କାକଟପୁର,୧୮।୫(ଡି.ଏନ୍.ଏ.): ମହାମାରୀ କରୋନା ମୁକାବିଲା ପାଇଁ ଆରଏସ୍ଏସ୍ ଓ ଏବିଭିପି ମିଳିତ ଆନୁକୂଲ୍ୟରେ କାକଟପୁର ନଗର ଶାଖା ତରଫରୁ ସୋମବାର କାକଟପୁର ଅଞ୍ଚଳକୁ ବିଶୋଧନ କରାଯାଇଛି। କାର୍ଯ୍ୟକର୍ତ୍ତାମାନେ କାକଟପୁର ମା’ ମଙ୍ଗଳା ମନ୍ଦିରଠାରୁ ଆରମ୍ଭକରି ବଜାର, ପରିବା ହାଟ, ବିଭିନ୍ନ ଦୋକାର, ଏଟିଏମ୍, ମେଡିସିନ ଷ୍ଟୋର, କାକଟପୁର ଥାନାକୁ ବିଶୋଧନ କରିଥିଲେ। ଏହାସହ ଲୋକମାନଙ୍କୁ ସଚେତନ କରିବା ପାଇଁ ଜନଗହଳି ଜାଗାଗୁଡ଼ିକରେ ପୋଷ୍ଟର ମରାଯାଇ ନିଜ ନିଜ ଭିତରେ ଦୂରତା ରଖିବା ସହ ହାତକୁ ଭଲଭାବରେ ସାବୁନ୍ରେ ଧୋଇବା ପାଇଁ ସଚେତନ କରାଯାଇଛି। ଆରଏସ୍ଏସ୍ କାକଟପୁର କାର୍ଯ୍ୟବାହ ମନ୍ମଥ ସାହୁ, ଏବିଭିପିର ନଗର ଉପସଭାପତି ନିରଞ୍ଜନ ମୁଦୁଲି, ସଂଗ୍ରାମ କେଶରୀ ବିଶ୍ୱାଳ, ମଳୟ ରଞ୍ଜନ ଦାସ, ସ୍ମୃତିରଞ୍ଜନ ମଲ୍ଲିକ, ଜଗମୋହନ ଜେନା, ଜ୍ୟୋତିରଞ୍ଜନ ମଲ୍ଲିକ ପ୍ରମୁଖ ଏହି କାର୍ଯ୍ୟରେ ଯୋଗଦେଇଥିଲେ।
