ଓକିଲଙ୍କ ଆକ୍ରମଣକୁ ନିନ୍ଦା
7:34 amNovember 8, 2019 / 21

ବ୍ରହ୍ମପୁର ଅଫିସ୍‌,୮ା୧୧-ଦିଲ୍ଲୀର ତିସ୍‌ହଜାରୀ କୋର୍ଟ ପରିସରରେ ଜଣେ କାର୍ଯ୍ୟରତ ଓକିଲଙ୍କ ଉପରକୁ ଦିଲ୍ଲୀ ପୋଲିସର ଗୁଳିଚାଳନାକୁ ନେଇ ଗଞ୍ଜାମ ଓକିଲ ସଂଘ ବରିଷ୍ଠ ସଦସ୍ୟମାନେ ନିନ୍ଦା କରିଛନ୍ତି। ସାମାନ୍ୟ ପାର୍କିଂକୁ ନେଇ ପୋଲିସ ସଞ୍ଜମତା ଆଚରଣ କରିବା ପରିବର୍ତ୍ତେ କାର୍ଯ୍ୟରତ ଓକିଲଙ୍କ ଉପରକୁ ଗୁଳି ଚଳାଇବା ସଭ୍ୟ ସମାଜରେ ଗ୍ରହଣୀୟ ନୁହେଁ। ଏହି ପରିପ୍ରେକ୍ଷୀରେ ପୋଲିସ କ୍ଷମା ମାଗିବା ପ୍ରତିବଦଳରେ ଆନ୍ଦୋଳନ କରିବା ଗ୍ରହଣୀୟ ନୁହେଁ। ଆଇନ୍‌ର ରକ୍ଷା ଓ ଲୋକଙ୍କ ଧନଜୀବନର ସୁରକ୍ଷା ପାଇଁ ଶପଥ ନେଇଥିବା ପୋଲିସ କଥା କଥାକେ ଉଗ୍ର ହେବାକୁ ସ୍ଥାନୀୟ ଓକିଲମାନେ ନିନ୍ଦା କରିଛନ୍ତି। ଗୁଳି ଚଳାଇଥିବା ପୋଲିସ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଏବଂ ଆଘାତପ୍ରାପ୍ତ ଆଇନଜୀବୀଙ୍କୁ ତୁରନ୍ତ କ୍ଷତିପୂରଣ ପ୍ରଦାନ ଏବଂ ଦୋଷୀ ପୋଲିସଙ୍କୁ ଦଣ୍ଡ ଦେବାକୁ ଆଇନଜୀବୀ ଭଗବାନ ସାହୁ, ମାଗୁଣି ଚରଣ ପଲାଇ, ପୀତବାସ ପଣ୍ଡା, ସୂର୍ଯ୍ୟନାରାୟଣ ପଟ୍ଟନାୟକ, ନିରଞ୍ଜନ ପ୍ରସାଦ ନାୟକ, ଶ୍ରୀକାନ୍ତ ପଟ୍ଟନାୟକ, ଶିଶିର କୁମାର ପାଣି, ନିରଞ୍ଜନ ପାଢୀ, ପ୍ରଦୀପ ଦାସ, ଏମ୍‌.ଏସ୍‌. ସାଦମାନୀ, ଅରୁଣ କୁମାର ରାଉତ, ଶରତ ଚନ୍ଦ୍ର ଦାଶ ଏବଂ ରଘୁନାଥ ପାଣିଗ୍ରାହୀ ପ୍ରମୁଖ ଦାବି କରିଛନ୍ତି ।