ଦକ୍ଷିଣ ଆଫ୍ରିକାକୁ ହରାଇଲା ପାକିସ୍ତାନ

ଲଣ୍ଡନ,୨୪।୬(ପି.ଟି.)- ଶେଷରେ ପାକିସ୍ତାନ ଜୋରଦାର୍‌ ପ୍ରତ୍ୟାବର୍ତ୍ତନ ସହ ବିଶ୍ୱକପ୍‌ର ୩୦ତମ ମ୍ୟାଚ୍‌ରେ ଦକ୍ଷିଣ ଆଫ୍ରିକାକୁ ୪୯ ରନରେ ପରାସ୍ତ କରି ତା’ର ସେମିଫାଇନାଲର କ୍ଷୀଣ ଆଶାକୁ ଉଜ୍ଜୀବିତ ରଖିଛି। ଐତିହାସିକ ଲଡର୍‌ସ ଗ୍ରାଉଣ୍ଡରେ ରବିବାର ଖେଳାଯାଇଥିବା ଏହି ଗୁରୁତ୍ୱପୂର୍ଣ୍ଣ ମୁକାବିଲାରେ ଟସ୍‌ ଜିତି ପାକିସ୍ତାନ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୭ ଉଇକେଟ ହରାଇ ୩୦୮ ରନ ସଂଗ୍ରହ କରିଥିଲା। ଜବାବରେ ଦକ୍ଷିଣ ଆଫ୍ରିକା ୫୦ ଓଭରରେ ନ ଉଇକେଟ ହରାଇ ୨୫୯ ରନ କରି ପରାଜୟ ବରଣ କରିଛି। ଏଥିସହ ପାକିସ୍ତାନ ୬ଟି ମ୍ୟାଚ୍‌ ଖେଳି ୨ଟି ବିଜୟ, ୩ଟି ପରାଜୟ ଓ ଗୋଟିଏ ବିନା ଫଳାଫଳ ସହ ୫ ପଏଣ୍ଟ ପାଇ ତାଲିକାର ସପ୍ତମ ସ୍ଥାନକୁ ଉଠିଛି। ଅନ୍ୟପଟେ ଦକ୍ଷିଣ ଆଫ୍ରିକା ୭ଟି ମ୍ୟାଚ୍‌ ଖେଳି ଗୋଟିଏ ବିଜୟ, ୫ ପରାଜୟ ଓ ଗୋଟିଏ ବିନା ଫଳାଫଳ ସହ ୩ ପଏଣ୍ଟ ପାଇ ତାଲିକାର ନବମ ସ୍ଥାନକୁ ଖସିଛି। ଏଥି ସହିତ ଦକ୍ଷିଣ ଆଫ୍ରିକା ସେମିଫାଇନାଲ ଦୌଡ଼ରୁ ବାଦ୍‌ ପଡିଛି।
୩୦୯ ରନ କଷ୍ଟସାଧ୍ୟ ବିଜୟ ଲକ୍ଷ୍ୟର ପିଛା କରି ଦକ୍ଷିଣ ଆଫ୍ରିକା ଅଭିଜ୍ଞ ହାସିମ ଅମଲା (୨ ରନ)ଙ୍କୁ ହରାଇ ପ୍ରାରମ୍ଭିକ ଝଟ୍‌କା ଖାଇଥିଲା। ଅଧିନାୟକ ଫାଫ୍‌ ଡୁପ୍ଲେସି (୬୩ ରନ, ୭୯ ବଲ, ୫ ଚୌକା) ଓ କ୍ୱିଣ୍ଟନ ଡିକକ୍‌ (୪୭ ରନ, ୬୦ ବଲ, ୩ ଚୌକା, ୨ ଛକା)ଙ୍କୁ ବାଦ ଦେଲେ ଅନ୍ୟ କୌଣସି ବ୍ୟାଟ୍ସମ୍ୟାନ ବଡ଼ ସ୍କୋର ହାସଲ କରିପାରି ନ ଥିଲେ। ନିୟମିତ ଅନ୍ତରରେ ଦଳ ଉଇକେଟ ହରାଇଥିଲା। ଅନ୍ୟମାନଙ୍କ ମଧ୍ୟରେ ରାସି ଭାନ୍‌ ଡେର ଡୁସେନ ୩୬, ଡେଭିଡ ମିଲର ୩୧, କ୍ରିସ ମୋରିସ ୧୬ ରନ କରି ଆଉଟ ହୋଇଥିଲେ। ତେବେ ଶେଷ ଆଡ଼କୁ ଆଣ୍ଡିଲ ଫେଲୁକ୍ୱାୟୋ ୩୨ ବଲରୁ ୬ ଚୌକା ସହ ୪୬ ରନ କରି ଶେଷ ପର୍ଯ୍ୟନ୍ତ ଅପରାଜିତ ରହିଥିଲେ। ଅନ୍ୟମାନେ ଦୁଇ ଅଙ୍କ ଛୁଇଁ ପାରି ନ ଥିଲେ। ବୋଲିଂରେ ପାକିସ୍ତାନ ତରଫରୁ ଓ୍ବାହାବ ରିୟାଜ ଓ ସଦାବ ଖାଁ ୩ଟି ଲେଖାଏ, ମହମ୍ମଦ ଆମୀର ୨ ଓ ଶାହୀନ ଶାହ ଆଫ୍ରିଦୀ ଗୋଟିଏ ଉଇକେଟ ଅକ୍ତିଆର କରିଥିଲେ।
