କଟକରେ ଗଳାକାଟି ୩ ଜଣଙ୍କୁ ହତ୍ୟା ଘଟଣା: ନାରାୟଣଙ୍କୁ ଫସାଇ ଦେଇଛି ପୋଲିସ

ନୟାଗଡ଼ ଅଫିସ,୧।୮: କଟକ ସହରରେ ଗତ ୨୩ ଓ ୨୪ ତାରିଖରେ ଫୁଟ୍‌ପାଥ୍‌ରେ ଶୋଇଥିବା ୩ ଜଣ ଲୋକଙ୍କ ଗଳାକାଟିି ହତ୍ୟା ଘଟଣା ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟିକରିଛି। ଏହି ଘଟଣାରେ ୨୭ ତାରିଖ ବିଳମ୍ବିତ ରାତ୍ରିରେ କଟକ ଓ ଓଡ଼ଗାଁ ପୋଲିସ ମିଳିତ ଭାବେ ନୟାଗଡ଼ ଜିଲା ଓଡ଼ଗାଁ ବ୍ଲ୍ଳକ ସୁନାମୁହିଁ ଗ୍ରାମ ଗୋପୀନାଥପୁର ସାହିରେ ଚଢ଼ାଉ କରି ନାରାୟଣ ସାହୁ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଥିଲେ। ସେ ମାନସିକ ବିକାରଗ୍ରସ୍ତ ବ୍ୟକ୍ତି ହୋଇଥିବା ବେଳେ ଉକ୍ତ ୩ଟି ହତ୍ୟାକାଣ୍ଡରେ ସାମିଲ ଥିବା କଟକ ପୋଲିସ ସୂଚନା ଦେଇଥିଲା। ହେଲେ ବର୍ତ୍ତମାନ ଏହି ଘଟଣା ଭିନ୍ନ ମୋଡ଼ ନେଇଛି।
ନାରାୟଣ ନିର୍ଦ୍ଦୋଷ ଥିବା ବେଳେ ପୋଲିସ ତାଙ୍କୁ ଫସାଇ ଦେଇଥିବା ତାଙ୍କ ପରିବାର ଲୋକ ଅଭିଯୋଗ କରିଛନ୍ତି। ଏ ନେଇ ନାରାୟଣଙ୍କ ସ୍ତ୍ରୀ ଗୀତାଞ୍ଜଳି ସାହୁ, ବାପା ଦୟାନିଧି ସାହୁ ଓ ଗୋପୀନାଥପୁର ସାହିର କେତେକ ଲୋକ ବୁଧବାର ନୟାଗଡ଼ ଏସ୍‌ପିଙ୍କ ଦ୍ୱାରସ୍ଥ ହୋଇଛନ୍ତି। ଏସ୍‌ପି ଅନୁପସ୍ଥିତ ଥିବାରୁ ପରିବାର ଲୋକେ ଏଏସପିଙ୍କଠାରେ ଅଭିଯୋଗ କରିଛନ୍ତି। ଏଏସ୍‌ପି ଦିଲୀପ ସାହାଣୀ କଟକ ପୋଲିସ ଅଧୀନରେ ଏହି ଘଟଣା ହୋଇଥିବାରୁ ଏ ନେଇ ସେମାନେ କଟକ ପୋଲିସଙ୍କୁ ଜଣାଇବେ ବୋଲି ସୂଚନା ଦେଇଛନ୍ତି।
କହିବାନୁସାରେ ତାଙ୍କ ସ୍ବାମୀ ନିର୍ଦ୍ଦୋଷ । ୨୩ ତାରିଖରେ ନାରାୟଣ ଗ୍ରାମରେ ଥିବା ବେଳେ ପୋଲିସ କିପରି ସେ ହତ୍ୟା କରିଛନ୍ତି ବୋଲି କହୁଛି। ଏହି ଘଟଣାକୁ ନେଇ ସେ ପ୍ରଶ୍ନ କରିବା ସହିତ ପୋଲିସର କାର୍ଯ୍ୟକଳାପ ପ୍ରତି ମଧ୍ୟ ସେ ଅଙ୍ଗୁଳି ଉଠାଇଛନ୍ତି।
