କଟକ ଅଫିସ,୧୨ା୧୧-
ଓଡ଼ିଶାକୁ ମିଳିଛି ଆଉ ଏକ ଅନ୍ତର୍ଜାତୀୟ ସ୍ତରୀୟ କ୍ରୀଡ଼ା ଆୟୋଜନର ସୁଯୋଗ। ୨୦୨୦ ଫେବୃୟାରୀ ୧୮ରୁ ୨୩ ପର୍ଯ୍ୟନ୍ତ କଟକର ଜବାହରଲାଲ ନେହେରୁ ଇନଡୋର ଷ୍ଟାଡିୟମରେ ଏସୀୟ ସିନିୟର କୁସ୍ତି ଚାମ୍ପିୟନଶିପ ଅନୁଷ୍ଠିତ ହେବ। ବିଶ୍ୱ କୁସ୍ତି ମହାସଂଘ ଓ ଭାରତୀୟ କୁସ୍ତି ମହାସଂଘର ସଦସ୍ୟମାନେ ସୋମବାର ଭିତ୍ତିଭୂମି ଓ ସୁବିଧା ସୁଯୋଗ ଅନୁଧ୍ୟାନ କରି ଫେରିଛନ୍ତି। ଏଥିରେ ବିଶ୍ୱ କୁସ୍ତି ମହାସଂଘ ମ୍ୟାନେଜର ରାମିଲ ଅହମ୍ମଦ, ମହାସଂଘର କମର୍ସିଆଲ ପାର୍ଟନର ଆଶିଷ ଚଢ଼ାଙ୍କ ସମେତ ଭାରତୀୟ କୁସ୍ତି ମହାସଂଘ ଓ ରାଜ୍ୟ ସଂଘର ସଦସ୍ୟ ସାମିଲ ଥିଲେ ।
ଲଗାତର ଓଡ଼ିଶାରେ ବିଶ୍ୱସ୍ତରୀୟ କ୍ରୀଡ଼ା ଆୟୋଜନ କରାଯାଉଛି । ନିକଟ ଅତୀତରେ କଟକର ଜବାହରଲାଲ ନେହେରୁ ଇନଡୋର ଷ୍ଟାଡିୟମରେ ରାଜ୍ୟଗୋଷ୍ଠୀ ଟେବୁଲ ଟେନିସ ସଫଳତାର ସହ ଆୟୋଜନ ହୋଇଥିଲା। ଏହି ଷ୍ଟାଡିୟମରେ ସିନିୟର ଏସୀୟ କୁସ୍ତି ଟୁର୍ନାମେଣ୍ଟ ହେବାକୁ ସ୍ଥିର କରାଯାଇଛି। ଏସୀୟ କୁସ୍ତିର ଆଗାମୀ ସଂସ୍କରଣ ଭାରତରେ କରାଯିବାକୁ ନିଷ୍ପତ୍ତି ହୋଇଥିଲା। ଏହି ପରିପ୍ରେକ୍ଷୀରେ ଓଡ଼ିଶାରେ ଉକ୍ତ ଟୁର୍ନାମେଣ୍ଟ କରାଯିବାକୁ ରାଜି ହୋଇଥିଲା ଭାରତୀୟ କୁସ୍ତି ମହାସଂଘ। ବାରବାଟୀ ଷ୍ଟାଡିୟମ ପରିସରସ୍ଥିତ ସଚିନ ତେନ୍ଦୁଲକର ଇନଡୋର ହଲକୁ ଅଭ୍ୟାସ ନିମନ୍ତେ ବ୍ୟବହାର କରାଯିବ। ସାମୂଦ୍ରିକ ଝଡ଼ ଫନୀ ପ୍ରଭାବରେ ଏହି ଷ୍ଟାଡିୟମ କ୍ଷତିଗ୍ରସ୍ତ ହୋଇଥିଲେ ମଧ୍ୟ ରାଜ୍ୟଗୋଷ୍ଠୀ ଟିଟି ପୂର୍ବରୁ ଏହାକୁ ରାଜ୍ୟ ସରକାର ମରାମତି କରି ଦେଇଛନ୍ତି। ଏହାଛଡ଼ା ଏବେ ଏହି ଷ୍ଟାଡିୟମରେ ଅତ୍ୟାଧୁନିକ ବ୍ୟବସ୍ଥା କରାଯାଇଛି। ଏଣୁ
