ଅନୁଗୋଳ ଅଫିସ, ୧୬।୪- ଅନୁଗୋଳ ଜିଲାରେ ଲକ୍ଡାଉନ୍ କଟକଣା ଉଲ୍ଲଂଘନ ଅଭିଯୋଗରେ ମୋଟ୍ ୨୦ ଜଣ ଗିରଫ ହୋଇଛନ୍ତି। ନିୟମ ଉଲ୍ଲଂଘନକାରୀଙ୍କ ପାଖରୁ ୫ଟି ମୋଟର ସାଇକେଲ, ଗୋଟିଏ ଅଟୋ ରିକ୍ସା ଓ ମଦ ଜବତ କରାଯାଇଥିବା ଏସ୍ପି ଜଗମୋହନ ମୀନା ସୂଚନା ଦେଇଛନ୍ତି। ହଣ୍ଡପା ଥାନା ଅଞ୍ଚଳରେ ୨ଟି ମାମଲାରେ ୨ ଜଣ, କଣିହଁା ଥାନା ଅଞ୍ଚଳରେ ଜଣେ, ସମଲ ଥାନା ଅଞ୍ଚଳରେ ୨ଜଣ, କିଆକଟା ଥାନା ଅଞ୍ଚଳରେ ଜଣେ, ବଅଁରପାଳ ଥାନା ଅଞ୍ଚଳରେ ୩ ଜଣ, ଛେଣ୍ଡିପଦା ଥାନା ଅଞ୍ଚଳରେ ୭ ଜଣ, ଅନୁଗୋଳ ଥାନା ଅଞ୍ଚଳରେ ଜଣେ, କ୍ବାରାଣ୍ଟାଇନ୍ ନିୟମ ଉଲ୍ଲଂଘନ ଅଭିଯୋଗରେ ପାଲଲହଡ଼ା ଥାନା ଅଞ୍ଚଳରେ ଜଣେ ଗିରଫ ହୋଇଛନ୍ତି। ଏଥିସହ ରେଙ୍ଗାଳି ଥାନା ଅଞ୍ଚଳରେ କରେନା ସମ୍ପର୍କରେ ଗୁଜବ ପ୍ରଚାର ଅଭିଯୋଗରେ ପୋଲିସ ଜଣଙ୍କୁ ଗିରଫ କରିଛି। ସେହିପରି ବଅଁରପାଳ ପୋଲିସ ଲକ୍ଡାଉନ୍ କଟକଣା ଉଲ୍ଲଂଘନ ଅଭିଯୋଗରେ ଉମାଶଙ୍କର ଢାବା ସିଲ୍ କରିବା ସହ ମାଲିକଙ୍କ ନାମରେ ମାମଲା ରୁଜୁ କରି ଗିରଫ କରିଥିବା ଏସ୍ପି ଜଗମୋହନ ମୀନା ସୂଚନା ଦେଇଛନ୍ତି।
