ନୂଆଦିଲ୍ଲୀ, ୨୦।୬(ପି.ଟି.)- ବ୍ୟାଡ୍ମିଣ୍ଟନ ଆସୋସିଏଶନ ଅଫ୍ ଇଣ୍ଡିଆ (ବାଇ) ପକ୍ଷରୁ ତାରକା ଖେଳାଳି କିଡାମ୍ବି ଶ୍ରୀକାନ୍ତଙ୍କ ନାମ ଖେଳରତ୍ନ ପୁରସ୍କାର ପାଇଁ ସୁପାରିସ କରାଯାଇଛି। ଏକ ଟୁର୍ନାମେଣ୍ଟ ଅଧାରୁ ଓହରିଥିବାରୁ କ୍ଷମା ମାଗିବା ପରେ ତାଙ୍କ ନାମକୁ ବାଇ ସୁପାରିସ କରିଛି। ଅନ୍ୟପକ୍ଷରେ ଅର୍ଜୁନ ପୁରସ୍କାର ପାଇଁ ସୁପାରିସ କରା ନ ଯିବାରୁ ଆସୋସିଏଶନ ବିରୋଧରେ ବିଷୋଦ୍ଗାର କରିଥିବା ଏସ.ଏସ. ପ୍ରଣୟଙ୍କୁ କାରଶ ଦର୍ଶାଅ ନୋଟିସ ଜାରି କରାଯାଇଛି। ଗତ ଫେବୃୟାରୀରେ ଉଭୟ ଶ୍ରୀକାନ୍ତ ଓ ପ୍ରଣୟ ମାନିଲାଠାରେ ଅନୁଷ୍ଠିତ ଏସିଆନ ଟେଷ୍ଟ ଚାମ୍ପିୟନଶିପ୍ ସେମିଫାଇନାଲ ନ ଖେଳି ବାର୍ସିଲୋନାରେ ଅନ୍ୟ ଏକ ଟୁର୍ନାମେଣ୍ଟ ଖେଳିଥିଲେ। ଭାରତ ସେମିଫାଇନାଲରେ ହାରିଥିଲେ ହେଁ ଏସିଆନ ଟେଷ୍ଟ ଚାମ୍ପିୟନଶିପ୍ରେ ତୃତୀୟ ସ୍ଥାନ ହାସଲ କରିଥିଲା। ଶୃଙ୍ଖଳାଗତ କାରଣରୁ ବାଇ ପକ୍ଷରୁ ଖେଳରତ୍ନ ପାଇଁ ଶ୍ରୀକାନ୍ତ ଏବଂ ଅର୍ଜୁନ ପାଇଁ ପ୍ରଣୟଙ୍କ ନାମ ସୁପାରିସ କରାଯାଇ ନ ଥିଲା। ଶ୍ରୀକାନ୍ତଙ୍କ ସୁପାରିସ ପତ୍ର କ୍ରୀଡ଼ା ମନ୍ତ୍ରଣଳୟ ନିକଟକୁ ପଠା ଯାଇଥିବାବେଳେ ପ୍ରଣୟଙ୍କୁ ୧୫ ଦିନ ମଧ୍ୟରେ ଉତ୍ତର ରଖିବା ପାଇଁ ସମୟ ଦିଆଯାଇଛି। ସମୟ ମଧ୍ୟରେ ଉତ୍ତର ନ ଦେଲେ ପ୍ରଣୟଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ବାଇ ପକ୍ଷରୁ ପ୍ରକାଶ କରାଯାଇଛି।
