ସାଧାରଣତଃ ସକାଳ ଜଳଖିଆ ନ ଖାଇଲେ ଶରୀରରେ ନାନା ସମସ୍ୟା ଉପୁଜିଥାଏ ବୋଲି ଡାକ୍ତରମାନେ କହିଥାଆନ୍ତି। ହେଲେ ସାମାନ୍ୟ ବିଳମ୍ବରେ ଯଦି ସକାଳର ଜଳଖିଆ ଗ୍ରହଣ କରାଯାଏ ତେବେ ଏହା ମେଦବହୁଳ ଲୋକଙ୍କ ପାଇଁ ବେଶ୍ ଉପକାରୀ ବୋଲି ନିକଟରେ କରାଯାଇଥିବା ଏକ ଗବେଷଣାରୁ ଜଣାପଡିଛି। ୟୁନିଭର୍ସିିଟି ଅଫ୍ ସୁରେ ଦ୍ୱାରା କରାଯାଇଥିବା ଏହି ଗବେଷଣା ଅନୁଯାୟୀ, ୯୦ ମିନିଟ୍ ବିଳମ୍ବରେ ଯେଉଁମାନେ ବ୍ରେକ୍ ଫାଷ୍ଟ କରନ୍ତି ସେମାନଙ୍କର ଓଜନ ହ୍ରାସ ପାଇଥାଏ। କାରଣ ଏହାଦ୍ୱାରା ଶରୀରର ଚର୍ବି କମିଯାଇଥାଏ। କେବଳ ସେତିକି ନୁହେଁ ସେହି ଅନୁଯାୟୀ ନିୟମିତ ଭାବେ ରାତ୍ର ଭୋଜନକୁ ବି ସାମାନ୍ୟ ବିଳମ୍ବରେ ଖାଇଲେ ଏହା ଶରୀରରେ ମେଦ ହ୍ରାସ କରିବାରେ ସହାୟକ ହୋଇଥାଏ ବୋଲି ଉକ୍ତ ଗବେଷଣା ରିପୋର୍ଟରେ ପ୍ରକାଶ ପାଇଛି। ଯେଉଁମାନେ ନିୟମିତ ଭାବେ ଏପରି ଅଭ୍ୟାସ କରନ୍ତି ସେମାନଙ୍କର ମେଦ ହ୍ରାସ ହୋଇଥାଏ।
