ଅଧିକାଂଶ ଲୋକଙ୍କୁ ପଣସ ଖାଇବାକୁ ଭଲ ଲାଗିଥାଏ। ତାହା ପାଚିଲା ହେଉ ଅବା କଞ୍ଚା। ପଣସ ସ୍ବାସ୍ଥ୍ୟ ପାଇଁ ଲାଭଦାୟକ। ଏଥିରେ ବହୁ ପ୍ରକାରର ପୋଷକ ତତ୍ତ୍ୱ ଭରପୂର ମାତ୍ରାରେ ରହିଛି। ହେଲେ ଅତ୍ୟଧିକ ପଣସ ଶରୀର ପାଇଁ କ୍ଷତିକାରକ। ଏମିତି କିଛି ରୋଗ ରହିଛି, ଯେଉଁଥିରେ ପଣସ ଖାଇବା କ୍ଷତିକାରକ ହୋଇଥାଏ। ଜାଣିବା କେଉଁ ରୋଗୀଙ୍କୁ ପଣସ ବାରଣ:
ଅନ୍ତଃସତ୍ତ୍ୱା ମହିଳାଙ୍କ ପାଇଁ କ୍ଷତିକାରକ: ଗର୍ଭବତୀ ମହିଳାଙ୍କ ପାଇଁ ପଣସ ହାନିକାରକ। ଏଥିରେ ରହିଥିବା ଅଦ୍ରବଣୀୟ ଫାଇବର ମା’ ଏବଂ ଶିଶୁ ପାଇଁ ସ୍ବାସ୍ଥ୍ୟ ପକ୍ଷେ କ୍ଷତିକାରକ। ଏହା ଦ୍ୱାରା ଗର୍ଭପାତ ହେବାର ମଧ୍ୟ ସମ୍ଭାବନା ରହିଥାଏ। ଏଥିସହ ବ୍ରେଷ୍ଟ ଫିଡିଂ କରାଉଥିବା ମହିଳାଙ୍କ ପାଇଁ ମଧ୍ୟ ପଣସ କ୍ଷତିକାରକ।
ପେଟ ସମସ୍ୟା: ଆବଶ୍ୟକତାଠାରୁ ଅଧିକ ପଣସ ଖାଇବା ଦ୍ୱାରା ପେଟ ସମସ୍ୟା ଦେଖାଦେଇଥାଏ। ଖାଦ୍ୟ ଠିକ୍ ଭାବେ ହଜମ ନ ହେବା ସହିତ କୋଷ୍ଠକାଠିନ୍ୟ, ଏସିଡିଟି ପରି ଅନେକ ସମସ୍ୟା ହେବାର ଆଶଙ୍କା ବଢ଼ି ଯାଇଥାଏ।
ବ୍ଲଡ୍ ସମ୍ବନ୍ଧୀୟ ସମସ୍ୟା: ବ୍ଲଡ୍ ସମ୍ବନ୍ଧୀୟ ସମସ୍ୟା ରହିଥିବା ବ୍ୟକ୍ତିମାନଙ୍କ ପାଇଁ ପଣସ କ୍ଷତିକାରକ।
ମଧୁମେହ: ପଣସ ଖାଇବା ଦ୍ୱାରା ରକ୍ତରେ ଗ୍ଲୁକୋଜର ସ୍ତର ପ୍ରଭାବିତ ହୋଇଥାଏ। ଏଣୁ ମଧୁମେହ ରୋଗୀଙ୍କ ପାଇଁ ହାନିକାରକ।
