କର୍ମଜୀବୀ ମହିଳା ଓ ପରିଚ୍ଛନ୍ନତା

ସୌନ୍ଦର୍ଯ୍ୟ ସହ ପରିଚ୍ଛନ୍ନତା ଓତପ୍ରୋତ ଭାବେ ଜଡ଼ିତ ା ପ୍ରତ୍ୟେକ ସୁନ୍ଦରୀ ନାରୀ ପରିଷ୍କାର ପରିଚ୍ଛନ୍ନ ନ ରହିପାରନ୍ତି, କିନ୍ତୁ ପ୍ରତ୍ୟେକ ପରିଚ୍ଛନ୍ନ ନାରୀ ସୁନ୍ଦରୀ ନିଶ୍ଚୟ ା ଅପରପକ୍ଷରେ ଯେଉଁମାନେ ସଫାସୁତୁରା ରହିଥାନ୍ତି ସେମାନେ ନିଜକୁ ଅନେକ ରୋଗରୁ ରକ୍ଷାକରିବା ସହ ନିଜ ପରିବାରକୁ ମଧ୍ୟ କେତେକ ବିପଜ୍ଜନକ ରୋଗରୁ ରକ୍ଷା କରିଥାନ୍ତି ା ତେବେ ନିଜକୁ ସଫାସୁତୁରା ରଖିବାର ଅଭ୍ୟାସ ଝିଅଙ୍କୁ ନିଜ ବାପା, ମା’ ଓ ପରିବାର ପିଲାଦିନରୁ ଶିଖାଇବା ଆବଶ୍ୟକ।
ଉତ୍ତମ ବ୍ୟକ୍ତିଗତ ପରିଷ୍କାର ପରିଚ୍ଛନ୍ନତା ହେଉଛି ଉତ୍ତମ ସ୍ବାସ୍ଥ୍ୟର ପ୍ରଥମ ସୋପାନ। ଏହା କେବଳ ନିଜକୁ ରକ୍ଷାକରେ ନାହଁି, ଅନ୍ୟମାନଙ୍କୁ ମଧ୍ୟ ସୁରକ୍ଷାର ବଳୟ ଭିତରେ ରଖିଥାଏ ା ଏହାଛଡ଼ା ନିଜର ପର୍ସନାଲ ହାଇଜିନ୍‌ ଉତ୍ତମ ହେଲେ ନିଜ ଦେହରୁ ଯେପରି ଅନ୍ୟ ଦେହକୁ ଜୀବାଣୁ ସଂକ୍ରମଣ ନ ହୁଏ, ସେଥିପାଇଁ ମଧ୍ୟ ସଚେତନତା ସୃଷ୍ଟି କରିଥାଏ ା ସାଧାରଣ ମହିଳାଙ୍କଠାରୁ କର୍ମଜୀବୀ ମହିଳାଙ୍କୁ ଆହୁରି ସତର୍କ ରହିବାକୁ ପଡ଼ିଥାଏ ା ଜୀବନଚର୍ଯ୍ୟାର ପ୍ରଥମ ସୋପାନରୁ ହଁି ସେମାନଙ୍କୁ ହାଇଜିନ୍‌ ମେଣ୍ଟେନ କରିବାକୁ ହୋଇଥାଏ ା ଖୁବ୍‌ ସାଧାରଣ କଥାଟିଏ ହେଲେ ମଧ୍ୟ, ସକାଳୁ ଉଠି ମୁହଁ ଧୋଇବା ଖୁବ୍‌ ଜରୁରୀ ା ସାମାନ୍ୟ ଉଷୁମ ପାଣିରେ ପ୍ରତିଦିନ ସକାଳୁ ମୁହଁ ଧୋଇଲେ ସବୁ ଲୋମ କୂପ ଖୋଲିଯାଏ ଏବଂ ପରେ ପରେ ନରମ ସାବୁନରେ ମୁହଁ ଧୋଇ ଥଣ୍ଡା ପାଣି ଛାଟିଲେ ଲୋମ କୂପ ବନ୍ଦ ହୋଇଯାଏ ା ଏହାକୁ ନରମ ତଉଲିଆରେ ପୋଛି ମଇଶ୍ଚରାଇଜର ଲଗାଇବା ଉଚିତ, ଏହାଦ୍ୱାରା ସାରା ଦିନ ଘରେ ଓ ଅଫିସ୍‌ରେ କାମକଲେ ମଧ୍ୟ ମୁହଁ ସଫା ଓ ସତେଜ ରହିଥାଏ ା
