ଥମୁନି ଦାଦନଙ୍କ ଗଣପଳାୟନ

ନୂଆଦିଲ୍ଲୀ,୩୦ା୩(ପି.ଟି.): କୋଭିଡ୍‌-୧୯ ସଂକ୍ରମଣ ରୋକିବା ପାଇଁ କେନ୍ଦ୍ର ପକ୍ଷରୁ ଦିଆଯାଇଥିବା ଲକ୍‌ଡାଉନ୍‌ ଡାକରା ପଞ୍ଚମ ଦିନରେ ପହଞ୍ଚତ୍ଛି। ସାମ୍ପ୍ରତିକ ଅଚଳାବସ୍ଥା ଦେଶର ବଡ଼ ବଡ଼ ସହରରେ ନିୟୋଜିତ ଦାଦନ ଶ୍ରମିକମାନଙ୍କ ଦୁର୍ଦ୍ଦଶାକୁ ବହୁଗୁଣିତ କରିଛି। ଫଳରେ ସେମାନେ ନିଜ କର୍ମକ୍ଷେତ୍ର ଛାଡ଼ି ଭିଟାମାଟି ଅଭିମୁଖେ ଗଣପଳାୟନ କରିବାରେ ଲାଗିଛନ୍ତି। ଶନିବାର ରାତିରେ ଗାଜିଆବାଦରେ ହଜାର ହଜାର ଗାଁମୁହଁ। ଶ୍ରମିକ ଯେପରି ଭାବେ ଏକତ୍ରିତ ହୋଇଥିଲେ ସେଥିରୁ ସମସ୍ୟା ଜଟିଳ ହେବା ଜଳଜଳ ହୋଇ ଦିଶୁଛି। ରବିବାର ମଧ୍ୟ କେରଳ, ଦିଲ୍ଲୀ, ବିହାର ଓ ଉତ୍ତରପ୍ରଦେଶରେ ସମାନ ଅବସ୍ଥା ସୃଷ୍ଟି ହୋଇଛି। ସଂକ୍ରମଣରୁ ରକ୍ଷା ପାଇବା ଲାଗି ସାମାଜିକ ଦୂରତ୍ୱ ଅପରିହାର୍ଯ୍ୟ ହୋଇଥିବାବେଳେ ପ୍ରାଣ ବିକଳରେ ବସ୍‌କୁ ଅପେକ୍ଷା କରିଥିବା ଶ୍ରମିକମାନେ ଏହାକୁ ଗୁରୁତ୍ୱ ଦେଉନାହାନ୍ତି। ଫଳରେ ସହରରୁ ଗାଁକୁ କରୋନା ଭୂତାଣୁ ବ୍ୟାପିବା ଆଶଙ୍କା ଦୃଢ଼ୀଭୂତ ହୋଇଛି।

