ଚାଷୀଙ୍କ ଅଜାଣତରେ ଉଠାଯାଇଛି ଋଣ

ବାହାନଗା, ୧ା୧୨(ଡି.ଏନ୍‌.ଏ.)- ବାଲେଶ୍ୱର ଜିଲା ବାହାନଗା ବ୍ଲକ ପଣପଣା ପଞ୍ଚାୟତରେ ଥିବା ସେବା ସମବାୟ ସମିତିରେ କୋଟି କୋଟି ଟଙ୍କା ହେରଫେର୍‌ ହୋଇଥିବା ଅଭିଯୋଗ ହୋଇଛି। ଏହାର ଉଚ୍ଚସ୍ତରୀୟ ତଦନ୍ତ ନିମନ୍ତେ କେତେକ ଚାଷୀ ଜିଲାପାଳ ଓ ଭିଜିଲାନ୍ସଠାରେ ଦାବି କରିଛନ୍ତି। ଚାଷୀଙ୍କ ଋଣ ଆକାଉଣ୍ଟରୁ ସେମାନଙ୍କ ଅଜାଣତରେ ଲକ୍ଷ ଲକ୍ଷ ଟଙ୍କା ଓଭରଡ୍ରାଫ୍ଟ କରାଯାଇ ଟଙ୍କା ହଡ଼ପ କରାଯାଇଥିବା ନଜରକୁ ଆସିଛି। ସେମାନେ ଏବେ ମୁଣ୍ଡରେ ହାତ ଦେଇ ବସିଛନ୍ତି ା
ପଣପଣା ସେବା ସମବାୟ ସମିତିରେ ୧ହଜାର ୫ଶହ ଆକାଉଣ୍ଟଧାରୀ ସଭ୍ୟ ଅଛନ୍ତି। ସେମାନଙ୍କ ମଧ୍ୟରୁ ୬୩୦ଜଣ ଋଣ ଆକାଉଣ୍ଟଧାରୀ ା ସମିତିରେ ଥିବା ସମସ୍ତ ସଭ୍ୟ ଓ ଋଣଧାରୀଙ୍କ ଆକାଉଣ୍ଟ ବହି (ପାସ୍‌ବୁକ୍‌) କାର୍ଯ୍ୟାଳୟରେ ବର୍ଷ ବର୍ଷ ଧରି ରହିଥାଏ। ଏହାସହିତ ଚେକ୍‌ ବହି ମଧ୍ୟ ସମିତିରେ ରହିଥାଏ। ଯେତେବେଳେ ଋଣ ନେଇଥିବା ଚାଷୀମାନେ ୬ ମାସରେ ଥରେ ଋଣ ପରିଶୋଧ କିମ୍ବା ରିନ୍ୟୁଆଲ କରନ୍ତି ସେତେବେଳେ ସମିତି ସମ୍ପାଦକଙ୍କ କଥାରେ ବ୍ଲାଙ୍କଚେକ୍‌ ବହିରେ ଦସ୍ତଖତ କରି ପଳାଇ ଆସନ୍ତି ା ତାହାର ସୁଯୋଗ ନେଇ ସମିତି କର୍ମଚାରୀମାନେ ଚାଷୀଙ୍କ ଆକାଉଣ୍ଟରୁ ଲକ୍ଷ ଲକ୍ଷ ଟଙ୍କା ହଡ଼ପ କରିନେଇଥିବା ଚାଷୀମାନେ ଅଭିଯୋଗ କରିଛନ୍ତି। ଗତବର୍ଷ କାଳେନ୍ଦ୍ର ଖିଲାର ନାମକ ଚାଷୀ ୪୦ ହଜାର ଟଙ୍କା ଋଣ କରିଥିଲେ। ଟଙ୍କା ନେବା ପରେ ସମିତି ପକ୍ଷରୁ ତାଙ୍କୁ ବ୍ୟାଙ୍କ ପାସ୍‌ବୁକ, ବ୍ଲାଙ୍କଚେକ୍‌ ଦିଆଯାଇ ନ ଥିଲା। ଏବେ ସେ ସମିତିକୁ ଆସି ବହି ମାଗି ଦେଖିବା ବେଳକୁ ତାଙ୍କ ନାମରେ ସାଢ଼େ ୩ ଲକ୍ଷ ଟଙ୍କା ଋଣ ଉଠାଯାଇଥିବା ଜାଣିବାକୁ ପାଇଛନ୍ତି। ସେହିପରି ମାଳଦା ଗ୍ରାମର ମହିଳା ନିରୁପମା ଯେନା ୧ ବର୍ଷ ତଳେ ୧୮ ହଜାର ଟଙ୍କାର ଚାଷଋଣ କରିଥିଲେ ା ମାତ୍ର ଏବେ ସମିତିରେ ରଖିଥିବା ପାସବୁକ୍‌ ଦେଖିବା ପରେ ତାଙ୍କ ନାମରେ ୧ ଲକ୍ଷ ୩୨ ହଜାର ଟଙ୍କା ଋଣ ହୋଇଥିବା ଜାଣିବାକୁ ପାଇଛନ୍ତି। ସେହିପରି ବାଣୀପ୍ରଭା