ପୂର୍ବରୁ ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ପାକିସ୍ତାନ ତରଫରୁ ପ୍ରତ୍ୟାବର୍ତ୍ତନ କରିଥିବା ମିଡଲ ଅର୍ଡର ବ୍ୟାଟ୍ସମ୍ୟାନ ହାରିସ ସୋହେଲ ଜବରଦସ୍ତ ବ୍ୟାଟିଂର ନମୁନା ପ୍ରଦର୍ଶନ କରିଥିଲେ। ମାତ୍ର ୫୯ଟି ବଲର ସମ୍ମୁଖୀନ ହୋଇ ସୋହେଲ ୯ ଚୌକା ଓ ୩ ଛକା ସହ ଦ୍ରୁତ ୮୯ ରନ ସଂଗ୍ରହ କରି ଦଳକୁ ବୃହତ୍‌ ସ୍କୋର ପ୍ରଦାନ କରିଥିଲେ। ଟୁର୍ନାମେଣ୍ଟର ପ୍ରଥମ ମ୍ୟାଚ ଖେଳି ୩୦ ବର୍ଷୀୟ ସୋହେଲ ଚତୁର୍ଥ ଉଇକେଟରେ ବାବର ଆଜମଙ୍କ ସହ ୮୦ ବଲରୁ ୬୯ ରନ ସଂଗ୍ରହ କରିଥିଲେ। ସେହିପରି ପଞ୍ଚମ ଉଇକେଟରେ ଇମାଦ ଓ୍ବାସିମଙ୍କ ସହ ସୋହେଲ ୪୦ ବଲରୁ ୭୧ ରନ ସଂଗ୍ରହ କରିଥିଲେ। ଅନ୍ତିମ ୧୦ ଓଭରରେ ପାକିସ୍ତାନ ୯୧ ରନ ସଂଗ୍ରହ କରିଥିଲା ଓ ଏଥିରେ ସୋହେଲଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା। ଖରାପ ଫର୍ମ ଦେଇ ଗତି କରୁଥିବା ଅଭିଜ୍ଞ ସୋଏବ ମଲିକଙ୍କ ସ୍ଥାନରେ ସୋହେଲଙ୍କୁ ଅନ୍ତିମ ଏକାଦଶରେ ସାମିଲ କରାଯାଇଥିଲା। ସୋହେଲ ମଧ୍ୟ ଏହାର ଯଥାର୍ଥତା ପ୍ରତିପାଦନ କରିଥିଲେ।
ଦୁଇ ଓପନର ଇମାମ ଉଲ ହକ ଓ ଫକର ଜମାନ ୪୪ ରନ ଲେଖାଏ କରି ଅଭିଜ୍ଞ ସ୍ପିନର ଇମ୍ରାନ ତାହିରଙ୍କ ଦ୍ୱାରା ଆଉଟ ହୋଇଥିଲେ। ପ୍ରଥମେ ଫକର ଓ ପରେ ଇମାମ ଆଉଟ ହୋଇଥିଲେ। ପ୍ରଥମ ଉଇକେଟରେ ଏହି ଦୁଇ ବ୍ୟାଟ୍ସମ୍ୟାନ ୮୧ ରନ ସଂଗ୍ରହ କରିଥିଲେ। ଏହାପରେ ଅଭିଜ୍ଞ ମହମ୍ମଦ ହାଫିଜ୍‌ ୨୦ ରନ କରିଥିବା ବେଳେ ଏଡେନ ମାରକ୍ରାମଙ୍କ ଦ୍ୱାରା ଆଉଟ ହୋଇଥିଲେ। ନିର୍ଭରଯୋଗ୍ୟ ବାବର ଆଜମ ଆଶା ଅନୁରୂପ ପ୍ରଦର୍ଶନ କରିଥିଲେ ଓ ୮୦ଟି ବଲରୁ ୭ ଚୌକା ସହ ୬୯ ରନ କରି ଆଣ୍ଡିଲ ଫେଲୁକ୍ୱାୟୋଙ୍କ ଶିକାର ହୋଇଥିଲେ। ଇମାଦ ଓ୍ବାସିମ ୧୫ ବଲରୁ ୩ ଚୌକା ସହ ଦ୍ରୁତ ୨୩ ରନ କରି ପ୍ୟାଭିଲିୟନ ଫେରିଥିଲେ। ଲୁନ୍‌ଗି ଏନ୍‌ଗିଡିଙ୍କ ଦ୍ୱାରା ଆଉଟ ହେବା ପୂର୍ବରୁ ସୋହେଲ ଦଳର ସ୍କୋରକୁ ୩୦୦ ପାର କରାଇଥିଲେ। ଓ୍ବାହାବ ରିୟାଜ ୪ ରନ କରି ଆଉଟ ହୋଇଥିବା ବେଳେ ଅଧିନାୟକ ସର୍ଫରାଜ ଅହମ୍ମଦ ୨ ଓ ଶଦାବ ଖାଁ ୧ ରନ କରି ଅପରାଜିତ ରହିଥିଲେ। ବୋଲିଂରେ ଦକ୍ଷିଣ ଆଫ୍ରିକା ତରଫରୁ ଲୁନ୍‌ଗି ଏନ୍‌ଗିଡି ସର୍ବାଧିକ ୩, ତାହିର ୨, ଫେଲୁକ୍ୱାୟୋ ଓ ମାରକ୍ରାମ ଗୋଟିଏ କରି ଉଇକେଟ ହାସଲ କରିଥିଲେ। ତାହିର ଏଥିସହିତ ବିଶ୍ୱକପ୍‌ରେ ଦକ୍ଷିଣ ଆଫ୍ରିକା ପାଇଁ ରେକର୍ଡ କରିଛନ୍ତି। ସେ ମୋଟ ୩୮ଟି ଉଇକେଟ ଅକ୍ତିଆର କରି ଆଲାନ ଡୋନାଲ୍ଡଙ୍କୁ ଅତିକ୍ରମ କରିଛନ୍ତି।
ସଂକ୍ଷିପ୍ତ ସ୍କୋର:
ପାକିସ୍ତାନ ୫୦ ଓଭରରେ ୩୦୮/୭
(ସୋହେଲ- ୮୯, ଆଜମ- ୬୯, ଇମାମ- ୪୪, ଫକର- ୪୪, ଇମାଦ- ୨୩, ହାଫିଜ- ୨୦, ଏନ୍‌ଗିଡି- ୩/୬୪, ତାହିର- ୨/୪୧)।
ଦକ୍ଷିଣ ଆଫ୍ରିକା ୫୦ ଓଭରରେ ୨୫୯/୯
(ଡୁପ୍ଲେସି- ୬୩, ଡିକକ୍‌- ୪୭, ଫେଲୁକ୍ୱାୟୋ- ୪୬*, ଡୁସେନ- ୩୬, ମିଲର- ୩୧, ରିୟାଜ- ୩/ ୪୬, ଶଦାବ- ୩/୫୦, ଅମୀର- ୨/୪୯)।


