ମୁମ୍ବାଇ: ବଲିଉଡ୍ ଅଭିନେତ୍ରୀ ଟ୍ବିଙ୍କିଲ ଖାନ୍ନା ବେଶ୍ କିଛି ବର୍ଷ ହେବ ବଲିଉଡ୍ ଦୁନିଆରୁ ଦୂରେଇ ଯାଇଛନ୍ତି। ଦେଖିବାକୁ ଗଲେ ବିବାହ ପରଠାରୁ ବୋଧହୁଏ ସେ ଆଉ ବଲିଉଡ୍ରେ ଅଭିନେତ୍ରୀ ଭାବେ କାମ କରି ନାହାଁନ୍ତି। ତେବେ ନିକଟରେ ତାଙ୍କ ସ୍ବାମୀ ବଲିଉଡ୍ ଖିଲାଡି ବୟ ଅକ୍ଷୟ କୁମାରଙ୍କ ଫିଲ୍ମ ‘ପ୍ୟାଡମ୍ୟାନ’ରେ ସେ ପ୍ରଯୋଜକ ଭାବେ କାମ କରିଥିଲେ। ଏବେ କିନ୍ତୁ ଏହି ଅଭିନେତ୍ରୀ ଡିଜିଟାଲ୍ ଦୁନିଆ ଆଡେ ନଜର ପକାଇଥିବା କୁହାଯାଉଛି। ବିଶେଷ କରି ମହିଳାଙ୍କ ପାଇଁ ବିଶେଷ ଧରଣର କଣ୍ଟେଟ୍ ନେଇ ସେ କାମ ଆରମ୍ଭ କରିବେ ବୋଲି ଶୁଣିବାକୁ ମିଳିଛି। ଏଥିରେ ଭିଡିଓ ସହ ରେଡିଓ କଣ୍ଟେଟ୍ ମଧ୍ୟ ସ୍ଥାନ ପାଇବ। ଏଥିରେ ବିୟୁଟି, ହେଲ୍ଥ ଓ ଇକୋ ଫ୍ରେଣ୍ଡଲି ଲିଭିଙ୍ଗ ଉପରେ ଗୁରୁତ୍ୱ ଦିଆଯିବ ବୋଲି ଜଣାପଡିଛି। ଏହା ଉଭୟ ଇଂଲିଶ ଓ ହିନ୍ଦୀ ଭାଷାରେ ଉପଲବ୍ଧ ହେବ।
