ଥ୍ରୀ ଲେୟାର ଝୁମୁକା

ଥ୍ରୀ ଲେୟାର ଝୁମୁକାରେ ସାଧାରଣତଃ ଥାକ ଥାକ ହୋଇ ତିନି ଥାକରେ ଝୁମୁକା ତଳକୁ ଓହଳି ରହିଥାଏ, ଯାହା ଚେହେରାକୁ ଟିକେ ହେଭି ଲୁକ୍‌ ଦେଇଥାଏ। ତେଣୁ ପୂଜାପାର୍ବଣ ହେଉ କିମ୍ବା ଘରୋଇ ଫଙ୍କ୍‌ସନରେ ହେଭି ଓ୍ବାର୍କବାଲା ଆଉଟ୍‌ଫିଟ୍‌ ସହ ଏହି ଇୟର ରିଂକୁ ପିନ୍ଧିଲେ ଗର୍ଜିୟସ୍‌ ଲୁକ୍‌ ମିଳିଥାଏ…
ନାରୀଙ୍କ ସୌନ୍ଦର୍ଯ୍ୟକୁ ଆକର୍ଷଣୀୟ କରିଥାଏ ଝୁମୁକା ଇୟର ରିଂ। ସେଥିପାଇଁ ଏହାର ଟ୍ରେଣ୍ଡ କେବେ ବି ଆଉଟ୍‌ ଅଫ୍‌ ଫ୍ୟାଶନ ହୁଏ ନାହିଁ। ତେବେ ଆଜିକାଲି ମାର୍କେଟ୍‌ରେ ଅନେକ ସୁନ୍ଦର ସୁନ୍ଦର ଡିଜାଇନର ଝୁମୁକା ଇୟର ରିଂ ମିଳୁଥିବା ଦେଖିବାକୁ ମିଳୁଛି। ତନ୍ମଧ୍ୟରୁ ଥ୍ରୀ ଲେୟାର ଝୁମୁକାର ଫ୍ୟାଶନ ଏବେ ଖୁବ୍‌ ଚାଲିଛି। ଇଣ୍ଡିଆନ୍‌ ହେଉ ବା ଓ୍ବେଷ୍ଟର୍ନ ସବୁ ପ୍ରକାର ଆଉଟ୍‌ ଫିଟ୍‌ ସହ ଥ୍ରୀ ଲେୟାର ଝୁମୁକା ବେଶ୍‌ ଭଲ ମାନିବା ସହ ଗ୍ଲାମର୍ସ ଲୁକ୍‌ ଦେଇଥାଏ। ସେଥିପାଇଁ ଯୁବତୀମାନଙ୍କ ଗହଣରେ ଏହାର କ୍ରେଜ୍‌ ଦିନକୁ ଦିନ ବଢ଼ିବାରେ ଲାଗିଛି। ଆଉ ତାକୁ ହିଁ ଲକ୍ଷ୍ୟକରି ମାର୍କେଟ୍‌ରେ ଏବେ କେତେକ ଲାଟେଷ୍ଟ ଡିଜାଇନର ଥ୍ରୀ ଲେୟାର ଝୁମୁକା ମିଳୁଛି। ଆସନ୍ତୁ , ଜାଣିବା ସେ ସମ୍ପର୍କରେ…
ଗୋଲ୍‌ଡେନ ଝୁମୁକା: ଗୋଲ୍‌ଡେନ ବା ସୁନେଲି ରଙ୍ଗର ଥ୍ରୀ ଲେୟାର ଝୁମୁକା ଶାଢ଼ି, ଲେହେଙ୍ଗା କିମ୍ବା ହେଭି ଓ୍ବାର୍କବାଲା ଆଉଟ୍‌ଫିଟ୍‌ ସହ ବେଶ୍‌ ଭଲ ମାନିଥାଏ। ଖାସ୍‌କରି ପୂଜାପାର୍ବଣ ସମୟରେ ଚୁଟିରେ ଖୋସାକରି ସେଥିରେ ଗଜରା ଲଗାଇବା ସହ ଏହି ଇୟର ରିଂକୁ ପିନ୍ଧିଲେ ଲୁକ୍‌ ଗର୍ଜିୟସ୍‌ ଲାଗିଥାଏ। ଆପଣ ଚାହିଁଲେ ସୁନାରେ ତିଆରି ହୋଇଥିବା ଏହି ଇୟର ରିଂ ପିନ୍ଧିପାରିବେ ନଚେତ୍‌ ମାର୍କେଟ୍‌ରେ ମିଳୁଥିବା ଆର୍ଟିଫିସିଆଲ୍‌ ଗୋଲ୍‌ଡେନ ଥ୍ରୀ ଲେୟାର ଝୁମୁକାକୁ ବି ଟ୍ରାଏ କରିପାରିବେ।

