ପଣଜୀ,୧୩।୭: ଗୋଆ ମନ୍ତ୍ରିମଣ୍ଡଳର ସମ୍ପ୍ରସାରଣ ଶନିବାର ହୋଇଛି। ନିକଟରେ କଂଗ୍ରେସରୁ ଇସ୍ତଫା ଦେଇ ଭାଜପାରେ ଯୋଗ ଦେଇଥିବା ୧୦ ଜଣ ବିଧାୟକଙ୍କ ମଧ୍ୟରୁ ୩ ଜଣଙ୍କୁ ମନ୍ତ୍ରୀପଦ ମିଳିଛି। ଏମାନଙ୍କ ମଧ୍ୟରେ ଅଛନ୍ତି ଫିଲିପ ନେରି ରୋଡ୍ରିଗସ୍, ଜେନିଫର ମୋନସିରାଟେ ଓ ଚନ୍ଦ୍ରକାନ୍ତ କଭଲେକା। ପୂର୍ବତନ ଉପ ବାଚସ୍ପତି ମିଖାଇଲ ଲୋବୋ ମଧ୍ୟ ଶନିବାର ଶପଥ ଗ୍ରହଣ କରିଛନ୍ତି। ସୂଚନାଯୋଗ୍ୟ, ଗତ ଲୋକ ସଭା ନିର୍ବାଚନରେ କଂଗ୍ରେସ ସାରା ଦେଶରେ ଶୋଚନୀୟ ଭାବେ ପରାସ୍ତ ହେବା ପରେ ଏଥିରେ ଦେଖା ଦେଇଥିଲା ଅସ୍ଥିରତା। ପ୍ରଥମେ କର୍ନାଟକ ସରକାରରେ ମେଣ୍ଟ ଦଳ ଭାବେ ଥିବା କଂଗ୍ରେସରେ କନ୍ଦଳ ଦେଖା ଦେଇଥିବା ବେଳେ ଏହା ପଛକୁ ଆସିଥିଲା ଗୋଆ। ଏଠାରେ ୨ ଦିନ ତଳେ କଂଗ୍ରେସ ଛାଡିଥିବା ବିଧାୟକମାନେ ଏବେ ମନ୍ତ୍ରିମଣ୍ଡଳରେ ମନ୍ତ୍ରୀପଦ ପାଇବାକୁ ନେଇ ପୁଣି ଆରମ୍ଭ ହୋଇଛି ରାଜନୈତିକ ଚର୍ଚ୍ଚା।