ପ୍ରକାଶ ଯେ, ସୁନାମୁହଁ ଗ୍ରାମ ଗୋପୀନାଥପୁର ସାହିର ଦୟାନିଧିଙ୍କ ସାନପୁଅ ହେଉଛନ୍ତି ନାରାୟଣ। ନାରାୟଣ ପ୍ରାୟ ୨୦ ବର୍ଷ ତଳେ ଗଞ୍ଜାମ ଜିଲା କୁମ୍ପାପଡ଼ା ଅଞ୍ଚଳରେ ଭଡ଼ାରେ ରହି ବୁଲି ବୁଲି ଚୁଡ଼ି ଓ ଚପଲ ବେପାର କରୁଥିଲେ। ୧ ମାର୍ଚ୍ଚ ୨୦୦୬ରେ ନାରାୟଣ ନୟାଗଡ଼ ଜିଲା ନୂଆଗାଁ ବ୍ଲକ ମହିପୁର ଗ୍ରାମର ଗୀତାଞ୍ଜଳିଙ୍କୁ ବିବାହ କରିଥିଲେ। ପରେ ନାରାୟଣ ସ୍ତ୍ରୀ ଗୀତାଞ୍ଜଳିଙ୍କୁ କୁମ୍ପାପଡ଼ା ନେଇ ସେଠାରେ ରହି ବେପାର କରୁଥିଲେ । କିଛି ଦିନ ପରେ ତାଙ୍କର ବେପାର ବଢିବାରେ ଲାଗିଲା। ଫଳରେ ସେ ଟଙ୍କା ସଞ୍ଚୟ କରି ୨୦୦୯ରେ ରୁପା ଜିନିଷ ବିକ୍ରି ଆରମ୍ଭ କରିଥିଲେ। ବିଭିନ୍ନ ଗ୍ରାମ ବୁଲି ରୁପା ଜିନିଷ ବିକ୍ରି କରୁଥିଲେ। ଏହି ସମୟରେ ନାରାୟଣ କୁମ୍ପାପଡ଼ାରେ ଜାଗା କିଣି ୨ ମହଲା ଘର କରିଥିଲେ। ବେପାର ପଇସା ଘର ତିଆରିରେ ଲଗାଇ ଦେଇଥିବାରୁ ପରେ ବେପାର କରିବାରେ ସମସ୍ୟା ଦେଖାଦେଇଥିଲା । ଫଳରେ ନାରାୟଣ କୁମ୍ପାପଡ଼ାର ଜଣେ ବ୍ୟକ୍ତିଙ୍କଠାରୁ ୧ ଲକ୍ଷ ୬୨ ହଜାର ଟଙ୍କା ଧାର ଆଣିଥିଲେ। ହେଲେ ସେ ଟଙ୍କା ଶୁଝି ନ ପାରିବାରୁ ୨୦୧୭ରେ ଟଙ୍କା ଦେଇଥିବା ବ୍ୟକ୍ତିଙ୍କ ପରିବାର ଲୋକ ଉକ୍ତ ଘର ଓ ଜମିକୁ ସେମାନଙ୍କ ନାମରେ ପଟ୍ଟା କରି ନେଇଥିବା ଗୀତାଞ୍ଜଳି ପ୍ରକାଶ କରିଛନ୍ତି। ଏହା ପରେ ନାରାୟଣ କୁମ୍ପାପଡ଼ା ଅଞ୍ଚଳରେ ଭଡ଼ାରେ ରହି ବେପାର କରୁଥିଲେ। ବିଭିନ୍ନ ଆଡୁ ଟଙ୍କା ଧାର ଆଣିଥିବାରୁ ପ୍ରତିଦିନ ଲୋକମାନେ ଟଙ୍କା ମାଗିବା ପାଇଁ ଘରକୁ ଆସନ୍ତି। ଯାହାକୁ ନେଇ ନାରାୟଣ ମାନସିକ ଅଶାନ୍ତିରେ ରହୁଥିଲେ। ଏହା ପରେ ତାଙ୍କର ମାନସିକ ବିକୃତି ଦେଖା ଦେଇଥିଲା। ଫଳରେ ସ୍ତ୍ରୀ ତାଙ୍କ ପୁଅ ଓ ଝିଅଙ୍କୁ ନେଇ ଶ୍ୱଶୁର ଘର ଗୋପୀନାଥପୁର ସାହିକୁ ପଳାଇ ଆସିଥିଲେ। ପରେ ଗୀତାଞ୍ଜଳି ବାପଘର ମହିପୁରକୁ ପିଲାମାନଙ୍କୁ ନେଇ ଚାଲି ଆସିଥିଲେ। ଏବେ ନାରାୟଣଙ୍କ ପୁଅ ଅଷ୍ଟମ ଶ୍ରେଣୀରେ ପଢ଼ୁଥିବା ବେଳେ ଝିଅ ସପ୍ତମ ଶ୍ରେଣୀରେ ପଢ଼ୁଛନ୍ତି।