ଦାସଙ୍କ ନାମରେ ୨୭ ଲକ୍ଷ ୫୨ ହଜାର ଟଙ୍କା ଓଭରଡ୍ରାଫ୍ଟ କରି ଋଣ ଉଠାଯାଇଛି। ସେ କୁହନ୍ତି, ତାଙ୍କର କିଛି ଋଣ ସୋସାଇଟିରେ ନ ଥିଲା ା ସେ ପାସ୍‌ବୁକ୍‌ ମାଗି ଦେଖିବାରୁ ଋଣ ଉଠାଯାଇଥିବା ଜାଣିବାକୁ ପାଇଥିଲେ। ଏବେ ସେ କ’ଣ କରିବେ କିଛି ଚିନ୍ତା କରିପାରୁନାହାନ୍ତି। ଅନ୍ୟ ଜଣେ ଚାଷୀ କୃଷ୍ଣଚନ୍ଦ୍ର ବେହେରାଙ୍କ ନାମରେ ୧ଲକ୍ଷ ୫୨ ହଜାର ଟଙ୍କାର ଋଣ ଉଠାଯାଇଥିବା ଜଣାପଡିଛି। ସେହିପରି ସୁରେନ୍ଦ୍ର ନାୟକ, ଗଣେଶ ଚନ୍ଦ୍ର ସ, ଦେବେନ୍ଦ୍ର ମହାରଣା, ସୁଶାନ୍ତ କୁମାର ନାୟକ ପ୍ରମୁଖ ହଜାର ହଜାର ସମିତିସଭ୍ୟ ଓ ଋଣଧାରୀଙ୍କ ନାମରେ କୋଟି କୋଟି ଟଙ୍କା ଓଭରଡ୍ରାଫ୍ଟ ମାଧ୍ୟମରେ ଋଣ କରି ହଡ଼ପ କରାଯାଇଥିବା ଅଭିଯୋଗ ହୋଇଛି।
ଏହି ଅଭିଯୋଗ ପରେ ବୁଧବାର ବାଲେଶ୍ୱର-ଭଦ୍ରକ କେନ୍ଦ୍ର ସେବା ସମବାୟ ବ୍ୟାଙ୍କର ବାହାନଗା ଶାଖା ପରିଚାଳକ ରମେଶ ଚନ୍ଦ୍ର ରଥ ଓ ଜିଲା ଡିଆର୍‌ସିଏସ୍‌ ପ୍ରଶାନ୍ତ କୁମାର ପତି, ବ୍ୟାଙ୍କ ସମ୍ପାଦକ ଜଳଧର ପଣ୍ଡା ପ୍ରମୁଖ ସେବା ସମବାୟ ସମିତିକୁ ଯାଇ ପ୍ରାଥମିକ ତଦନ୍ତ କରିଥିଲେ। ବାହାନଗା ଶାଖା କୋ-ଅପରେଟିଭ ବ୍ୟାଙ୍କର ପରିଚାଳକଙ୍କୁ ପଚାରିବାରୁ ତଦନ୍ତ ଚାଲିଛି, ପରେ ଜଣାପଡ଼ିବ ବୋଲି କହିଥିଲେ। ଚାଷୀମାନଙ୍କୁ ପାସ୍‌ବୁକ୍‌ ସମିତି ତରଫରୁ ଦିଆଯାଉ ନ ଥିବାରୁ ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା। ସେହିଦିନ କେତେକ ଚାଷୀଙ୍କୁ ସେମାନଙ୍କ ପାସ୍‌ବୁକ୍‌ ଦିଆଯାଇଥିଲା। ଶୁକ୍ରବାର ମଧ୍ୟ କେତେକ ଚାଷୀ ସେମାନଙ୍କ ପାସ୍‌ବୁକ୍‌ ନେବା ପାଇଁ ସେବା ସମବାୟ ସମିତିକୁ ଆସିଥିଲେ। ହେଲେ ପାସ୍‌ବୁକ୍‌ ଦିଆ ନ ଯିବାରୁ ଚାଷୀମାନେ ପାଟିତୁଣ୍ଡ କରିବା ସହିତ ସମିତି କାର୍ଯ୍ୟାଳୟରେ ତାଲା ପକାଇ ଦେଇଥିଲେ । ପରେ ଚାଷୀମାନଙ୍କୁ ବୁଝାଶୁଝା କରି ତାଲା ଖୋଲାଯାଇଥିଲା। ଏହାର ତଦନ୍ତ କରି ସତ୍ୟାସତ୍ୟ ଉନ୍ମୋଚନ ପାଇଁ ଦାବି ହେଉଛି। ନଚେତ ଆଗାମୀ ଦିନରେ ଚାଷୀମାନେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି ।