ଲକ୍‌ଡାଉନ ନିୟମ କଡ଼ାକଡ଼ି ପାଳନ କରିବା ସହ ରାଜ୍ୟ ଓ ଜିଲା ସୀମାକୁ ସିଲ୍‌ କରିଦେବାକୁ କେନ୍ଦ୍ର ସରକାର ରବିବାର ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ନିର୍ଦ୍ଦେଶ ଦେଇଛନ୍ତି। ଲକ୍‌ଡାଉନ ବେଳେ ଦାଦନ ଶ୍ରମିକଙ୍କୁ ସୀମାରେ ଅଟାଇବାକୁ କୁହାଯାଇଛି। ମୁଖ୍ୟ ଶାସନ ସଚିବ ଓ ଡିଜିପିମାନଙ୍କ ସହିତ ଭିଡିଓ କନ୍‌ଫରେନ୍ସିଂ ଜରିଆରେ କ୍ୟାବିନେଟ ସଚିବ ରାଜୀବ ଗୌବା ଓ ସ୍ବରାଷ୍ଟ୍ର ସଚିବ ଅଜୟ ଭାଲ୍ଲା ଉପରୋକ୍ତ ପରାମର୍ଶ ଦେଇଛନ୍ତି। ସହର ଭିତର ଦେଇ ଯାଇଥିବା ଜାତୀୟ ରାଜପଥରେ ଲୋକଙ୍କ ଯାତାୟାତ ବନ୍ଦ କରିବା ଲାଗି ମଧ୍ୟ କୁହାଯାଇଛି। ଦେଶର ବିଭିନ୍ନ ଭାଗରୁ ଦାଦନମାନେ ସେମାନଙ୍କ ରାଜ୍ୟକୁ ଫେରୁଥିବା ଦେଖାଯାଇଛି। ତେଣୁ ରାଜ୍ୟ ଓ ଜିଲା ସୀମାକୁ ସମ୍ପୂର୍ଣ୍ଣ ବନ୍ଦ ରଖିବାକୁ ନିର୍ଦ୍ଦେଶ ଦିଆଯାଇଛି। ସୀମାନ୍ତ ଜିଲାର ଜିଲାପାଳ ଏବଂ ଏସ୍‌ପିମାନଙ୍କୁ ନିର୍ଦ୍ଦେଶ କାର୍ଯ୍ୟକାରୀ କରିବା ଦାୟିତ୍ୱ ଦିଆଯାଇଛି। ଦାଦନ ଶ୍ରମିକଙ୍କ ସମେତ ଅନ୍ୟ ଅଭାବୀ ଲୋକଙ୍କ ପାଇଁ ପର୍ଯ୍ୟାପ୍ତ ଖାଦ୍ୟ ଓ ଆଶ୍ରୟ ବ୍ୟବସ୍ଥା କରିବା ଲାଗି ନିର୍ଦ୍ଦେଶ ଦିଆଯାଇଛି।
ବାହାର ରାଜ୍ୟରୁ ଫେରୁଥିବା ଦାଦନମାନଙ୍କୁ ରାଜ୍ୟ ସରକାର ୧୪ ଦିନ ପାଇଁ କ୍ୱାରାଣ୍ଟାଇନରେ ରଖି ସେମାନେ କରୋନା ସଂକ୍ରମିତ ନୁହନ୍ତି ବୋଲି ନିଶ୍ଚିତ ହେବା ପରେ ଘରକୁ ଛାଡ଼ିବାକୁ କୁହାଯାଇଛି। ଲକ୍‌ଡାଉନ ଯୋଗୁ କାମଧନ୍ଦା ହରାଇ ଦାଦନ ଶ୍ରମିକ ଓ ଦିନମଜୁରିଆମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ଅଧିକାଂଶ ରାଜ୍ୟରୁ ହଜାର ହଜାର ଦାଦନ ଚାଲିଚାଲି ଫେରୁଥିବାବେଳେ ଗୋଷ୍ଠୀ ସଂକ୍ରମଣ ସମ୍ଭାବନା ସୃଷ୍ଟି ହୋଇଛି। ତେଣୁ ଲକ୍‌ଡାଉନ୍‌ ନିୟମକୁ କଡ଼ାକଡ଼ି ପାଳନ କରିବାକୁ ନିର୍ଦ୍ଦେଶ ଦିଆଯାଇଛି।
ଦିଲ୍ଲୀ, ଗାଜିଆବାଦ ଓ ନୋଏଡ଼ା ସୀମାରେ ଅଟକି ରହିଥିବା ଲକ୍ଷାଧିକ ଦାଦନ ଶ୍ରମିକଙ୍କୁ ସେମାନଙ୍କ ଘରେ ପହଞ୍ଚାଇବା ପାଇଁ ଶନିବାର ସରକାରଙ୍କ ପକ୍ଷରୁ ଅଭିଯାନ ଆରମ୍ଭ ହୋଇଥିଲା। ଏହି କାର୍ଯ୍ୟରେ ଉତ୍ତରପ୍ରଦେଶ ପରିବହନ ବିଭାଗର ୧୦୦୦ ବସ୍‌ ସାଙ୍ଗକୁ ୨୦୦୦ ଘରୋଇ ବସ୍‌, ଟ୍ରକ, ଟ୍ରଲି, ଟ୍ରାକ୍ଟର ଓ ଅନ୍ୟାନ୍ୟ ଯାନକୁ ନିୟୋଜିତ କରାଯାଇଥିଲା। ଲକ୍‌ଡାଉନ ଯୋଗୁ ନିଜ ରାଜ୍ୟକୁ ଫେରି ନ ପାରି ଅଟକି ରହିବା ଫଳରେ ଅଭାବନୀୟ ସ୍ଥିତି ସୃଷ୍ଟି ହୋଇଛି। ଗହଳି ହଟାଇବା ଲାଗି ସେମାନଙ୍କୁ ଘରେ ପହଞ୍ଚାଇବାକୁ ପଦକ୍ଷେପ ନିଆଯାଇଥିଲା। ଦିଲ୍ଲୀ ସରକାର ମଧ୍ୟ ୧୦୦ ଡିଟିଏଚ୍‌ ବସ୍‌କୁ ଏହି କାର୍ଯ୍ୟରେ ନିୟୋଜିତ କରିଥିଲେ। ତେବେ ଦିଲ୍ଲୀରେ ଥିବା ଦାଦନ ଶ୍ରମିକ ଫେରି ନ ଯିବା ଲାଗି ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲ ନିବେଦନ କରିଛନ୍ତି। ଦିଲ୍ଲୀ ସରକାର ଶ୍ରମିକମାନଙ୍କ ପାଇଁ ଆଶ୍ରୟସ୍ଥଳ ଯୋଗାଇଦେବା ସହ ଖାଦ୍ୟ ପାନୀୟର ବ୍ୟବସ୍ଥା କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଅଭିଷେକଙ୍କ ସହ ନିଜକୁ ହତ୍ୟା ଉଦ୍ୟମ କରାଯାଉଥିବ ଆଶଙ୍କା କଲେ ମମତା