ସିଲ୍‌ଭର ଝୁମୁକା: ସିଲ୍‌ଭର ବା ରୁପାରେ ତିଆରି ଥ୍ରୀ ଲେୟାର ଝୁମୁକା ବି ଆକର୍ଷଣୀୟ ଲୁକ୍‌ ଦେଇଥାଏ। କିନ୍ତୁ ଏହାକୁ ହେଭି ଓ୍ବାର୍କବାଲା ଆଉଟ୍‌ଫିଟ୍‌ ସହ ନ ପିନ୍ଧି ଟିକେ ଲାଇଟ୍‌ କାମ ହୋଇଥିବା ତଥା ହାଲ୍‌କା ରଙ୍ଗର ଶାଢ଼ି, ଲେହେଙ୍ଗା କିମ୍ବା ଅନାରକଲି ଡ୍ରେସ୍‌ ସହ ପିନ୍ଧିଲେ ବେଶ୍‌ ଭଲ ମାନିଥାଏ।

ପର୍ଲ ଖଚିତ ଝୁମୁକା: ପର୍ଲ ଖଚିତ ଜୁଏଲେରି ମଧ୍ୟ ମହିଳାମାନଙ୍କୁ ଖୁବ୍‌ ମାନେ। ଏପରିକି ମାର୍କେଟ୍‌ରେ ବି ଏବେ ଅନେକ ଥ୍ରୀ ଲେୟାର ଝୁମୁକାରେ ମଧ୍ୟ ପର୍ଲ ଖଚିତ ହୋଇ ଆସୁଥିବା ଦେଖିବାକୁ ମିଳୁଛି। ଖାସ୍‌କରି ଧଳାରଙ୍ଗର ଆଉଟ୍‌ଫିଟ୍‌ ସହ ପର୍ଲ ଖଚିତ ଏହି ଝୁମୁକା ସୁନ୍ଦର ଦେଖାଯାଇଥାଏ।

ଷ୍ଟୋନ ଖଚିତ ଝୁମୁକା: ଗୋଲ୍‌ଡେନ କଲରର ଥ୍ରୀ ଲେୟାର ଝୁମୁକାରେ ଯଦି କେବଳ ଧଳା ରଙ୍ଗର ଷ୍ଟୋନ ଲାଗିଥିବ, ତା’ହେଲେ ଜରି ବର୍ଡର ବାଲା ଯେକୌଣସି ଆଉଟ୍‌ଫିଟ୍‌ ସହ ଏହାକୁ ମ୍ୟାଚିଂ କରି ପିନ୍ଧିହେବ। ଆଉ ଯଦି ଝୁମୁକାରେ ମଲ୍ଟି କଲରର ଷ୍ଟୋନ ଲାଗିଥିବ, ତା’ହେଲେ ଏହାକୁ କଲରଫୁଲ୍‌ ଆଉଟ୍‌ଫିଟ୍‌ ସହ ପିନ୍ଧିଲେ ବେଶ୍‌ ଭଲ ମାନିବ।

ବିଡ୍ସ ଖଚିତ ଝୁମୁକା: ବିଡ୍ସ ବା ମାଳି ଖଚିତ ଥ୍ରୀ ଲେୟାର ଝୁମୁକାରେ ଯେଉଁ ରଙ୍ଗର ମାଳି ବ୍ୟବହାର ହୋଇଥାଏ ସେହି ରଙ୍ଗର ଆଉଟ୍‌ଫିଟ୍‌କୁ ମ୍ୟାଚିଂକରି ପିନ୍ଧିଲେ ସୋବର୍‌ ଲୁକ୍‌ ମିଳେ। ଆଉ ଯଦି ଝୁମୁକାରେ ମଲ୍ଟି କଲରର ମାଳି ଲାଗିଥିବ, ତା’ହେଲେ ତାକୁ ଯେ କୌଣସି ରଙ୍ଗର ପୋଷାକ ସହ ପିନ୍ଧିହେବ।

ଅକ୍ସିଡାଇଜ୍ଡ ଝୁମୁକା: ଉଭୟ ଟ୍ରାଡିସନାଲ ତଥା ମଡର୍ନ ଆଉଟ୍‌ଫିଟ୍‌ ସହ ଅକ୍ସିଡାଇଜ୍ଡ ଜୁଏଲେରି ବେଶ୍‌ ମାନିଥାଏ। କିନ୍ତୁ ଅକ୍ସିଡାଇଜ୍ଡ ଥ୍ରୀ ଲେୟାର ଝୁମୁକା ଖାସ୍‌କରି ପାରମ୍ପରିକ ଶାଢ଼ି, ଲେହେଙ୍ଗା ତଥା ସାଲଓ୍ବାର୍‌ ସହ ଅଧିକ ସୁନ୍ଦର ଦେଖାଯାଇଥାଏ।


Enter your email to get our daily news in your inbox.