କର୍ମଜୀବୀ ମହିଳାମାନେ ଦୁଇଥର ଦାନ୍ତ ଘଷିବା ଓ ଫ୍ଲସ୍‌ କରିବା ଆବଶ୍ୟକ। ଏହାଦ୍ୱାରା ନିଜର ପର୍ସନାଲ ହାଇଜିନ୍‌ ସହ ମୁହଁର ଦୁର୍ଗନ୍ଧ ମଧ୍ୟ ଦୂରହୋଇଥାଏ ା ମାସକୁ ମାସ ଟୁଥ୍‌ ବ୍ରଶ୍‌ ବଦଳାଇବା ଆବଶ୍ୟକ ା ଏହାଛଡ଼ା ଦେହ ଖରାପ ହେବାପରେ ବ୍ରଶ୍‌ ବଦଳାଇବା ଦରକାର ା କର୍ମଜୀବୀ ମହିଳାମାନେ ନିଜ କେଶକୁ ସଫା ଓ ସଂକ୍ରମଣରୁ ମୁକ୍ତ ରଖିବା ଦରକାର ା ଉକୁଣି ଓ ରୂପି ଇତ୍ୟାଦି ନ ହେବା ଲାଗି କେଶକୁ ଟ୍ରିମ୍‌ କରି ଛୋଟ ରଖିଲେ ଷ୍ଟାଇଲିଶ୍‌ ଲାଗିବା ସାଙ୍ଗକୁ ସଫା ମଧ୍ୟ ରହିପାରିବେ ା
କର୍ମଜୀବୀ ମହିଳାମାନେ ନିଜ ନଖ କାଟିବା ସହ ହାତ ସଫା ରଖିବା ଆବଶ୍ୟକ ା ଏହା ନିଜକୁ ସଂକ୍ରମଣରୁ ରକ୍ଷାକରିବା ସହିତ ଅନ୍ୟକୁ ମଧ୍ୟ ସଂକ୍ରମଣରୁ ରକ୍ଷା କରିଥାଏ ା ନିଜ ପର୍ସରେ ସବୁବେଳେ ୱାସିଂ ଲିକ୍ୱିଡ୍‌ ଓ ଆଲ୍‌କୋହଲ୍‌ ସାନିଟାଇଜର ରଖିବା ଆବଶ୍ୟକ, କାରଣ ଅଫିସ୍‌ ଗୋଟିଏ ପବ୍ଲିକ୍‌ ସ୍ଥାନ ହୋଇଥିବାରୁ, ଡୋର୍‌ ହେଣ୍ଡଲ, ଫୋନ୍‌ର କଡର୍ର୍ ଓ ରିସିଭର ତଥା ବାଥ୍‌ରୁମ୍‌ ଆଦି ସ୍ଥାନରୁ ଜୀବାଣୁ ସଂକ୍ରମଣର ଭୟ ଥାଏ। ଏସବୁ ସ୍ଥାନ ବା ଜିନିଷ ସ୍ପର୍ଶ କରିବା ମାତ୍ରେ ହାତକୁ ଧୋଇ ପରିଷ୍କାର କରିବା ଭଲ ା ଅଫିସ୍‌ରେ ବ୍ୟବହୃତ ଡ୍ରୟାର, ଚେୟାର, ହେଣ୍ଡଲ ଆଦିକୁ ପ୍ରତିଦିନ ବିଶୋଧକ ଦ୍ରବ୍ୟ ଦ୍ୱାରା ପୋଛି ବ୍ୟବହାର କରିବା ଉଚିତ ା ଏହାଛଡ଼ା ଖାଇବା ଆଗରୁ ହାତ ଧୋଇବା ଜରୁରୀ ା ସାଧାରଣ ତଉଲିଆ ବ୍ୟବହାର ନ କରି ସଫା ଓ ନୂଆ ଟିସୁ ପେପର ବ୍ୟବହାର କରିବା ଭଲ ା ତେବେ ମହିଳାମାନଙ୍କର ମୂତ୍ରନଳୀ ବା ୟୁରେଥ୍ରା ଛୋଟ ହୋଇଥିବାରୁ ସେମାନଙ୍କର ପରିସ୍ରା ସଂକ୍ରମଣ ବେଶି ଶୀଘ୍ର ହୋଇଥାଏ, ତେଣୁ ପବ୍ଲିକ୍‌ ବାଥ୍‌ରୁମ୍‌ ବ୍ୟବହାର କରିବା ଆଗରୁ ସଫାକରି ବ୍ୟବହାର କରିବା ଉଚିତ ା ଏହାଛଡ଼ା ପ୍ରତ୍ୟେକ ମାସର