ପୁଣେ,୧୯-୫: କ୍ୱିକ୍ ହିଲ ଟେକ୍ନୋଲୋଜି ଲିମିଟେଡ ପକ୍ଷରୁ ପରବର୍ତ୍ତିି ପିଢିର ସାଇବର ସିକ୍ୟୁରିଟି ସଲ୍ୟୁଶନ ଲାଇଟର ସ୍ମାର୍ଟର ଫାଷ୍ଟର ସମ୍ପର୍କରେ ଘୋଷଣା କରାଯାଇଛି। ଏଗୁଡିକ ଲାପଟପ ଏବଂ ଡେକ୍ସଟପ ପାଇଁ ସହାୟକ ହୋଇ ପାରିବ। ଭବିଷ୍ୟତକୁ ସୁହାଇଲା ଭଳି ସିକ୍ୟୁରିଟି ସମାଧାନ ଯୋଗାଣ ଦିଗରେ କମ୍ପାନୀ କାର୍ଯ୍ୟ କରୁଛି। ସାଇବର ଆଟାକ ବର୍ତ୍ତମାନ ସମୟରେ ଏକ ପ୍ରମୁଖ ସମସ୍ୟା ଭାବେ ଉଭା ହୋଇଥିବା ବେଳେ ନୂଆ ପ୍ରଡକ୍ଟ ଏହାକୁ ପ୍ରତିରୋଧ କରିବା ଦିଗରେ ଯୋଗଦାନ ରଖି ପାରିବ ବୋଲି ଏହା ସୂଚନା ଦେଇଛି। ୨୦୧୮ରେ ୯୭୩ ନିୟୁତ ମାଲଓ୍ବେର ଆଟାକ ହୋଇଥିବା କମ୍ପାନୀ ଏହାର ଆନୁଆଲ ଥ୍ରେଟ୍ ରିପୋର୍ଟ-୨୦୧୯ରେ ପ୍ରକାଶ କରିଛି। ସେହିଭଳି ରାନସମଓ୍ବେର, କ୍ରିପ୍ଟୋ ମାଇନର୍ସ ଏବଂ ବ୍ୟାଙ୍କିଙ୍ଗ ଟ୍ରୋଜାନ୍ସ ଭଳି ଆଟାକ ବଢୁଥିବା ଦେଖା ଯାଉଛି। ଏପରି ସ୍ଥିତିରେ ସିଷ୍ଟମର ନିରାପତ୍ତା ଜରୁରୀ ହୋଇ ପଡିଛି। କ୍ୱିକ୍ ହିଲର ବିଭିନ୍ନ ପ୍ରଡକ୍ଟ ଅଫର ମଧ୍ୟରେ ଟୋଟାଲ ସିକ୍ୟୁରିଟି, ଇଣ୍ଟରନେଟ ସିକ୍ୟୁରିଟି, ଆଣ୍ଟି ଭାଇରସ ପ୍ରୋ ସାମିଲ ରହିଛି। ଗ୍ରାହକଙ୍କୁ ସର୍ବୋତ୍ତମ ଗୁଣବତ୍ତା ବିଶିଷ୍ଟ ସାଇବର ସିକ୍ୟୁରିଟି ସମାଧାନ ପ୍ରଦାନ ଦିଗରେ ନିରନ୍ତର ଉଦ୍ୟମ ଜାରି ରହିଥିବା କ୍ୱିକ୍ ହିଲର ଏମ୍ଡି ତଥା ସିଇଓ କୌଳାଶ କଟକାର କହିଛନ୍ତି।
