ଚୌଦ୍ୱାର,୧୩ା୪(ଡି.ଏନ୍.ଏ.): କରୋନା ଭଳି ମହାମାରୀରୁ ରକ୍ଷା ପାଇବା ପାଇଁ ସାରା ବିଶ୍ୱ ଆଜି ଚିନ୍ତାରେ। କେନ୍ଦ୍ର ସରକାରଙ୍କଠାରୁ ଆରମ୍ଭ କରି ରାଜ୍ୟ ସରକାରଙ୍କ ପର୍ଯ୍ୟନ୍ତ ଏହି ଭୂତାଣୁ ରୋକିବା ଦିଗରେ ସଚେତନା ହଁି ଏକମାତ୍ର ବିକଳ୍ପ ବୋଲି ବାରମ୍ବାର ପ୍ରଚାର କରୁଛନ୍ତି। ଏଥିସହିତ ସଂକ୍ରମଣ ନ ବ୍ୟାପିବା ପାଇଁ ସାମାଜିକ ଦୂରତାର ଆବଶ୍ୟକତା ରହିଛି ା ଯାହାକୁ ନେଇ ସାରା ରାଜ୍ୟ ଲକ୍ଡାଉନରେ ଗତି କରୁଛି। ମାତ୍ର କଟକ ଜିଲା ଚୌଦ୍ୱାର ଅଞ୍ଚଳର କିଛି ଯୁବକ ଏବଂ ବୟସ୍କ ବ୍ୟକ୍ତିମାନେ ପୋଲିସର ନଜର ଆଢୁଆଳରେ ଗାଁ ମଣ୍ଡପରେ ଖଟି ଜମାଇବାକୁ ପଛାଉନାହାନ୍ତି। ଏପରିକି ମୋବାଇଲରେ ମୁହଁକୁମୁହଁ ଯୋଡ଼ି ଲୁଡୁ ଖେଳିବା ସହିତ ବୟସ୍କ ବ୍ୟକ୍ତିମାନେ ତାସ୍ ପାଲି ଆସର ଜମାଉଥିବା ଦେଖିବାକୁ ମିଳିଛି। କଟକ ଜିଲା ଚୌଦ୍ୱାର ପୋଲିସ ରାଜରାସ୍ତା ଜଗି ରହୁଥିବା ବେଳେ ଗ୍ରାମାଞ୍ଚଳରେ ଏପରି ନିୟମ ଉଲ୍ଲଂଘନକାରୀଙ୍କ ପ୍ରତି କଡ଼ା କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବି ହେଉଛି।