ଋତୁସ୍ରାବ ସମୟରେ ନୂଆ ସାନିଟାରି ପ୍ୟାଡ୍‌ ବ୍ୟବହାର କରିବା ଜରୁରୀ। କାରଣ ଏହି ସମୟରେ ଟିକିଏ ଅସାବଧାନ ରହିଲେ ଭୟାନକ ଜୀବାଣୁ ଦ୍ୱାରା ସଂକ୍ରମିତ ହୋଇ ‘ଟକ୍ସିକ୍‌ ସକ୍‌ ସିଣ୍ଡ୍ରୋମ୍‌’ ହୋଇଥାଏ ା ଏହି ସମୟରେ ସଂକ୍ରମଣ ହେଲେ ଜରାୟୁ ମଧ୍ୟ ସଂକ୍ରମିତ ହୋଇଥାଏ ା ତେଣୁ ପ୍ରତ୍ୟେକ ପ୍ୟାଡ୍‌ ବ୍ୟବହାର କରିବା ପରେ ହାତ ପରିଷ୍କାର କରିବା ଦରକାର ା କର୍ମଜୀବୀ ମହିଳାମାନଙ୍କୁ ପ୍ରାୟ ଟ୍ରାଭେଲ କରିବାକୁ ପଡ଼ିଥାଏ ା ସେଥିପାଇଁ ସେମାନେ ହାଇଜିନିକାଲି ପ୍ୟୁରିଫାଏଡ୍‌ ବଟଲ ପାଣି ପିଇବେ ଏବଂ ବାହାର ଖାଦ୍ୟ ଖାଇବା ପୂର୍ବରୁ ସାବୁନରେ ହାତ ଧୋଇ ଆଲ୍‌କୋହଲ ବେସ୍‌ଡ ସାନିଟାଇଜର ବ୍ୟବହାର କରିବେ ା ଫଳକୁ ବିଶୁଦ୍ଧ ପାଣିରେ ଧୋଇ ଖାଇବେ ଏବଂ ସର୍ବସାଧାରଣ ପାଇଁ ବ୍ୟବହୃତ କପ୍‌ରେ ଚା’ ବା କଫି ନ ପିଇ, ନିଜେ ନେଇଥିବା କପ୍‌ରେ ପିଇବେ ା
କର୍ମଜୀବୀ ମହିଳାଙ୍କ ପାଇଁ ମେକ୍‌ଅପ୍‌ ହାଇଜିନ୍‌ ମେଣ୍ଟେନ କରିବା ଖୁବ୍‌ ଜରୁରୀ ା ଆଇବ୍ରୋ ପେନ୍‌ସିଲ ବ୍ୟବହାର କରିବା ପୂର୍ବରୁ ଓଦା ଟିସ୍ୟୁ ପେପରରେ ପେନ୍‌ସିଲକୁ ପୋଛିବା ଦରକାର ା ଏହାଦ୍ୱାରା ଜୀବାଣୁ ସଂକ୍ରମଣର ଭୟ କମିଯାଏ ା ପ୍ରତି ସପ୍ତାହରେ ମେକ୍‌ଅପ୍‌ ବ୍ରଶ୍‌ ଓ ପାଉଡର ପଫ୍‌ ବେବି ସାମ୍ପୁରେ ସଫାକରି ଓଦା ମେକ୍‌ଅପ୍‌ ଜିନିଷକୁ ସଫା ତଉଲିଆରେ ପୋଛି ରଖିବା ଉଚିତ ା ନିଜର ମେକ୍‌ଅପ୍‌ ନିଜ ହାତରେ କରନ୍ତୁ ନାହଁି ା ଏହାଦ୍ୱାରା ସଂକ୍ରମଣ ବ୍ୟାପିଥାଏ ା ନିଜ ହାତକୁ ପରିଷ୍କାରକରି ଧୋଇ କେବଳ ରିଂ ଫିଙ୍ଗର ବା ଅନାମିକା ଅଙ୍ଗୁଳିରେ ଧୀରେ ଧୀରେ ମେକ୍‌ଅପ୍‌ ଲଗାନ୍ତୁ ା ଏହା ଛଡ଼ା ମାସ୍କାରା ଓ କାଜଲ ଲଗାଇବା ବେଳେ ସାବଧାନ ନ ହେଲେ ଆଖିରେ ଜୀବାଣୁ ଓ ଅନ୍ୟାନ୍ୟ ସଂକ୍ରମଣ ହେବା ଭୟଥାଏ ା ତେଣୁ ଅନ୍ୟ କାହାର