Enter your email to get our daily news in your inbox.

All Right Reserved By Dharitri.Com

ନ୍ୟୁଜିଲାଣ୍ଡକୁ କାହିଁକି କୁହାଯାଉଛି ‘ସାଇଲେଣ୍ଟ କିଲର୍‌’

ଆବୁଧାବି,୧୧।୧୧: ଟି-୨୦ ବିଶ୍ୱକପ୍‌ ୨୦୨୧ ଫାଇନାଲରେ ପହଞ୍ଚିଛି ନ୍ୟୁଜିଲାଣ୍ଡ। ସେମିଫାଇନାଲରେ ଇଂଲଣ୍ଡକୁ ପରାସ୍ତ କରି ଦଳ ପ୍ରଥମ ଥର ଫାଇନାଲ ଖେଳିବାକୁ ଯାଉଛି। ଟି-୨୦ ବିଶ୍ୱକପ୍‌...

୨୫ ବଲ୍‌ରୁ ୧୨୮ ରନ୍‌ର ବିସ୍ଫୋରକ ଇନିଂସ ଖେଳିଥିଲେ ଏହି କ୍ରିକେଟର୍‌

ଆଜିକୁ ଠିକ୍‌ ୮ ବର୍ଷ ପୂର୍ବେ ଅର୍ଥାତ୍‌ ୨୦୧୩, ୨୯ ଅଗଷ୍ଟରେ ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍‌ ଆରୋନ ଫିଞ୍ଚ ଟି-୨୦ କ୍ରିକେଟ୍‌ରେ ବିଶ୍ୱ ରେକର୍ଡ କରିଥିଲେ। ଅଷ୍ଟ୍ରେଲିଆ...

