କରୋନା ଓ ଶିଶୁ ଯତ୍ନ

ପୃଥିବୀର କ୍ଷୁଦ୍ରାତିକ୍ଷୁଦ୍ର ଜୀବ କରୋନା ଭୂତାଣୁ। ହେଲେ ଏହା ସମସ୍ତ ମଣିଷ ସମାଜକୁ ଏକ ପ୍ରକାରର ଅସହାୟ ଅବସ୍ଥାରେ ରଖିଛି। ସମଗ୍ର ପୃଥିବୀର ୨୩୫ଟି ଦେଶର ଜନତା ଏବେ ଅଜଣା ଆତଙ୍କରେ ଆତଙ୍କିତ। କେଉଁଠି ଅକ୍ସିଜେନ୍‌ ଅଭାବ ତ କେଉଁଠି ଡାକ୍ତରଖାନାରେ ରୋଗୀଙ୍କୁ ମିଳୁନି ବେଡ୍‌। କାହାରିକୁ ଦୟା ଦେଖାଉନାହିଁ କରୋନା ରୂପୀ ରାକ୍ଷସ। ଆବାଳ ବୃଦ୍ଧବନିତା କରୋନାର କ୍ରୂର ପଞ୍ଝାତଳେ ନିଷ୍ପେଷିତ ହେଉଛନ୍ତି। ଏହି ସମୟରେ ଶିଶୁମାନଙ୍କୁ ସୁରକ୍ଷିତ ରଖିବା ଲାଗି ସେମାନଙ୍କର ବିଶେଷ ଭାବେ ଯତ୍ନ ନେବା ସହ ଅଭିଭାବକମାନେ କେତେକ ଦିଗ ପ୍ରତି ସଚେତନ ହେବା ଗୁରୁତ୍ୱପୂର୍ଣ୍ଣ।
ଆମ ଦେଶର ସମସ୍ତ ଜନସଂଖ୍ୟାର ପ୍ରାୟ ୩୦ ଭାଗ ହେଉଛନ୍ତି ଶିଶୁ। ଆଉ ଏହି ସମସ୍ତ ଶିଶୁଙ୍କ ମଧ୍ୟରୁ ବର୍ତ୍ତମାନ ପ୍ରାୟ ୧୦-୨୦ ଭାଗ ଶିଶୁଙ୍କଠାରେ କରୋନା ସଂକ୍ରମଣ ହେଉଥିବାର ଦେଖିବାକୁ ମିଳୁଛି। ତେବେ ଅତ୍ୟନ୍ତ ଦୁଃଖର ବିଷୟ ଯେ, ତନ୍ମଧ୍ୟରୁ ୧-୩% ଶିଶୁ ସାଙ୍ଘାତିକ କରୋନା ରୋଗରେ ଆକ୍ରାନ୍ତ ହୋଇଥାନ୍ତି।
ଶିଶୁଙ୍କଠାରେ କରୋନା: ଶିଶୁମାନଙ୍କ ଠାରେ କରୋନା ସଂକ୍ରମଣକୁ ମୁଖ୍ୟତଃ ୪ ଭାଗରେ ବିଭକ୍ତ କରାଯାଇଛି। ଯଥା:
୧- ଅଳ୍ପ ପରିମାଣରେ ସଂକ୍ରମଣ: ଏହା ଆସିମ୍ପ୍ଟୋମାଟିକ୍‌ ବା ଏଥିରେ ଶିଶୁଠାରେ ରୋଗର କୌଣସି ଲକ୍ଷଣ ଦେଖାଯାଇ ନ ଥାଏ। ହେଲେ ଘରେ କେହି କରୋନା ଆକ୍ରାନ୍ତ ଥିଲେ ଟେଷ୍ଟ ସମୟରେ ଶିଶୁ ସଂକ୍ରମିତ ବୋଲି ଜଣାପଡିଥାଏ। ଏ କ୍ଷେତ୍ରରେ ଔଷଧ ଆବଶ୍ୟକ ହୁଏ ନାହିଁ। କେବଳ ରୋଗର ହ୍ରାସ ଓ ବୃଦ୍ଧିକୁ ଆକଳନ କରାଯାଏ ଏବଂ ଏହାକୁ ଅଧିକ ନ ବଢିବା ଲାଗି ବିଭିନ୍ନ ପଦକ୍ଷେପ ନିଆଯାଏ।
୨- ମଧ୍ୟମ ଧରଣର ସଂକ୍ରମଣ: ଏଥିରେ ଶିଶୁଙ୍କଠାରେ ନାକରୁ ପାଣି ବୋହିବା, ତଣ୍ଟି ଦରଜ ହେବା, କାଶ ଭଳି ଲକ୍ଷଣ ଦେଖାଯାଉଥିଲେ ହେଁ ଶିଶୁ ଅଣନିଃଶ୍ୱାସୀ ହୋଇ ନ ଥାଏ। ଏମିତିରେ ଶିଶୁକୁ କୋଠରିରେ ଏକାନ୍ତ ବା ହୋମ ଆଇସୋଲେଶନ୍‌ରେ ରଖାଯାଏ। ଲକ୍ଷଣ ଅନୁସାରେ ଜ୍ୱର ବଢିଲେ ପାରାସିଟାମଲ୍‌ ଔଷଧ ଦିଆଯିବା ସହ ଗରମ ପାଣିରେ କୁଳି କରିବା ଏବଂ ସାଲାଇନ୍‌ ନାଜାଲ୍‌ ଡ୍ରପ୍‌ ପକାଯାଇଥାଏ। ଏଥିରେ ଶିଶୁକୁ ସାଧାରଣ ଖାଦ୍ୟ ଓ ପାନୀୟ ଦିଆଯାଇଥାଏ। ରୋଗ ନ ବଢିବା ଲାଗି ଏକ ଚାର୍ଟ ପ୍ରସ୍ତୁତ କରି ପ୍ରତି ୩-୪ ଘଣ୍ଟା ବ୍ୟବଧାନରେ ଶିଶୁର ଶରୀରର ଉତ୍ତାପ, ନିଃଶ୍ୱାସର ଗତି, ପରିସ୍ରା ପରିମାଣ, ଅକ୍ସିଜେନ୍‌ ସାଚୁରେଶନ ଆଦି ବିଭିନ୍ନ ସ୍ବାସ୍ଥ୍ୟ ବିବରଣୀ ଲେଖି ଡାକ୍ତରଙ୍କ ସହ ନିୟମିତ ପରାମର୍ଶ କରିବା ଆବଶ୍ୟକ। ଏଥିରେ କୋଭିଡ୍‌ ଆଣ୍ଟିଜେନ୍‌ ଏବଂ ଆର୍‌ଟିପିସିଆର୍‌ ଦୁଇଟି ଟେଷ୍ଟ ବ୍ୟତୀତ ଅନ୍ୟ ଟେଷ୍ଟ ଆବଶ୍ୟକ ହୋଇ ନ ଥାଏ।
୩-ସାଂଘାତିକ ସଂକ୍ରମଣ: ଏହି ଷ୍ଟେଜ୍‌ରେ ଶିଶୁକୁ ଅଣନିଃଶ୍ୱାସୀ ଲାଗେ। ଯଦି ପ୍ରତି ମିନିଟ୍‌ରେ ନିଃଶ୍ୱାସର ଗତି ଜନ୍ମରୁ ୨ମାସ ଶିଶୁର ୬୦ରୁ ଅଧିକ, ୨ମାସରୁ ଏକ ବର୍ଷ ଶିଶୁର ୫୦ରୁ ଅଧିକ, ୧ରୁ ୫ ବର୍ଷ ଶିଶୁର ୪୦ରୁ ଅଧିକ, ୫ରୁ ଅଧିକ ଶିଶୁଙ୍କର ୩୦ରୁ ଅଧିକ ରୁହେ ଏବଂ ଅକ୍ସିଜେନ୍‌ ସାଚୁରେଶନ୍‌ ୯୪%ରୁ କମ୍‌ ରୁହେ ତେବେ ଶିଶୁକୁ କୋଭିଡ୍‌ ହସ୍ପିଟାଲ୍‌ରେ ରଖି ଚିକିତ୍ସା କରାଇବା ଆବଶ୍ୟକ।
୪- ଅତି ସଂଘାତିକ ସଂକ୍ରମଣ: ଏ କ୍ଷେତ୍ରରେ ଶିଶୁଠାରେ ସାଂଘାତିକ ସଂକ୍ରମଣର ସମସ୍ତ ଲକ୍ଷଣ ସହିତ ଅକ୍ସିଜେନ୍‌ ୯୦% କମ୍‌ ରୁହେ। ଫଳରେ ଶିଶୁକୁ ନିଃଶ୍ୱାସ ନେବାରେ ଖୁବ୍‌ କଷ୍ଟ ହୁଏ। ଏହା ବ୍ୟତୀତ କିଡ୍‌ନୀ, ଲିଭର, ହାର୍ଟ ଆଦି ଅଙ୍ଗର କାର୍ଯ୍ୟ ଶକ୍ତି ହ୍ରାସ ପାଇଥାଏ। ଏହାକୁ MIS-C ବା ମଲ୍ଟି ଇନ୍‌ଫ୍ଲାମେଟୋରି ସିଣ୍ଡ୍ରୋମ କୁହାଯାଏ। ଏକ୍ଷେତ୍ରରେ ଶିଶୁକୁ ତୁରନ୍ତ ଆଇସିୟୁରେ ଭର୍ତ୍ତି କରିବାକୁ ହୋଇଥାଏ।
ପୂର୍ବରୁ ହୃଦ୍‌ରୋଗ, ନେଫ୍ରୋଟିକ୍‌ ସିଣ୍ଡ୍ରୋମ୍‌, ଡାଇବେଟିସ୍‌, କ୍ୟାନ୍ସର ଆଦି ସମସ୍ୟା ଥିବା ଶିଶୁମାନଙ୍କୁ କରୋନା ସଂକ୍ରମଣ ହେବା ମାତ୍ରେ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଇ ଚିକିତ୍ସା ଆରମ୍ଭ କରାଇବା ଦରକାର।