କାଜଲ ପେନ୍‌ସିଲ ବ୍ୟବହାର ନ କରିବା ଭଲ ା ନଖ କାଟିବା ବେଳେ, ମାନିକିଓର ଓ ପେଡିକିଓର କଲା ବେଳେ ଅନ୍ୟ କାହାର ଯନ୍ତ୍ରପାତି ବ୍ୟବହାର କରିବା ଉଚିତ ନୁହେଁ ା ଏମିତି କି ବିଉଟିପାର୍ଲରରେ ଫେସିଆଲ କରିବାବେଳେ ନିଜର ପର୍ସନାଲ ଟାୱେଲ ବ୍ୟବହାର କରିବା ଭଲ ା ଏହାଛଡ଼ା ପ୍ରତ୍ୟେକ ଦିନ ଉତ୍ତମ ସ୍ନାନ ସହ ସଫା ଲୁଗାପଟା ବ୍ୟବହାର କରିବା ଉଚିତ ା ଦେହ ସହ ଆଖି, ନାକ ଓ କାନର ଯନତ୍ ମଧ୍ୟ ଖୁବ୍‌ ଜରୁରୀ ା ପ୍ରତ୍ୟେକ କର୍ମଜୀବୀ ମହିଳା ନିଜ ପାଦର ଯନତ୍ ନେବା ଆବଶ୍ୟକ ା ସ୍ନାନ କଲାବେଳେ ପାଦକୁ ଭଲ କରି ଧୋଇ , ପରିଷ୍କାର କରି କ୍ରିମ୍‌ ବା ମଇଶ୍ଚରାଇଜର ଓ ପାଇଡର ପକାଇ ଜୋତା ବା ଚପଲ ପିନ୍ଧିବା ଉଚିତ, କାରଣ ପାଦ ଦ୍ୱାରା ହଁି ଅନେକ ସଂକ୍ରମଣ ହୋଇଥାଏ ା ହାତ, ପାଦରେ ଫଙ୍ଗାଲ ସଂକ୍ରମଣ ବା କାଛୁ କୁଣ୍ଡିଆ ଓ ଏକ୍‌ଜିମା ଆଦି ଚର୍ମରୋଗ ହେଲେ ଭଲ ହେବା ପାଇଁ ସମୟ ଲାଗିଥାଏ ା କର୍ମଜୀବୀ ମହିଳାଙ୍କୁ ବାହାରେ ଟ୍ରାଭେଲ କରିବାକୁ ତଥା ଅଫିସ୍‌ରେ ଅନବରତ କାମ କରିବାକୁ ପଡ଼ୁଥିତ୍ବାରୁ ଝାଳନାଳ ହେବାକୁ ପଡ଼ିଥାଏ ା ତେଣୁ ସଫା ଓ ପରିଷ୍କାର ସୂତା ପୋଷାକ ବ୍ୟବହାର କରିବା ଭଲ। କର୍ମଜୀବୀ ମହିଳାଙ୍କ ପାଇଁ ପର୍ସନାଲ ହାଇଜିନ୍‌ ରକ୍ଷା କରିବା ଖୁବ୍‌ ଜରୁରୀ। ଏହା ଏକ କଳା ା ଏହି ହାଇଜିନ୍‌ ଓ ସଚେତନତା ଯେ, କେବଳ ମହିଳାମାନଙ୍କୁ ସୁରକ୍ଷିତ ରଖିଥାଏ ତାହା ନୁହେଁ, ନିଜ ସନ୍ତାନ ସନ୍ତତି ଓ ପରିବାରବର୍ଗ ତଥା ସହକର୍ମଚାରୀମାନଙ୍କୁ ସୁରକ୍ଷା ଦେବା ସହ ରୋଗ ସଂକ୍ରମଣରୁ ମଧ୍ୟ ରକ୍ଷା କରିଥାଏ ା ଏହା ମହିଳାମାନଙ୍କ ଆଉଟ୍‌ ଲୁକ୍‌ ବଢ଼ାଇବା ସହ ଏକ ପ୍ରେଜେଣ୍ଟେବଲ ପର୍ସନାଲିଟିର ପରିଚୟ ଦେଇଥାଏ ଏବଂ ନାରୀଟିକୁ ଆଭିଜାତ୍ୟର ଏକ ସୁରକ୍ଷିତ ପୋଷାକ ପିନ୍ଧାଇ ଦେଇଥାଏ ା