ପ୍ରଜନେଶ କ୍ୱାର୍ଟରଫାଇନାଲରେ

କ୍ୟାରି (ୟୁଏସ୍‌ଏ): ଭାରତର ପ୍ରଜନେଶ ଗୁଣେଶ୍ୱରନ ଏଠାରେ ଚାଲିଥିବା ଆଟଲାଣ୍ଟିକ୍‌ ଟାଇର୍‌ ଚାମ୍ପିୟନଶିପ୍‌ର କ୍ୱାର୍ଟରଫାଇନାଲରେ ପ୍ରବେଶ କରିଛନ୍ତି। ଏହିି ଏଟିପି ଚ୍ୟାଲେଞ୍ଜର ଇଭେଣ୍ଟର ଏକ ସଂଘର୍ଷପୂର୍ଣ୍ଣ...

ମୁମ୍ବାଇ ଭରଷାରେ ଆର୍‌ସିବି

ମୁମ୍ବାଇ,୧୯।୫: ଦୀର୍ଘ ଦିନ ହେଲା ଚୁପ୍‌ ଥିବା ବିରାଟ କୋହଲିଙ୍କ ବ୍ୟାଟ ଗର୍ଜନ କରିଛି। ତାଙ୍କର ୭୩ ରନ୍‌ର ଇନିଂସ ଯୋଗୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର...

ତ୍ରିରାଷ୍ଟ୍ରୀୟ ଜୁନିୟର ମହିଳା ହକି ଟୁର୍ନାମେଣ୍ଟ: ଭାରତର ବିଜୟ ଅଭିଯାନ

କାନବେରା, ୫।୧୨(ପି.ଟି.)- ଏଠାରେ ଚାଲିଥିବା ତ୍ରିରାଷ୍ଟ୍ରୀୟ ହକି ଟୁର୍ନାମେଣ୍ଟରେ ଭାରତୀୟ ମହିଳା ଦଳ ବିଜୟରୁ ଅଭିଯାନ ଆରମ୍ଭ କରିଛି। ବୁଧବାର ଭାରତ ତା’ର ପ୍ରଥମ ମ୍ୟାଚ୍‌ରେ...

ଉଡନ୍ତା କାର୍‌ କିଣିବାକୁ ଚାହୁଁଛନ୍ତି ଏହି କ୍ରିକେଟ୍‌ର

କରୋନା ଭାଇରସ କାରଣରୁ କୌଣସି କ୍ରିକେଟ ସିରିଜ୍‌ ଅନୁଷ୍ଠିତ ହୋଇପାରୁନାହିଁ। ଏହି କାରଣରୁ ଅଧିକାଂଶ କ୍ରିକେଟ ଖେଳାଳି ସୋସିଆଲ ମିଡିଆରେ ସକ୍ରିୟ ରହୁଛନ୍ତି। ଏହି ମହାମାରୀ...

ବାଲକୋନିରୁ ଧୋନୀଙ୍କ ଜର୍ସି ଦେଖାଇଲେ ଶାସ୍ତ୍ରୀ

ନୂଆଦିଲ୍ଲୀ,୧୪।୬: ଟ୍ରେଣ୍ଟବ୍ରିଜଠାରେ କ୍ରମାଗତ ବର୍ଷା ଯୋଗୁ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ମ୍ୟାଚ୍‌ ଖେଳାଯାଇ ପାରି ନ ଥିଲା। ଏଥିଯୋଗୁ ଷ୍ଟାଡିୟମ୍‌ରେ ଉପସ୍ଥିତ ଦର୍ଶକ ପଡ଼ିଆରେ...

ରିୟଲ ମାଡ୍ରିଡ୍‌ ଛାଡ଼ିବେ ଜିଡାନ

ମାଡ୍ରିଡ୍‌,୧୭।୫: ଫ୍ରାନ୍ସ କିମ୍ବଦନ୍ତୀ ଫୁଟ୍‌ବଲର ଜିନେଡାଇ ଜିଡାନ ରିୟଲ ମାଡ୍ରିଡ୍‌ କ୍ଲବର କୋଚ୍‌ ପଦ ଛାଡିବେ ବୋଲି ସୂଚନା ଦେଇଛନ୍ତି। ଚଳିତ ସେସନ ଶେଷ ଆଡକୁ...

Advertisement
Archives

Model This Week