ନୂଆଦିଲ୍ଲୀ,୫-୬: ଲାପ୍ଟପ୍ କମ୍ପାନୀ ଡେଲ୍ ଭାରତର ସବୁଠାରୁ ଭରସାଯୋଗ୍ୟ ବ୍ରାଣ୍ଡ। ଏହାପରେ ଗାଡ଼ି କମ୍ପାନୀ ଜୀପ ଓ ବୀମା କ୍ଷେତ୍ରର ଶୀର୍ଷ କମ୍ପାନୀ ଏଲ୍ଆଇସି ରହିଛି। ଟିଆର୍ଏର ବ୍ରାଣ୍ଡ ବିଶ୍ୱାସ ରିପୋର୍ଟ ୨୦୧୯ ଅନୁସାରେ ଶୀର୍ଷ ୭ ବ୍ରାଣ୍ଡ ମଧ୍ୟରେ ଏଲ୍ଆଇସି ଏକମାତ୍ର ଭାରତୀୟ କମ୍ପାନୀ ରହିଛି। ଆମାଜନ ଚତୁର୍ଥ ଭରସାଯୁକ୍ତ ବ୍ରାଣ୍ଡ। ଏହାପରେ ଆପଲ୍ ଆଇଫୋନ ୫ମ ସ୍ଥାନରେ ଯିଏ କି ୨୦୧୮ପରେ ୧୧୬ ସ୍ଥାନ ଉପରକୁ ଉଠିଆସିଛି। ଏଥିସହିତ ଆପଲ୍ ଆଇଫୋନ ମୋବାଇଲ ଫୋନ ସିରିଜରେ ମଧ୍ୟ ଶୀର୍ଷରେ ରହିଛି। ସାମସଙ୍ଗ ମୋବାଇଲ ଫୋନ ବ୍ରାଣ୍ଡ ୬ଷ୍ଠ ସ୍ଥାନରେ ରହି ଅଗ୍ରଣୀ ମୋବାଇଲ ଫୋନ କମ୍ପାନୀ ହୋଇପାରିଛି। ଏହାପରେ ଏଲ୍ଜି ଟିଭି ୭ମ ସ୍ଥାନରେ ରହିଥିଲେ ହେଁ ଉପଭୋକ୍ତା ଇଲେକ୍ଟ୍ରୋନିକ୍ସ ସୁପର ଶ୍ରେଣୀରେ ଅଗ୍ରଣୀ ରହିଛି। ଆଭିଭା ଲାଇଫ ଇନସ୍ୟୁରାନ୍ସ ୮ମ, ମାରୁତି ସୁଜୁକି ୯ମ ଏବଂ ଭାରତୀୟ ଷ୍ଟେଟ୍ ବ୍ୟାଙ୍କ ୧୦ମ ସ୍ଥାନରେ ରହିଛି। ବ୍ରାଣ୍ଡର ବଡ଼ ସମୂହ ମଧ୍ୟରେ ଟାଟା ଗ୍ରୁପ୍ ରହିଛି ଏବଂ ଏହା ୨୩ ବ୍ରାଣ୍ଡ ଉପରେ ଲୋକଙ୍କ ଅଧିକ ବିଶ୍ୱାସ ରହିଛି। ଗୋଦରେଜରେ ୧୫ ବ୍ରାଣ୍ଡ, ଅମୂଲର ୧୧ ସାମସଙ୍ଗର ୮ ଶ୍ରେଣୀରେ ପ୍ରତିନିଧିତ୍ୱ ରହିଛି। ଏଲ୍ଜି,ହୋଣ୍ଡା, କ୍ୟାଡବରୀ, ନେସ୍ଲେ, ପାର୍ଲେ ଏବଂ ଡାବର ୭ ଲେଖାଏ ବ୍ରାଣ୍ଡର ପ୍ରତିନିଧିତ୍ୱ କରୁଛି। ଟିଆର୍ଏ ରିସର୍ଚ୍ଚ ୧୬ ସହରରେ ୨୩୧୫ ଲୋକଙ୍କ ରାୟ ଆଧାରରେ ଏହି ୯ମ ସଂସ୍କରଣ ରିପୋର୍ଟ ପ୍ରସ୍ତୁତ କରିଛି।