ଡା. ସରୋଜିନୀ ଷଡ଼ଙ୍ଗୀ
ଲିଙ୍କ୍‌ ରୋଡ୍‌ , କଟକ-୧୨
ମୋ-୯୪୩୭୦୫୫୦୦୭

 


Enter your email to get our daily news in your inbox.

All Right Reserved By Dharitri.Com

ଜାଣନ୍ତୁ ‘ଭିଟାମିନ୍‌-ସି’ ଅଭାବରୁ କେଉଁ ସମସ୍ୟା ସୃଷ୍ଟି ହୋଇଥାଏ

ଭିଟାମିନ୍‌-ସି’ ଶରୀର ଲାଗି ଜରୁରୀ। ଏଥିରୁ ଜରୁରୀ ପୋଷକତତ୍ତ୍ୱ ମିଳିଥାଏ। ମାତ୍ର ଅନେକ ଏହି ଭିଟାମିନ କମ୍‌ ଥିବା ସମସ୍ୟାରେ ଜଡିତ ହୋଇଥାନ୍ତି। ତେବେ ଶରୀରକୁ...

ଆଣ୍ଠୁଗଣ୍ଠି ସମସ୍ୟା ଦୂର କରେ ଡାଲଚିନି ମିଶା କ୍ଷୀର

ଔଷଧୀୟ ଗୁଣରେ ଭରପୂର୍‌ ଡାଲଚିନ୍‌। ଅନେକ ପ୍ରକାର ରୋଗର ରାମବାଣ ଔଷଧ ଭାବେ ଏହା ପରିଚିତ। କ୍ଷୀରରେ ସାମାନ୍ୟ ଡାଲଚିନି ଗୁଣ୍ଡ ମିଶାଇ ପିଇଲେ ଶରୀରକୁ...

ଓଜନ ନିୟନ୍ତ୍ରଣ କରିବ ଟମାଟୋ

ଟମାଟୋ ଖାଇଲେ ଅନେକ ଫାଇଦା ମିଳିଥାଏ। ଏହାକୁ ଲୋକେ ତରକାରୀ ହେଉ ଅବା ସାଲାଡ୍‌ ଭାବେ ସେବନ କରିପାରିବେ। ଏକ ଗବେଷଣାରୁ ଜଣାପଡ଼ିଛି, ଟମାଟୋ ଖାଇବା...

