ବେଙ୍ଗାଲୁରୁ, ୨୮।୯-
ଏଠାରେ ଶୁକ୍ରବାର ଶେଷ ହୋଇଥିବା ୧୦ମ ଏସିଆନ ଏଜ୍ଗ୍ରୁପ ସୁଇମିଂ ଚାମ୍ପିୟନଶିପ୍ରେ ଭାରତ ମୋଟ ୫୨ ପଦକ ସହ ପଦକ ତାଲିକାର ୪ର୍ଥ ସ୍ଥାନ ଅଧିକାର କରିଛି। ଏହା ମଧ୍ୟରେ ୧୫ ସ୍ବର୍ଣ୍ଣ, ୧୯ ରୌପ୍ୟ ଓ ୧୮ବ୍ରୋଞ୍ଜ ସାମିଲ। ପଦକ ତାଲିକାର ଶୀର୍ଷରେ ରହିଥିବା ଜାପାନ ୭୯(୪୭ ସ୍ବର୍ଣ୍ଣ, ୧୭ ରୌପ୍ୟ, ୧୫ ବ୍ରୋଞ୍ଜ) ପଦକ ପାଇଥିବାବେଳେ ଥାଇଲାଣ୍ଡ ୬୩(୨୧ ସ୍ବର୍ଣ୍ଣ, ୧୮ ରୌପ୍ୟ, ୨୪ ବ୍ରୋଞ୍ଜ) ସହ ଦ୍ୱିତୀୟ ଏବଂ ହଂକଂ ୫୭(୧୫ ସ୍ବର୍ଣ୍ଣ, ୨୪ ରୌପ୍ୟ, ୧୮ ବ୍ରୋଞ୍ଜ) ପଦକ ସହିତ ତୃତୀୟ ସ୍ଥାନ ଅଧିକାର କରିଛି। ଭାରତର କୁଶାଗ୍ର ରାଓ୍ବତ ଓପନ କାଟେଗୋରିରେ ଶ୍ରେଷ୍ଠ ସନ୍ତରଣକାରୀ ବିବେଚିତ ହୋଇଛନ୍ତି। ସେ ୪ଟି ବ୍ୟକ୍ତିଗତ ପଦକ ପାଇଥିବାବେଳେ ରିଲେରେ ସ୍ବର୍ଣ୍ଣ ପଦକ ଏବଂ ଗୋଟିଏ ନୂଆ ମିଟ୍ ରେକର୍ଡ ପ୍ରତିଷ୍ଠା କରିଥିଲେ। କୁଶାଗ୍ର ୨୦୦, ୪୦୦, ୮୦୦ ଓ ୧୦୦ ମିଟର ଫ୍ରିଷ୍ଟାଇଲ୍ରେ ସ୍ବର୍ଣ୍ଣ ପଦକ ପାଇଥିଲେ। ୮୦୦ ମିଟର ଫ୍ରିଷ୍ଟାଇଲ୍ରେ ନୂଆ ମିଟ୍ ରେକର୍ଡ ମଧ୍ୟ କରିଥିଲେ। ଅନ୍ତିମ ଦିବସରେ ଭାରତର ଶ୍ରୀହରି ନଟରାଜ ବ୍ୟକ୍ତିଗତ ୩ୟ ସ୍ବର୍ଣ୍ଣ ପଦକ ହାସଲ କରିଥିଲେ। ପୁରୁଷ ବିଭାଗ ୨୦୦ ମିଟର ବ୍ୟାକ୍ଷ୍ଟ୍ରୋକ୍(୨:୦୪.୨୫ ସେକେଣ୍ଡ)ରେ ସେ ପ୍ରଥମସ୍ଥାନ ଅଧିକାର କରିଥିଲେ। ସେହିପରି ତାରକା ସୁଇମର ବିର୍ଦ୍ଧାଓ୍ବାଲ ଖାଡେ ପୁରୁଷ ବିଭାଗ ୫୦ ମିଟର ବଟରଫ୍ଳାଇ(୨୪.୨୨ ସେକେଣ୍ଡ)ରୁ ଭାରତର ସ୍ବର୍ଣ୍ଣିମ ଅଭିଯାନ ଶେଷ କରିଥିଲେ। ଚାମ୍ପିୟନଶିପ୍ରେ ବ୍ୟକ୍ତିଗତଭାବେ ଏହା ତାଙ୍କର ଦ୍ୱିତୀୟ ସ୍ବର୍ଣ୍ଣ ପଦକ ଥିଲା।