ମା’ଙ୍କ ପାଇଁ ନିୟମ: ଘରେ କରୋନା ରୋଗୀ ଥିଲେ ମାଆଙ୍କୁ ସେମାନଙ୍କଠାରୁ ଅତିକମ୍‌ରେ ୨ ମିଟର ଦୂରତା ରକ୍ଷା କରିବା ସହ ସର୍ବଦା ମାସ୍କ ପିନ୍ଧିବା ଆବଶ୍ୟକ। ନଚେତ୍‌ ମା’ ଠାରୁ ଶିଶୁକୁ ସଂକ୍ରମଣ ହେବାର ଆଶଙ୍କା ବେଶି। ସେହିପରି ଯଦି ଜଣେ ମା’ ସଂକ୍ରମିତ ହୁଅନ୍ତି ତେବେ ସମସ୍ତ ସତର୍କତା ଅବଲମ୍ବନ କରିବା ଆବଶ୍ୟକ। ହେଲେ ସ୍ତନ୍ୟପାନ କରାଉଥିବା ମା’ ନିଜେ ମାସ୍କ ପିନ୍ଧି ଭଲ ଭାବେ ହାତ ଧୋଇ ଶିଶୁକୁ ସ୍ତନ୍ୟପାନ କରାଇପାରିବେ। କାରଣ ମାତୃଗର୍ଭ ଏବଂ ସ୍ତନରେ ଏଯାଏଁ କରୋନା ଭୂତାଣୁ ଠାବ କରାଯାଇ ନାହିଁ।
ଜାଣି ରଖନ୍ତୁ:
– ଦୁଇ ବର୍ଷରୁ କମ୍‌ ଶିଶୁଙ୍କ ଲାଗି ମାସ୍କ ପିନ୍ଧିବା ବାଧ୍ୟତାମୂଳକ ନୁହେଁ। ଏହାଠାରୁ ବଡ ପିଲାଙ୍କୁ ପାଟି ଏବଂ ନାକ ଭଲ ଭାବେ ଘୋଡି ହେଉଥିବା ମାସ୍କ ପିନ୍ଧାନ୍ତୁ। ମାସ୍କକୁ ୮ଘଣ୍ଟାରେ ଥରେ ବଦଳାନ୍ତୁ। କଟନ ମାସ୍କ ପିନ୍ଧୁଥିଲେ ପ୍ରତିଥର ବ୍ୟବହାର ପରେ ଡିଟରଜେଣ୍ଟ ପାଉଡରରେ ଧୋଇ ଶୁଖାନ୍ତୁ।
– ଶିଶୁଙ୍କୁ ଭଲ ଭାବେ ୨୦ ସେକେଣ୍ଡ ପର୍ଯ୍ୟନ୍ତ ସାବୁନ୍‌ କିମ୍ବା ଲିକ୍ୱିଡ୍‌ ହ୍ୟାଣ୍ଡଓ୍ବାଶ୍‌ରେ ହାତ ଧୋଇବା ଶିଖାନ୍ତୁ।
– ପିଲାଙ୍କୁ ଦୋକାନ ବଜାର, ପାର୍ଟି ଫଙ୍କସନ୍‌ ଭଳି ଜନଗହଳି ସ୍ଥାନକୁ ଆଦୌ ନିଅନ୍ତୁ ନାହିଁ। ଅଧିକ ପିଲା ଏକାଠି ହୋଇ ଖେଳିବାକୁ ମନା କରନ୍ତୁ। ପାଖ ପଡୋଶୀ ସଂକ୍ରମିତ ହୋଇଥିଲେ ପିଲାଙ୍କୁ ଘରୁ ନ ବାହାରିବା ଲାଗି ପରାମର୍ଶ ଦିଅନ୍ତୁ।
ମନେରଖନ୍ତୁ: ବର୍ତ୍ତମାନ ସୁଦ୍ଧା ପିଲାଙ୍କ ଲାଗି କରୋନା ଭ୍ୟାକ୍ସିନ୍‌ ଉପଲବ୍ଧ ହୋଇନାହିଁ। ତେଣୁ ଅଭିଭାବକମାନେ ଏହାକୁ ନେଇ ଚିନ୍ତିତ। ଏମିତିରେ ବିଭିନ୍ନ ସୋସିଆଲ୍‌ ମିଡିଆରେ କରୋନା ନ ହେବା ଲାଗି ଇମ୍ୟୁନିଟି ବା ରୋଗ ପ୍ରତିରୋଧକ ଶକ୍ତି ବୃଦ୍ଧି ନିମନ୍ତେ କେତେକ ଔଷଧ, କାଢା, ଘରୋଇ ନାଜାଲ୍‌ ଡ୍ରପ୍‌ ଭାବେ ଲେମ୍ବୁ ରସ, ତୁଳସୀ ରସ କୌଣସି ତେଲ ଆଦି ଚିକିତ୍ସା ଉପାୟ ପୋଷ୍ଟ ହେଉଛି; ଯାହାକୁ ଅନେକେ ଆପଣାଉଥିବା ମଧ୍ୟ ଦେଖିବାକୁ ମିଳୁଛି। ହେଲେ ଡାକ୍ତରଙ୍କ ବିନା ପରାମର୍ଶରେ ଏଭଳି କୌଣସି ଚିକିତ୍ସା ପଦ୍ଧତି ପିଲାଙ୍କଠାରେ ପ୍ରୟୋଗ କରିବା ଆଦୌ ନିରାପଦ ନୁହେଁ। କେବଳ ଏତିକି ନୁହେଁ ଅନ୍ୟଠୁ ଶୁଣି ଭିଟାମିନ୍‌ ସି, ଡି, ମଲ୍ଟିଭିଟାମିନ୍‌, ଜିଙ୍କ୍‌ ଆଦି ମଧ୍ୟ ପିଲାଙ୍କୁ ମନଇଛା ନ ଦେଇ ଶିଶୁରୋଗ ବିଶେଷଜ୍ଞଙ୍କ ପରାମର୍ଶରେ ଆବଶ୍ୟକ ମାତ୍ରାରେ ଖୁଆଇପାରିବେ।
-ଡା. ନରେଶ ଚନ୍ଦ୍ର ଆଚାର୍ଯ୍ୟ

