ହିିଞ୍ଜିଳିକାଟୁ,୨ା୧୧: ହିିଞ୍ଜିଳିକାଟୁ ପୌରାଞ୍ଚଳ ନୂଆଁଗଡ଼ ଶିବ ମନ୍ଦିର ନିକଟରେ ନିର୍ମାଣାଧୀନ ବାପୁଜୀ କଲ୍ୟାଣ ମଣ୍ଡପରୁ ଶନିବାର ପୋଲିସ ଜଣେ ଶ୍ରମିକଙ୍କ ମୃତଦେହ ଉଦ୍ଧାର କରିଛି। ସେ ହେଲେ ଗଞ୍ଜାମ ଜିଲା ଜରଡ଼ା ଥାନା ବି ଗୌଡୁଣୀ ଗଁାର ରାଜୁ ପ୍ରଧାନ (୨୨)। ଏ ନେଇ ପୋଲିସ ନଂ.୨୪/୧୯ରେ ଏକ ଅପମୃତ୍ୟୁ ମାମଲା ରୁଜୁ କରିଛି।
ପ୍ରକାଶ ଯେ, ହିଞ୍ଜିଳିକାଟୁର ଠିକାଦାର ଗୌରହରି ସାମନ୍ତରାଙ୍କ ନିକଟରେ ରାଜୁ ଶ୍ରମିକ ଭାବେ କାମ କରୁଥିଲେ। ଠିକାଦାର ପୌର ପରିଷଦର ନୂଆଁଗଡ଼ କଲ୍ୟାଣ ମଣ୍ଡପ କାମ ଠିକା ନେଇଥିଲେ। ନିର୍ମାଣାଧୀନ କଲ୍ୟାଣ ମଣ୍ଡପରେ ରାଜୁଙ୍କ ସହ ଅନ୍ୟ ୩ଜଣ ଶ୍ରମିକ ରହୁଥିଲେ। ପୂର୍ବାହ୍ନରେ ଅନ୍ୟ ଶ୍ରମିକଙ୍କ ଅନୁପସ୍ଥିତିରେ ରାଜୁ ମଣ୍ଡପର ଏକ କୋଠରିରେ ଆତ୍ମହତ୍ୟା କରିଥିବା ନେଇ ସାମନ୍ତରା ଥାନାରେ ଅଭିଯୋଗ କରିଥିଲେ। ସ୍ଥାନୀୟ ପୋଲିସ ପହଞ୍ଚତ୍ ଝୁଲନ୍ତା ଅବସ୍ଥାରେ ରାଜୁଙ୍କ ମୃତଦେହ ଜବତ କରିି ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡ଼ ମେଡିକାଲକୁ ପଠାଇଛି। ଆତ୍ମହତ୍ୟାର କାରଣ ଜଣାପଡ଼ି ନ ଥିବା ବେଳେ ପୋଲିସ ଘଟଣାର ତଦନ୍ତ ଚାଲିଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ଆଇଆଇସି ଅଭିମନ୍ୟୁ ଦାଶ କହିଛନ୍ତି।
