ଚାଇନାରେ କରୋନା ଭାଇରସ ସଂକ୍ରମଣଜନିତ ମୃତ୍ୟୁସଂଖ୍ୟା ବୃଦ୍ଧି ପାଇବାରେ ଲାଗିଛି। ବର୍ତ୍ତମାନ ମୃତ୍ୟୁସଂଖ୍ୟା ୯୦୦ ଟପିଥିବା ବେଳେ ସଂକ୍ରମିତଙ୍କ ସଂଖ୍ୟା ୩୪,୮୦୦କୁ ବୃଦ୍ଧି ପାଇଛି। ଏହି ମାରାତ୍ମକ ଭାଇରସ୍ର ମୁକାବିଲା ପାଇଁ ଏପର୍ଯ୍ୟନ୍ତ କୌଣସି ଔଷଧ ବାହାରି ପାରିନାହିଁ। ଏସବୁ ଭିତରେ ବଲିଉଡ୍ର ଡ୍ରାମା କୁଇନ୍ ରାକ୍ଷୀ ସାଓ୍ବନ୍ତଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ କରୋନା ଭାଇରସ୍ ମୁକାବିଲା ପାଇଁ ଚାଇନାରେ ପହଞ୍ଚିଥିବା କହୁଛନ୍ତି ରାକ୍ଷୀ। ସେ ବିମାନରେ ବସିଥିବାବେଳେ ଏହି ଭିଡିଓ ଶୁଟ୍ କରିଛନ୍ତି। ଏହି ଭାଇରସ୍କୁ ରୋକିବା ପାଇଁ ନାସାରୁ ଏକ ସ୍ବତନ୍ତ୍ର ଔଷଧ ଆଣିଥିବା ସେ କହିଛନ୍ତି। ଭିଡିଓର ଶେଷ ଆଡକୁ ସେ ଚାଇନାରେ ପହଞ୍ଚି ଯାଇଥିବା କହୁଛନ୍ତି। ତେବେ ଏହା କେତେଦୂର ସତ୍ୟ ତାହା କେବଳ ରାକ୍ଷୀ ହିଁ କହିପାରିବେ। ପୂର୍ବରୁ ମଧ୍ୟ ନିଜ ବିବାହକୁ ନେଇ ଅନେକ ଭିଡିଓ ଶେୟାର କରି ରାକ୍ଷୀ ଚର୍ଚ୍ଚାରେ ଥିଲେ।