Enter your email to get our daily news in your inbox.

All Right Reserved By Dharitri.Com

‘ଜୀବନରେ ଶାନ୍ତି ଆଣେ ସଙ୍ଗୀତ’

ରେମୁଣା, ୫।୧୧(ଡି.ଏନ.ଏ.)-ବାଲେଶ୍ୱର ଜିଲା ରେମୁଣାସ୍ଥିତ କ୍ଷୀରଚୋରା ସଂଗୀତ ମହାବିଦ୍ୟାଳୟର ରୌପ୍ୟ ଜୟନ୍ତୀ ସମାରୋହ ରବିବାର ସନ୍ଧ୍ୟାରେ ରେମୁଣା ମନ୍ଦିର ଛକ ନିକଟରେ ଅନୁଷ୍ଠିତ ହୋଇଛି ା...

ଯୋଗାଣ ସାମଗ୍ରୀରେ ଅନିୟମିତତା, ତଦନ୍ତ ଦାବି

ହାଟଡିହୀ,୨୯।୫(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡିହୀ ବ୍ଲକ ଓରାଳି ପଞ୍ଚାୟତରେ ଯୋଗାଣ ସାମଗ୍ରୀ ବଣ୍ଟନରେ ଅନିୟମିତତା ହେଉଥିବା କେତେକ ହିତାଧିକାରୀ ଅଭିଯୋଗ ଆଣିଛନ୍ତି। ଏହି ପଞ୍ଚାୟତରେ ସ୍ବୟଂସହାୟକ...