କରୋନା ବ୍ୟାପିବା ନେଇ ସୋସିଆଲ ମିଡିଆ ଗୁଜବରୁ ରୁହନ୍ତୁ ସତର୍କ

ପ୍ରାଣଘାତକ କରୋନାକୁ ନେଇ ଚାରିଆଡେ ଭୟର ମାହୋଲ। ଏପରିସ୍ଥଳେ ସୋସିଆଲ ମିଡିଆରେ ଭଳିକି ଭଳି ତଥ୍ୟ ଘୂରିବୁଲୁଛି। ଯେପରି କରୋନା ହେଲେ ମୃତ୍ୟୁ ହେବା ସୁନିଶ୍ଚିତ...

ଜଙ୍କ୍‌ ଫୁଡ୍‌ ଅଧିକ ଖାଇଲେ ଅବସାଦ ଆଶଙ୍କା ବଢେ

ଫାଷ୍ଟ୍‌ ଫୁଡ୍‌, କେକ୍‌ ଏବଂ ଜଙ୍କ୍‌ ଫୁଡ୍‌ର ମାତ୍ରାଧିକ ସେବନ ଅବସାଦ ଆଶଙ୍କା ବୃଦ୍ଧିର ମୁଖ୍ୟ କାରଣ। ଏକ ଗବେଷଣାରୁ ଏହା ଜଣାପଡ଼ିଛି। ବ୍ରିଟେନ୍‌ର ମାଞ୍ଚେଷ୍ଟର୍‌...

ଲୁଣ ପାଣିରେ ସ୍ନାନ କଲେ ମିଳିବ ଅନେକ ଫାଇଦା

ଖାଦ୍ୟରେ ଲୁଣ ରହିବା ଜରୁରୀ। ଲୁଣ ବିନା ଖାଦ୍ୟରେ ସ୍ବାଦ ଆସି ନ ଥାଏ। ଜାଣିଛନ୍ତି କେବଳ ଖାଦ୍ୟ ନୁହେଁ ଏହା ଆପଣଙ୍କର ସୌନ୍ଦର୍ଯ୍ୟକୁ ମଧ୍ୟ...

ମେଦବହୁଳତାଠୁ ଦୂରେଇ ରହିବାକୁ ଚାହୁଁଛନ୍ତି; ସକାଳେ ଉଷୁମ ପାଣିରେ ମିଶାଇ ପିଅନ୍ତୁ ଏହି ଲୁଣ…

ସକାଳେ ଟିପେ କଳା ଲୁଣ(ସୈନ୍ଧବ ଲବଣ) ଗ୍ଲାସେ ଉଷୁମ ପାଣି ସହିତ ପିଇଲେ ମିଳିଥାଏ ଅନେକ ଉପକାର। ଏହା ପାଚନ କ୍ରିୟାକୁ ସ୍ବାଭାବିକ କରେ। ମେଦବହୁଳତା...

ଏହି ୪ଟି ଜିନିଷରେ ଖର୍ଚ୍ଚ କରିବା ଦ୍ୱାରା ଧନ ବଢ଼େ: ଜାଣନ୍ତୁ କାହାକୁ ଏଭଳି କହିଛନ୍ତି ଚାଣକ୍ୟ

ଚାଣକ୍ୟ ନୀତିରେ ଆଚାର୍ଯ୍ୟ ଚାଣକ୍ୟ ଜୀବନର ବିଭିନ୍ନ ସ୍ଥିତିକୁ ନେଇ ନୂଆ ବିଚାରଧାରା ସମ୍ପର୍କରେ ସୂଚନା ଦେଇଛନ୍ତି। କୁହାଯାଏ ଜୀବନ ସହ ଜଡ଼ିତ ସମସ୍ତ ବିଷୟର...

Coronavirus Update


Archives

Model This Week

Why Dharitri