ଶିଶୁରୋଗ ବିଶେଷଜ୍ଞ, ଲିଙ୍ଗରାଜ ବିହାର, ଭୁବନେଶ୍ୱର
narped9yahoo.com


Enter your email to get our daily news in your inbox.

All Right Reserved By Dharitri.Com

ବିବାହ ପୂର୍ବରୁ ଜୀବନସାଥିଙ୍କୁ ପଚାରନ୍ତୁ ଏହି ୫ ପ୍ରଶ୍ନ: କେବେ ହେବାକୁ ପଡ଼ିବନି ଅଲଗା

ପ୍ରାୟ ସମସ୍ତଙ୍କ ଜୀବନରେ ବିବାହ ଏକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ। ବିବାହ କେବଳ ଦୁଇଟି ଦୃଦୟର ମିଳନ ନୁହେଁ ମାତ୍ର ଏହା ୨ ପରିବାର ମିଶ୍ରଣ। ତେଣୁ...

କରୋନା ଭାଇରସ୍‌ ପ୍ରତିଷେଧକ ଟିକା

”କରୋନା ଭାଇରସ୍‌ର ସଫଳ ମୁକାବିଲା କରିବା ନିମନ୍ତେ ପ୍ରତିଷେଧକ ଟିକା ହିଁ ଏକ ମାତ୍ର ଫଳପ୍ରଦ ବ୍ୟବସ୍ଥା । ଏହି ଭାଇରସ୍‌ର ଆବିର୍ଭାବର ମାତ୍ର ଅଳ୍ପ...

