ଭଞ୍ଜନଗର,୧୭।୬(ଡି.ଏନ.ଏ)- ଭଞ୍ଜନଗର କବିସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟରେ ବୁଧବାର ଠାରୁ ଯୁକ୍ତ୨ କଳା ମୂଲ୍ୟାୟନ ଆରମ୍ଭ ହୋଇଛି। ମୁଲ୍ୟାୟନକୁ ଆସିଥିବା ଅଧ୍ୟାପିକା ଅଧ୍ୟାପକଙ୍କ ପ୍ରଥମେ ଥର୍ମାଲ ସ୍କ୍ରିନିଂ କରାଯାଇଥିଲା। ଏହାପରେ ସେମାନେ ମୁଲ୍ୟାୟନ କେନ୍ଦ୍ରକୁ ଯାଇଥିଲେ। ଅଧ୍ୟକ୍ଷ ଡ଼. ନୀଳାଞ୍ଚଳ ମୁନି କେନ୍ଦ୍ରର ସୁପରିଟେଣ୍ଡ ଥିବାବେଳେ ପ୍ରଶାସନିକ ଅଧିକାରୀ ଡ. ସୁବାସ ଚନ୍ଦ୍ର ପ୍ରଧାନ, ଡ. ରବୀନ୍ଦ୍ର ନାଥ ପାଳ, ପ୍ରାଧ୍ୟାପକ ବିଭୁତି ପାଣିଗ୍ରାହୀ, ଆର. କେ. ଦାସ ପ୍ରମୁଖ ବିଭିନ୍ନ ଦାୟିତ୍ୱରେ ଅଛନ୍ତି। ଗତ ୮ ତାରିଖରେ ମୁଲ୍ୟାୟନ ଆରମ୍ଭ ହେବାର ଥିଲା। କିନ୍ତୁ ତାହାକୁ ୧୫ ତାରିଖକୁ ଘୁଞ୍ଚାଇ ଦିଆଯାଇଥିଲା। କିନ୍ତୁ ଗଞ୍ଜାମ ଜିଲାରେ ଶଟ୍ଡ଼ାଉନ ଜୁନ୍ ୧୫ରୁ ୩୦ ପର୍ଯ୍ୟନ୍ତ ଘୋଷଣା ହେବାରୁ ତାହା ଆରମ୍ଭ ହୋଇପାରିନଥିଲା। ପ୍ରଶାସନିକ ଅନୁମତି ପରେ ବୁଧବାରଠୁ ମୂଲ୍ୟାୟନ ଆରମ୍ଭ ହୋଇଛି।