ନ୍ୟପକ୍ଷେ ଦେଢ଼ବର୍ଷ ତଳେ ନାରାୟଣଙ୍କ କିଛି ସମ୍ପର୍କୀୟ କଟକ ଏସ୍‌ସିବି ମେଡିକାଲ୍‌କୁ ତାଙ୍କୁ ଚିକିତ୍ସା ପାଇଁ ନେଇଥିଲେ। ହେଲେ ସେ ମେଡ଼ିକାଲ୍‌କୁ ନ ଯାଇ ବାରଣ୍ଡାରୁ ଫେରାର ହୋଇଯାଇଥିବା ପରିବାର ଲୋକ ପ୍ରକାଶ କରିଛନ୍ତି। ଏହାପରେ ନାରାୟଣଙ୍କ ପତ୍ତା ମିଳି ନ ଥିଲା। ପରିବାର ଲୋକେ ନାରାୟଣ କଟକ ଓ ଭୁବନେଶ୍ୱର ଅଞ୍ଚଳରେ ବୁଲୁଥିବାର ଖବର ପାଉଥିଲେ। ଗତ ୨୨ ତାରିଖରେ ନାରାୟଣ ଭୁବନେଶ୍ୱରରେ ରହୁଥିବା ଭଉଣୀ ଘରକୁ ଯାଇଥିଲେ। ସେଠାରେ ତାଙ୍କ ଭଉଣୀ ତାଙ୍କୁ ନୂଆ ଶାର୍ଟ ପ୍ୟାଣ୍ଟ କିିଣି ଦେବା ସହିତ ୨୦୦ ଟଙ୍କା ଦେଇଥିଲେ। ୨୩ ତାରିଖ ସନ୍ଧ୍ୟାରେ ନାରାୟଣ ତାଙ୍କ ଗ୍ରାମକୁ ଆସିଥିବା ଗ୍ରାମବାସୀ ପ୍ରକାଶ କରିଛନ୍ତି। ଗ୍ରାମରେ ଚୁପଚାପ ବୁଲୁଥିବା ବେଳେ ୨୭ ତାରିଖ ରାତିରେ ନାରାୟଣଙ୍କୁ ପୋଲିସ ନେଇ ଯାଇଥିବା ତାଙ୍କ ବାପା ଦୟାନିଧି ପ୍ରକାଶ କରିଛନ୍ତି। ସେ ୨୩ ତାରିଖରେ ଗ୍ରାମରେ ଥିବା ବେଳେ ୨୩ ଓ ୨୪ ତାରିଖରେ କିପରି ହତ୍ୟାକାଣ୍ଡ ଘଟାଇଲେ ବୋଲି ପରିବାର ଓ ଗ୍ରାମବାସୀ ପ୍ରଶ୍ନ କରିଛନ୍ତି। ପୋଲିସ ଜାଣିଶୁଣି ନିରୀହ ଲୋକଙ୍କୁ ଫସାଇଥିବା ସେମାନେ ଅଭିଯୋଗ କରିଛନ୍ତି। ତେଣୁ ଉପଯୁକ୍ତ ତଦନ୍ତ ପାଇଁ ବୁଧବାର ପରିବାର ଲୋକ ଓ ଗ୍ରାମବାସୀ ଏସ୍‌ପିଙ୍କ ଦ୍ୱାରସ୍ଥ ହୋଇଥିଲେ। ଅନ୍ୟପକ୍ଷେ ନାରାୟଣ ଗୁଣି କରୁଥିବାରୁ ବଳି ପାଇଁ ଏହିଭଳି ହତ୍ୟା କରିଥିବା ନେଇ ପୋଲିସ ସୂଚନା ଦେଉଥିବା ବେଳେ ଗ୍ରାମବାସୀ ଏହାକୁ ଖଣ୍ଡନ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