ଭିଟାମାଟି ପାଇଁ ବିକ୍ଷୋଭ

ବାଲେଶ୍ୱର ଅଫିସ, ୧।୬-ବାଲେଶ୍ୱର ସଦର ତହସିଲ ଅଧୀନ ଚାନ୍ଦିପୁର ଶ୍ରୀକୋଣା, ହିଡ଼ିଗାଁ ଆଦି ଅଞ୍ଚଳରେ ଶହ ଶହ ବର୍ଷ ଧରି ଭୂମିହୀନ, ଆଦିବାସୀ, ଦଳିତ ଓ...

ସ୍କୁଟର ସିଟ ତଳୁ ନାଗ ଉଦ୍ଧାର

ବାରିପଦା ଅଫିସ,୪।୬- ବାରିପଦା ସହର ତକତପୁର ୱାର୍ଡ ନଂ ୨୭ ଅଞ୍ଚଳର ଜଣେ ବ୍ୟକ୍ତିଙ୍କ ସ୍କୁଟର ସିଟ ତଳୁ ଏକ ନାଗ ସାପ ଉଦ୍ଧାର କରାଯାଇଛି।...

ପୁଣି ଜଳେଶ୍ବରରେ ବ୍ରାଉନସୁଗାର ଜବତ, ଜଣେ ମହିଳା ଗିରଫ

ଜଳେଶ୍ୱର, ୧୧।୧୨(ଡି.ଏନ.ଏ.): ଜଳେଶ୍ବର ଥାନା ଅନ୍ତର୍ଗତ ଶାସନବାଡ ଗ୍ରାମରେ କଟକ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ, ବାଲେଶ୍ବର ପୋଲିସ ଓ ଜଳେଶ୍ବର ଅବକାରୀ ବିଭାଗର ମିଳିତ...

ଧାନକିଣା ବେଳେ କଟନୀଛଟନୀ ବିବାଦ

ବାହାନଗା,୭ା୧(ଡି.ଏନ.ଏ.)-ବିଭିନ୍ନ ମଣ୍ଡିରେ ଧାନକିଣା ବେଳେ କଟନୀଛଟନୀ କରାଯାଉ ଥିବାରୁ ଚାଷୀମାନେ ଏହାକୁ ବିରୋଧ କରୁଛନ୍ତି। ବାଲେଶ୍ୱର ଜିଲା ବାହାନଗା ସେବା ସମବାୟ ସମିତି ପକ୍ଷରୁ ଖୋଲାଯାଇଥିବା...

ଦ୍ରୁତଗତିରେ ଗାଡ଼ି ଚାଳନା କାଳ ହେଲା: ଦୁର୍ଘଟଣାରେ ଚାଲିଗଲା ୩ ଜୀବନ

ବାଲେଶ୍ୱର ଅଫିସ/ରସାଳପୁର(ଡି.ଏନ.ଏ), ୧୪।୬-ବାଲେଶ୍ୱର ସହର ନିକଟସ୍ଥ ଚାନ୍ଦିପୁର ରାସ୍ତାରେ ଶୁକ୍ରବାର ଅପରାହ୍ନ ସାଢେ ୨ଟା ବେଳେ ଏକ ସଡକ ଦୁର୍ଘଟଣା ଘଟି ୩ଜଣଙ୍କର ମୃତ୍ୟୁ ହୋଇଛି।...

ଦବିଲା ଫୁଲାଡ଼ି ଲୁହାପୋଲ : ଯାତାୟାତ ବିଚ୍ଛିନ୍ନ

ବାଲେଶ୍ୱର ଅଫିସ,୧୭।୫- ବାଲେଶ୍ୱର ସହଦେବଖୁଣ୍ଟା ମଡ଼େଲ ଥାନା ଅଧୀନ ଫୁଲାଡ଼ି ଛକ ନିକଟରେ ଥିବା ବ୍ରିଟିଶ୍‌ ଅମଳର ଲୁହାପୋଲ ଶନିବାର ସନ୍ଧ୍ୟାରେ ହଠାତ୍‌ ଦବିଯାଇଛି। ଘଟଣା...

Play 250+ Trending Games
Archives

Model This Week

Why Dharitri