କୋଳକାତା,୨୧।୪: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ ଅଭିଷେକ ଏବଂ ମୋତେ ହତ୍ୟା କରାଯାଇପାରେ। ୨୦ ମିନିଟର ଭାଷଣ ପରେ ମମତା ବାନାର୍ଜୀ ଏକ...

ବରଯାତ୍ରୀ ନେଇ ଯାଉଥିବା କାର୍‌ର ଫାଟିଲା ଟାୟାର: ଚାଲିଗଲା ୫ ଜୀବନ, ୩ ଗୁରୁତର

ଲକ୍ଷ୍ନୌ,୨୧।୪: ଉତ୍ତରପ୍ରଦେଶର ଆଗ୍ରାସ୍ଥିତ କୁବେରପୁର କଟ ନିକଟରେ ଏକ୍ସପ୍ରେସୱେ ଉପରେ ଏକ ଦ୍ରୁତ ଗତିରେ ଆସୁଥିବା କାରର ଟାୟାର ଫାଟିଛି। ଏହି ଦୁର୍ଘଟଣାରେ ବରଙ୍କ ଭାଇଙ୍କ...

ମୋଦିଙ୍କୁ ପ୍ରଶଂସା କରି ରାହୁଲଙ୍କୁ ଜୁମଲା ବୋଲି କହିଲେ ରେସଲର ଦ ଗ୍ରେଟ ଖଲି

ନୂଆଦିଲ୍ଲୀ,୨୧।୪: ଡବ୍ଲ୍ୟୁଡବ୍ଲ୍ୟୁଇ ଷ୍ଟେଜରେ ବିଶ୍ୱର ବିଭିନ୍ନ ସ୍ଥାନରୁ ଆସିଥିବା କୁସ୍ତି ଯୋଦ୍ଧାମାନଙ୍କୁ ପରାସ୍ତ କରିଥିବା ଦି ଗ୍ରେଟ ଖଲି ଓରଫଦିଲୀପ ସିଂ ରାଣା ମଧ୍ୟ ଭାଜପା...