୨ ନକଲି ପରୀକ୍ଷାର୍ଥୀ ଗିରଫ: ୧୪ ଜଣ ଏକ୍ସପେଲ୍‌

ନୟାଗଡ଼ ଅଫିସ/ରଣପୁର,୨୭ା୨(ସ୍ବ.ପ୍ର.): ନୟାଗଡ଼ ଜିଲା ରଣପୁର ବ୍ଲକର ଏକ ମାଟ୍ରିକ ପରୀକ୍ଷା କେନ୍ଦ୍ରରୁ ବୁଧବାର ୨ ନକଲି ପରୀକ୍ଷାର୍ଥୀ ଗିରଫ ହୋଇଛନ୍ତି। ଏହାସହ ୧୪ ଜଣ...

ରାଜନୈତିକ ଚାପରେ ଡ୍ରେନ ନିର୍ମାଣ: ଘଣ୍ଟାଏ ବର୍ଷାରେ ଘରେ ପଶିଲା ପାଣି

ଓଡ଼ଗାଁ,୮ା୮(ସ୍ବ.ପ୍ର.): ଓଡଗାଁ ଏନ୍‌ଏସି ମାନ୍ୟତା ପାଇବା ପରେ ବିଭିନ୍ନ ଓ୍ବାର୍ଡର ରାସ୍ତା ଓ ଡ୍ରେନ ନିର୍ମାଣ କରାଯାଇଥିଲା। ହେଲେ ଜରୁରୀ ଆବଶ୍ୟକତା ଥିବା ସ୍ଥାନକୁ ବାଦ୍‌ଦେଇ...

ନିମ୍ନମାନର ରାସ୍ତା ନିର୍ମାଣ ଅଭିଯୋଗ: ପ୍ରଧାନମନ୍ତ୍ରୀ ଗ୍ରାମ ସଡ଼କ ନିର୍ମାଣରେ ଅନିୟମିତତା

ନୂଆଗାଁ,୧୯।୬ (ଡି.ଏନ.ଏ.)- ନୟାଗଡ ଜିଲା ନୂଆଗାଁ ବ୍ଲକର ବିଭିନ୍ନ ସ୍ଥାନରେ ନିର୍ମାଣ କରାଯାଉଥିବା ପ୍ରଧାନମନ୍ତ୍ରୀ ଗ୍ରାମ ସଡକରେ ଅନିୟମିତତା ହେଉଥିବା ଅଭିଯୋଗ ହେଉଛି। ବିଭାଗୀୟ ଅଧିକାରୀ...

ନୟାଗଡ଼ ବ୍ଲକରେ ଉଦ୍ୟାନ ବିଭାଗର କେଳେଙ୍କାରୀ : ନଡ଼ିଆ ଚାଷରେ ହେରଫେର ଅଭିଯୋଗ

ନୟାଗଡ଼ ଅଫିସ,୧୫।୭: ନୟାଗଡ଼ ଉଦ୍ୟାନ ବିଭାଗର ନଡ଼ିଆ ଚାରା ପ୍ରଦାନରେ କେଳେଙ୍କାରୀ ସାମ୍ନାକୁ ଆସିଛି। ଅଧିକାରୀ ଓ କର୍ମଚାରୀମାନେ ଚାଷୀଙ୍କୁ ଭକୁଆ ବନାଇ ଶହ ଶହ...