All Right Reserved By Dharitri.Com

ଅସନ୍ତୁଳିତ ଖାଦ୍ୟ ଓ ଡାଇବେଟିସ୍‌

ଆଜିକାଲି ଅସନ୍ତୁଳିତ ଖାଦ୍ୟ ଏବଂ ଜୀବନଶୈଳୀ ଡାଇବେଟିସ ବା ମଧୁମେହ ରୋଗ ସୃଷ୍ଟି କରିବାରେ ଅନେକାଂଶରେ ଦାୟୀ। ଅନେକ ସମୟରେ କେତେକ ଡାଇବେଟିସ ରୋଗୀ ନିଜର...

କିଡ୍‌ନୀ ଷ୍ଟୋନର ଘରୋଇ ଉପଚାର

ମନୁଷ୍ୟ ଶରୀରର ଗୁରୁତ୍ୱପୂର୍ଣ୍ଣ ଅଙ୍ଗ ମଧ୍ୟରେ କିଡ୍‌ନୀ ବା ବୃକକ୍‌ ଅନ୍ୟତମ। ଶରୀରରେ ପାଣି ଭଳି ବିଭିନ୍ନ ତରଳପଦାର୍ଥ ଯଥା ମିନେରାଲ ଓ କେମିକାଲର ସ୍ତର...

ଓଜନ ହ୍ରାସ କରିବ ମୁଗଡାଲି ପାଣି

ଡାଲିକୁ ପ୍ରୋଟିନ୍‌ର ପାୱାର୍‌ ହାଉସ୍‌ ବୋଲି କୁହାଯାଏ। ତନ୍ମଧ୍ୟରୁ ମୁଗଡାଲି ଅନ୍ୟତମ। ଏଥିରେ ଥିବା ଜରୁରୀ ଭିଟାମିନ୍‌ ଏବଂ ମିନେରାଲ୍ସ ଶରୀରକୁ ସୁସ୍ଥ ରଖିଥାଏ। ତା’ସହ...

ନ କହିଲେ ଭଲ

ପାଖରେ ଶୁଏ, କାନରେ କୁହେ, ତା କଥା କି ଅନ୍ୟଥା ହୁଏ। ଏକଥା ଠିକ୍‌, କିନ୍ତୁ ଏମିତି ଅନେକ କଥା ଅଛି ଯାହା କହିବା ଉଚିତ୍‌...

ଫୁଲରୁ ସୌନ୍ଦର୍ଯ୍ୟ

ବ୍ୟୁଟି ପ୍ରଡକ୍ଟ ତିଆରି କରିବାରେ ଫୁଲର ବ୍ୟବହାର ସବୁଠୁ ଅଧିକ ହୋଇଥାଏ ବୋଲି ସର୍ବେକ୍ଷଣ କୁହେ। କାରଣ ଫୁଲରେ ଏମିତି ଅନେକ ପ୍ରକାରର ଭିଟାମିନ୍ସ ଓ...

ମୁଣ୍ଡରେ ରୁପି ହେଉଥିଲେ…

ଚୁଟିରେ ତେଲ ଲଗାଇବା ଦ୍ୱାରା ଚୁଟିମୂଳ ଶକ୍ତ ହେବା ସହ ମୁଣ୍ଡ ଥଣ୍ଡା ରୁହେ। ହେଲେ ଆପଣ ଜାଣନ୍ତିକି, ଅନେକେ ଭାବନ୍ତି ଶୀତଦିନେ କେଶରେ ଅଧିକ...

ଏପରି ଲୋକଙ୍କ ପାଖ ମାଡ଼ନ୍ତିନି ଧନଦେବୀ ମା’ ଲଷ୍ମୀ

ଆଚାର୍ଯ୍ୟ ଚାଣକ୍ୟ ତାଙ୍କ ନୀତି ଶାସ୍ତ୍ରରେ ମାନବ ଜୀବନ ସହ ଜଡ଼ିତ ଅନେକକଥା ବିଷୟରେ ଉଲ୍ଲେଖ କରିଛନ୍ତି। ଯାହା ମାଧ୍ୟମରେ ଜଣେ ବ୍ୟକ୍ତି ତାଙ୍କ ଜୀବନକୁ...

ଖାଲି ପ୍ରେମରେ କଥା ଚଳେନା, ପୁରୁଷ ସାଥୀଙ୍କଠାରେ ଏସବୁ ଗୁଣକୁ ଖୋଜିଥାନ୍ତି ମହିଳା…

ଖାଲି ପ୍ରେମରେ କଥା ଚଳେନାହିଁ, ସମ୍ପର୍କକୁ ହୃଷ୍ଟପୃଷ୍ଟ କରିବା ଲାଗି ଅନେକ ଜିନିଷ ଲୋଡା। ବିଶେଷକରି ମହିଳାମାନେ ନିଜ ସାଥୀଙ୍କଠାରୁ ପ୍ରେମ ବ୍ୟତିତ ଅନ୍ୟ ଗୁଣକୁ...

Advertisement
Archives

Model This Week