କରଞ୍ଜିଆ ଜେଲ୍‌ରୁ ଫେରାରଥିବା ଆସାମୀ ଗିରଫ 
8:09 amJune 26, 2019June 9, 2020 / 21

କାଳିଆପାଣି,୨୬|୬(ଡି.ଏନ୍‌.ଏ.)- କରଞ୍ଜିଆ ଜେଲରୁ ଫେରାର ଥିବା ଆସାମୀଙ୍କୁ ମଙ୍ଗଳବାର କାଳିଆପାଣି ପୋଲିସ କାବୁକରି ଥାନାରେ ଅଟକ ରଖିଛି। ଆସାମୀ ଜଣଙ୍କ କାଳିଆପାଣି ଥାନା ଅନ୍ତର୍ଗତ ଚାତାରସାହି ଗ୍ରାମର ଭଗବାନ ଟୁଡୁ। ଏ ନେଇ କରଞ୍ଜିଆ ଥାନାକୁ ଖବର ଦିଆଯାଇଥିବା ଥାନା ଅଧିକାରୀ ରମାକାନ୍ତ ମୁଦୁଲୀ ସୂଚନା ଦେଇଛନ୍ତି। ପ୍ରକାଶ ଯେ, ୨୦୧୨ରୁ ଭଗବାନ କରଞ୍ଜିଆ ଜେଲ୍‌ରେ ସଜା କାଟୁଥିଲେ। କିନ୍ତୁ ଚଳିତ ଜୁନ ୧୯ ତାରିଖରେ ଜେଲ୍‌ରୁ ଫେରାର ହୋଇଯାଇଥିଲେ। ସେବେଠାରୁ ଭଗବାନଙ୍କୁ ଧରିବା ପାଇଁ ବିଭିନ୍ନ ଥାନାପକ୍ଷରୁ ଖୋଜାଖୋଜି ଚାଲିଥିଲା। ମଙ୍ଗଳବାର ସେ ଘରକୁ ଆସିଥିବା ଖବର ପାଇ କାଳିଆପାଣି ପୋଲିସ ଥାନା ଅଧିକାରୀ ତାଙ୍କୁ ଧରିଥିଲେ।