ନିଷ୍କାସନ ପଥ ବନ୍ଦ : ବିଦ୍ୟାଳୟ ପରିସରରେ ବର୍ଷା ପାଣି

ଖଣ୍ଡପଡା,୨୬।୧୦(ସ୍ବ.ପ୍ର.): ଗତ ୩ଦିନ ଧରି ଲଘୁଚାପଜନିତ ଲଗାଣ ବର୍ଷା ଲାଗି ରହିଛି। ଏହାର ପ୍ରଭାବରେ ଖଣ୍ଡପଡା ବ୍ଲକ ଅନ୍ତର୍ଗତ କଣ୍ଟିଲୋ ନୀଳମାଧବ ବିଦ୍ୟାପୀଠ ପରିସରରେ ବର୍ଷାପାଣି...

ଛଟେଇ ପ୍ରତିବାଦରେ ବିଇଓ ଅଫିସ୍‌ ସମ୍ମୁଖରେ ପାଚିକାଙ୍କ ଧାରଣା

ଗଣିଆ,୧୮।୧୦(ଡି.ଏନ.ଏ.): ବିଦ୍ୟାଳୟର ପାଚିକା କାର୍ଯ୍ୟରୁ ଛଟେଇ କରାଯିବା ପ୍ରତିବାଦରେ ନୟାଗଡ଼ ଜିଲା ଗଣିଆ ବ୍ଲକ କରଡାପଡା ପଞ୍ଚାୟତ କରଡାପଡା ଗ୍ରାମସ୍ଥିତ ଜେ. ପ୍ରଧାନସିଂହ ମଧ୍ୟ ଇଂରାଜୀ...

ପରୀ ହତ୍ୟା ଘଟଣାର ତଦନ୍ତ ଜୋର୍‌ଦାର: ହତ୍ୟାକାରୀଙ୍କୁ ଧରାଇଲେ ମିଳିବ ୧ ଲକ୍ଷ

ନୟାଗଡ଼ ଅଫିସ,୬ା୧୨: ନୟାଗଡ଼ ସଦର ଥାନା ଯଦୁପୁରର ପରୀ ହତ୍ୟା ଘଟଣାରେ ସ୍ପେଶାଲ ଇନ୍‌ଭେଷ୍ଟିଗେଶନ୍‌ ଟିମ୍‌(ଏସ୍‌ଆଇଟି) ତଦନ୍ତ ଜୋର୍‌ଦାର କରିଛି। ହତ୍ୟା ଘଟଣାର ଗୁମର ଖୋଲିବାକୁ...

ଓଟିଇଟି ପରୀକ୍ଷା ପାଇଁ ହିନସ୍ତା ହେଲେ ପରୀକ୍ଷାର୍ଥୀ: ଶଙ୍ଖା, ମଙ୍ଗଳସୂତ୍ର କାଢ଼ି ପରୀକ୍ଷା ଦେଲେ ସଧବା

ଖଣ୍ଡପଡା,୬।୮(ସ୍ବ.ପ୍ର.)-ଚଳିତ ଓଟିଇଟି ପରୀକ୍ଷାରେ ନୟାଗଡ଼ ଜିଲା ପାଣିପଇଲା ନିକଟ ଇଞ୍ଜିନିୟରିଂ କଲେଜ ପରୀକ୍ଷାକେନ୍ଦ୍ରରେ ସୋମବାର ପରୀକ୍ଷାର୍ଥୀମାନଙ୍କୁ ବହୁ ହିନସ୍ତା ହେବାକୁ ପଡିଛି। ପରୀକ୍ଷାକେନ୍ଦ୍ର ଭିତରକୁ ପଶିବା...

Advertisement

BGU

Archives

Model This Week

Why Dharitri