ପିଲାଦିନ ଶିକ୍ଷା ବୃଦ୍ଧାବସ୍ଥାରେ ସ୍ମୃତିଶକ୍ତିକୁ ରଖେ ପ୍ରଖର

ଓ୍ବାଶିଂଟନ, ୭।୬: ବୟସ ବଢ଼ିବା ସହିତ ମଣିଷର ସ୍ମୃତି ଶକ୍ତି କମିବାରେ ଲାଗିଥାଏ। ତେବେ ପିଲାଦିନେ ଅଧିକ ସମୟ ଧରି ସ୍କୁଲରେ ବିତାଇଥିବା ଲୋକଙ୍କ ସ୍ମୃତି...

ମଧୁମେହ ନିୟନ୍ତ୍ରଣ କରେ ସେଓ ଚା’

ଫିଟ୍‌ ରହିବାକୁ ଏପର୍ଯ୍ୟନ୍ତ ସମସ୍ତେ ଗ୍ରୀନ୍‌ ଟି ଏବଂ କଫି ପିଇବାରେ ବ୍ୟସ୍ତ ଅଛନ୍ତି। କିନ୍ତୁ ଜାଣନ୍ତି ଆପଲ୍‌ ବା ସେଓ ଚା’ ସ୍ବାସ୍ଥ୍ୟ ପାଇଁ...

ହାର୍ଟଆଟାକ୍‌ ଆଶଙ୍କା ଦୂର କରିବା ଲାଗି ଦିନରେ ୨ ଥର ଘଷନ୍ତୁ ଦାନ୍ତ…

ଓ୍ବାଶିଂଟନ: ଦାନ୍ତ ଘଷିବା ଦ୍ୱାରା ହାର୍ଟଆଟାକ୍‌ ଆଶଙ୍କା କମେ। ଏନେଇ ନିକଟରେ ଏକ ଗବେଷଣା ଭିତ୍ତିକ ରିପୋର୍ଟ ୟୁରୋପିଆନ୍‌ ଜର୍ନାଲ୍‌ ଅଫ୍‌ ପ୍ରିଭେଣ୍ଟିଭ୍‌ କାର୍ଡିଓଲୋଜିରେ ପ୍ରକାଶ...

ଗହଣା କଳା ପଡ଼ିଯାଉଛି କି ତେବେ ଏଭଳି ନିଅନ୍ତୁ ଯତ୍ନ

ବର୍ତ୍ତମାନ ସମୟରେ ସୁନାରୁପାଠାରୁ ଅଧିକ ପ୍ଲାଟିନମ ଓ ଇମିଟେସନ୍‌ ଗହଣାର ଚାହିଦା ରହିଛି। କମ୍‌ ଖର୍ଚ୍ଚରେ ମିଳୁଥିବା ଏହି ଗହଣାଗୁଡ଼ିକ ପିନ୍ଧିବା ପାଇଁ ମଧ୍ୟ ହାଲୁକା।...

ଏଡିଏଚ୍‌ଡି

”ଆଟେନଶନ ଡିଫିସିଟ୍‌ ହାଇପରଆକ୍ଟିଭିଟି ଡିଜଅର୍ଡର (ଏଡିଏଚ୍‌ଡି) ଶିଶୁମାନଙ୍କର ଏକପ୍ରକାର ଜୀବନବ୍ୟାପୀ ବିକାଶାତ୍ମକ ଅସାମର୍ଥ୍ୟ ବ୍ୟାଧି। ପାଖାପାଖି ୩୬ ମାସ ପୂର୍ବରୁ ଏହାର ଲକ୍ଷଣ ଆରମ୍ଭ ହୋଇଥାଏ।...

ଘରେ ଝାଡୁ କରିବା ଓ ରଖିବା ସମୟରେ କରନ୍ତୁ ନାହିଁ ଏପରି ଭୁଲ: ମାଡ଼ି ଆସିବ ଦରିଦ୍ରତା

ପ୍ରତ୍ୟେହ ସକାଳେ ଏବଂ ଅପରାହ୍ନରେ ଘର ଝାଡ଼ୁ କରାଯାଏ। ଏହି ଝାଡ଼ୁକୁ ନେଇ ଅନେକ ବାସ୍ତୁଗତ ସମସ୍ୟା ରହିଛି। ଯେପରିକି ଝାଡ଼ୁକୁ ଓଲଟା ରଖିବା ଠିକ୍‌...

Advertisement


Archives

Model This Week

Why Dharitri