ବାରିପଦା ଅଫିସ,୧୧ା୬- କରୋନା ସଂକ୍ରମଣ ରୋକିବା ପାଇଁ ରାତି ୭ଟାରୁ ସକାଳ ୭ଟା ପର୍ଯ୍ୟନ୍ତ ରାଜ୍ୟ ସରକାରଙ୍କ ପକ୍ଷରୁ କର୍ଫ୍ୟୁ କଟକଣା ଜାରି କରାଯାଇଛି। ଏହି ନିୟମକୁ ଉଲ୍ଲଂଘନ କରି ମୟୂରଭଞ୍ଜ ଜିଲା ବାରିପଦା ସହରର ଦାରୋଗାଡାହିସ୍ଥିତ ଏକ ଘରୋଇ ଶିକ୍ଷାନୁଷ୍ଠାନରେ ବୁଧବାର ରାତି ୭ଟା ପରେ ଅଭିଭାବକଙ୍କ ବୈଠକ ଚାଲିଥିତ୍ବା ଅଭିଯୋଗ ହୋଇଥିଲା। ଏନେଇ ଖବରପାଇ ଟାଉନଥାନା ପୋଲିସ କୋଚିଂ ସେଣ୍ଟରରେ ଚଢାଉ କରିଥିଲା। ସେଠାରେ ଉପସ୍ଥିତ ଥିବା ଶିକ୍ଷାନୁଷ୍ଠାନର ମାଲିକ, କେତେକ ଶିକ୍ଷକ ଓ ଅଭିଭାବକଙ୍କୁ ପୋଲିସ ଥାନାକୁ ନେଇ ପରେ ଛାଡ଼ି ଦେଇଥିଲା। ଏନେଇ ଟାଉନଥାନା ଅଧିକାରୀ ବୀରେନ୍ଦ୍ର ସେନାପତିଙ୍କୁ ପଚାରିବାରୁ କୋଚିଂ ସେଣ୍ଟରରେ ଚଢ଼ାଉ ଘଟଣାକୁ ସ୍ବୀକାର କରିଥିତ୍ବା ବେଳେ ସେଠାରେ ଅଭିଭାବକମାନେ ପହଞ୍ଚି ଶିକ୍ଷାନୁଷ୍ଠାନ ଚାଲୁକରିବା ସମ୍ପର୍କରେ ଆଲୋଚନା କରିବାକୁ ଆସିଥିବା ଜଣାପଡ଼ିବାରୁ ଏନେଇ କୌଣସି ମାମଲା ରୁଜୁ କରାଯାଇ ନ ଥିତ୍ବା କହିଛନ୍ତି। ତେବେ ରାତି ୭ଟା ପରେ ଅଭିଭାବକମାନେ କାହିଁକି ଆସିଥିଲେ ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି। ଏହି ଘଟଣାର ରଫାଦଫା କରିବା ପାଇଁ ଉଦ୍ୟମ ଚାଲିଥିତ୍ବା ଚର୍ଚ୍ଚା ହେଉଛି।
