ମଣିଷ ନିଜ ପାଇଁ ନିର୍ମାଣ କରିଛି ଅନେକ ବହୁତଳ ପ୍ରାସାଦ। କାଟୁଛି ବିଳାସମୟ ଜୀବନ। କିଛି ପ୍ରାଣୀ ବି ନିଜ ପାଇଁ ଛୋଟିଆ ଆବାସଟିଏ ତିଆରି କରିଥାଏ। ତେବେ ଚଢେଇଙ୍କ ପାଇଁ ଏବେ ମଣିଷ ତିଆରି କରିଛି ଏକ ବହୁତଳ ପ୍ରାସାଦ। ଆଉ ତା’ର ନାମ ଦେଇଛି ବାର୍ଡ ଫ୍ଲାଟ୍। ଗାଜିଆବାଦରେ ତିଆରି ହୋଇଛି ଏହି ପ୍ରଥମ ମଲ୍ଟି ଷ୍ଟୋରି ଫ୍ଲାଟ୍। ଗାଜିଆବାଦ ବିକାଶ ପ୍ରାଧିକରଣ ପ୍ରଥମକରି ଏହି ପଦକ୍ଷେପ ନେଇଛି। ଏହି ବାର୍ଡ ଫ୍ଲାଟ୍ରେ ୬୦ଟି ପକ୍ଷୀ ରହିବା ପାଇଁ ବ୍ୟବସ୍ଥା କରାଯାଇଛି। ଚଢେଇଙ୍କୁ ପ୍ରାକୃତିକ ଅନୁଭୂତି ଦେବାପାଇଁ ଏହାକୁ ଏକ ଲମ୍ବା ଖମ୍ବରେ ଝୁଲାଇ ରଖାଯାଇଛି। ଆଉ ଏହି ଫ୍ଲାଟ୍ ଉପରେ ଖରା ଓ ବର୍ଷାରୁ ରକ୍ଷା କରିବା ଲାଗି ଛତା ବି ଲଗାଇଛି। ଏହାକୁ ତିଆରି କରିବାର ଲକ୍ଷ୍ୟ ଥିଲା ପ୍ରକୃତି ସହିତ ଆପାର୍ଟମେଣ୍ଟରେ ରହୁଥିବା ଲୋକଙ୍କୁ ନିକଟତର କରାଇବା। ଉକ୍ତ ବାର୍ଡ ଫ୍ଲାଟ ତିଆରି କରିବା ପାଇଁ ପ୍ରାୟ ୨ ଲକ୍ଷ ଟଙ୍କା ଖର୍ଚ୍ଚ ହୋଇଛି। ଏହାମଧ୍ୟରେ ପାଣି ଓ ପୁଲ୍ର ବ୍ୟବସ୍ଥା କରାଯାଇଛି। ନିୟମିତ ପାଣି ବଦଳାଇବା ସୁବିଧା ବି ରହିଛି। ଫ୍ଲାଟ୍ଟି କାଠ ଓ ଲୁହା ଫ୍ରେମ୍ରେ ତିଆରି।