୫ ବର୍ଷରେ ଅମିତ ଶାହାଙ୍କର ଦୁଇଗୁଣା ହେଲା ସମ୍ପତ୍ତି

ନୁଆଦିଲ୍ଲୀ,୨୧।୪: କେନ୍ଦ୍ର ଗୃହମନ୍ତ୍ରୀ ତଥା ଭାରତୀୟ ଜନତା ପାର୍ଟି (ଭାଜପା)ର ବରିଷ୍ଠ ନେତା ଅମିତ ଶାହା ଏପ୍ରିଲ ୧୯ ରେ ଗାନ୍ଧିନଗର ଲୋକ ସଭା ର୍ନିବାଚନମଣ୍ଡଳୀ...

କେଜ୍‌ରିଓ୍ବାଲଙ୍କୁ ମାରିବାକୁ ଚାଲିଛି ଷଡଯନ୍ତ୍ର: ସୁନୀତା

ରାଞ୍ଚି,୨୧।୪: ବିରୋଧୀ ଦଳ ‘ଇଣ୍ଡିଆ’ ରବିବାର ଝାଡଖଣ୍ଡର ରାଜଧାନୀ ରାଞ୍ଚିରେ ଏକତା ପ୍ରଦର୍ଶନ କରିଛି। ଝାଡଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ନେତୃତ୍ୱରେ ଏକ ରାଲି ରାଞ୍ଚିର...

ସେଦିନ ମୋତେ ଶ୍ରଦ୍ଧାଞ୍ଜଳି ଦେବ, ଯେଉଁ ଦିନ ମୁଁ….: ନିର୍ବାଚନ ପୂର୍ବରୁ କାହିଁକି ଏମିତି କହିଲେ ମୋଦି

ନୂଆଦିଲ୍ଲୀ,୩୧।୪: ପ୍ରଧାନମନ୍ତ୍ରୀ ମୋଦି ଲୋକ ସଭା ନିର୍ବାଚନ ପାଇଁ ପ୍ରଚାର କରିବାରେ ବ୍ୟସ୍ତ ଅଛନ୍ତି। ଦକ୍ଷିଣ ଭାରତରେ ଭାଜପାର ବିଜୟ ନିଶ୍ଚିତ କରିବାକୁ ସେ ନିରନ୍ତର...

ଡିଡି ନ୍ୟୁଜ ଲୋଗୋର ରଙ୍ଗ ବଦଳାଇବାକୁ ନେଇ ଭାଜପାକୁ ଟାର୍ଗେଟ କଲେ ଷ୍ଟାଲିନ

ଅମରାବତି,୨୧।୪: ସାର୍ବଜନୀନ ବ୍ରଡକାଷ୍ଟର ଦୂରଦର୍ଶନର ଲୋଗୋର ରଙ୍ଗର ପରିବର୍ତ୍ତନକୁ ନେଇ ଏକ ରାଜନେଅତିକ ଝଡ଼ ସୃଷ୍ଟି ହୋଇଛି। ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପରେ ବର୍ତ୍ତମାନ...

ଯେଉଁମାନେ ନିର୍ବାଚନରେ ଜିତିପାରିବେ ନାହିଁ, ସେମାନଙ୍କୁ ରାଜ୍ୟ ସଭା ମାଧ୍ୟମରେ ଜିତାଇ ଦିଆଯାଉଛି: ମୋଦିି

ନୂଆଦିଲ୍ଲୀ,୨୧।୪: ଲୋକ ସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ଭୋଟ ସମାପ୍ତ ହେବା ପରେ ଦ୍ୱିତୀୟ ପର୍ଯ୍ୟାୟ ପାଇଁ ଅଭିଯାନ ଜୋରସୋରରେ ଚାଲିଛି। ଭାଜପାର ଷ୍ଟାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri