମହାନ୍ତ, ବାଲିକୁଦା କଲେଜର କଳ୍ପନା କାଣ୍ଡି, ସୋନାଲି ମହାରଣା ଓ ପାରାଦୀପ କଲେଜର ନିବେଦିତା ତରାଇ। ଏହି ୪ ଜଣଙ୍କ ସହ କଟକ ଜିଲାର ଆଉ ୨ ଜଣ ଭୁବନେଶ୍ୱର ୧ ନଂ ବାଟାଲିୟନରୁ ସାମିଲ ହୋଇଛନ୍ତି। ଏହି ଛାତ୍ରୀଛାତ୍ରଙ୍କୁ ସ୍ଥଳସେନା ପକ୍ଷରୁ କଟକରେ ଗତ ୨ ମାସ ହେବ ପ୍ରଶିକ୍ଷଣ ଦିଆଯାଉଥିଲା। ଓଡିଶାରୁ ଦିଲ୍ଲୀ ଯାଇଥିବା ସମସ୍ତ ଛାତ୍ରୀଛାତ୍ର ଜାନୁୟାରୀ ମାସ ତମାମ ଦିଲ୍ଲୀରେ ସୈନ୍ୟବାହିନୀ ସହ ଅଭ୍ୟାସ କରିବେ। ଯାତ୍ରା ପୂର୍ବରୁ ଜଗତସିଂହପୁର ଜିଲାର ଛାତ୍ରୀମାନଙ୍କୁ ମାତା, ପିତା ଓ କଲେଜ ପକ୍ଷରୁ ସମ୍ବର୍ଦ୍ଧନା ଦିଆଯାଇଛି।
