ଠାକୁରମୁଣ୍ଡା,୧୭ା୪(ଡି.ଏନ୍.ଏ.): କରଞ୍ଜିଆ ବିଧାନସଭା ନିର୍ବାଚନମଣ୍ଡଳୀର ଠାକୁରମୁଣ୍ଡା ପଣସଡିହା ପଡ଼ିଆରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ନିର୍ବାଚନୀ ସଭାରେ ଯୋଗଦେଇ ଏମ୍ପି ଓ ବିଧାୟିକା ପ୍ରାର୍ଥତ୍ନୀଙ୍କୁ ଭୋଟ୍ ଦେଇ ବିଜୟୀ କରିବାକୁ ଅନୁରୋଧ କରିଛନ୍ତି। ଭୁବନେଶ୍ୱରରୁ ହେଲିକପ୍ଟର ଯୋଗେ ମୁଖ୍ୟମନ୍ତ୍ରୀ ଆସି ବୁଧବାର ପୂର୍ବାହ୍ନରେ ପହଞ୍ଚିଥିଲେ। ସଭାରେ ରାଜ୍ୟ ସରକାର କାର୍ଯ୍ୟକାରୀ କରିଥିବା କାଳିଆ ଯୋଜନାରେ ରାଜ୍ୟର ୪୦ ଲକ୍ଷ ଚାଷୀ ଉପକୃତ ହୋଇପାରିବେ ବୋଲି ଉଦ୍ବୋଧନ ଦେଇଥିଲେ। କାଳିଆ ଯୋଜନା ବନ୍ଦ ପାଇଁ ହୀନଚକ୍ରାନ୍ତ କରାଯାଉଛି। ମଁୁ ବଞ୍ଚତ୍ଥିବା ପର୍ଯ୍ୟନ୍ତ ଏହାକୁ କେହି ବନ୍ଦ କରିପାରିବେ ନାହିଁ ବୋଲି ନବୀନ କହିଥିଲେ। ଏଥିସହିତ ବିଜୁ ସ୍ବାସ୍ଥ୍ୟ ଯୋଜନାରେ ଚିକିତ୍ସା ସହାୟତା ୫ ଲକ୍ଷ ଏବଂ ମହିଳାମାନଙ୍କୁ ଏହାର ଡବଲ ଅର୍ଥ ଦିଆଯାଉଛି ବୋଲିି କହିଥିଲେ। ଏମ୍ପି ପ୍ରାର୍ଥତ୍ନୀ ଚନ୍ଦ୍ରାଣୀ ମୁର୍ମୁ ଓ ବିଧାୟକ ପ୍ରାର୍ଥତ୍ନୀ ବାସନ୍ତୀ ହେମ୍ବ୍ରମଙ୍କୁ ଭୋଟ ଦେଇ ଜୟଯୁକ୍ତ କରିବାକୁ ମୁଖ୍ୟମନ୍ତ୍ରୀ ଅନୁରୋଧ କରିଥିଲେ। ଉକ୍ତ ସଭାରେ ଏମ୍ପି ଓ ବିଧାୟିକା ପ୍ରାର୍ଥତ୍ନୀ, କରଞ୍ଜିଆ ବିଧାୟକ ବିଜୟ କୁମାର ନାୟକ, ଜିଲା ସଭାପତି ଦେବାଶିଷ ମହାନ୍ତି ଉପସ୍ଥିତ ଥିବାବେଳେ ପ୍ରାୟ ୨୦ ହଜାର ଲୋକ ଯୋଗ ଦେଇଥିଲେ।
