ଚଣ୍ଡିଗଡ଼,୧୩।୬: ପଞ୍ଜାବର କ୍ୟାବିନେଟ ମନ୍ତ୍ରୀ ନବଜୋତ ସିଂ ସିଦ୍ଧୁ ନିଜ ବିବାଦୀୟ ବୟାନ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ବେଳେ ଏବେ କିନ୍ତୁ ପୁରା ଚୁପ୍ ହୋଇ ଯାଇଛନ୍ତି। ତାଙ୍କ ବିଭାଗରେ ପରିବର୍ତ୍ତନ ପାଇଁ ସେ ଅରାଜି ହୋଇ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂଙ୍କ ଉପରେ ଖପ୍ପା ହୋଇ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଓ ମହାସଚିବ ପ୍ରିୟଙ୍କା ଗାନ୍ଧୀଙ୍କୁ ଭେଟିଥିଲେ। ହେଲେ ସେଠାରୁ ସେ ଚଣ୍ଡିଗଡ଼ ଫେରିବା ପରେ ଏବେ ଚୁପ୍ ରହିଥିବା ଜଣାପଡିଛି। କିନ୍ତୁ କାହିଁକି ସିଦ୍ଧୁ ଚୁପ୍ ରହିଛନ୍ତି ତାହା କାହାକୁ ଜଣାନାହିଁ। ଅନୁମାନ କରାଯାଉଛି କି କ୍ୟାପଟେନ୍ ଅମରିନ୍ଦର ସିଂଙ୍କ ସହ ତାଙ୍କର ଯେଉଁ ମତ ଭେଦ ହୋଇଛି ତାହା ସମାଧାନ ପରେ ବୋଧହୁଏ ସିଦ୍ଧୁ ନୂଆ ଦାୟିତ୍ୱ ଗ୍ରହଣ କରିପାରନ୍ତି।
