Posted inଖେଳ

ଏଫଆଇଏଚ୍ ଅଲିମ୍ପିକ୍ କ୍ବାଲିଫାୟର୍ସ:  ଭାରତୀୟ ମହିଳା ଦଳର ଦମଦାର ବିଜୟ

ଭୁବନେଶ୍ୱର, ୧\୧୧(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଶୁକ୍ରବାର ଅନୁଷ୍ଠିତ ଏଫ୍ଆଇଏଚ୍ ଅଲିମ୍ପିକ୍ କ୍ବାଲିଫାୟର୍ସ ହକିର ମହିଳା ବିଭାଗ ମ୍ୟାଚରେ ଭାରତ ୫-୧ ଗୋଲରେ ଆମେରିକାକୁ ପରାସ୍ତ କରିଛି ଫଳରେ ଭାରତର ଅଲିମ୍ପିକ୍ସ ଯୋଗ୍ୟତା ସମ୍ଭାବନା ଦୃଢ଼ୀଭୂତ ହୋଇଛି କ୍ବାଲିଫାୟର୍ସର ଦ୍ୱିତୀୟ ମ୍ୟାଚ ଶନିବାର ଅନୁଷ୍ଠିତ ହେବ ଏହି ମ୍ୟାଚର ଫଳାଫଳ ଭିତ୍ତିରେ କେଉଁ ଦଳ ୨୦୨୦ ଟୋକିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିବ ତାହା ସ୍ଥିର ହେବ ଆଗାମୀ ମ୍ୟାଚରେ ଯଦି ଆମେରିକା ସମାନ ବ୍ୟବଧାନରେ ବିଜୟୀ ହୁଏ ତେବେ ଅଲିମ୍ପିକ୍ସ ଟିକେଟ ପାଇଁ ପେନାଲ୍ଟି ଶୁଟ୍ ଆଉଟର ସହାୟତା ନିଆଯିବ ପୂରା ମ୍ୟାଚରେ ଆକର୍ଷଣୀୟ ପ୍ରଦର୍ଶନ ସହ ଦଳକୁ ଠିକ୍ଭାବେ ପରିଚାଳିତ କରିଥିବାରୁ ଭାରତୀୟ ଅଧିନାୟିକା ରାଣୀ ରାମପାଲ ପ୍ଲେୟର ଅଫ ଦି ମ୍ୟାଚ ବିବେଚିତ ହୋଇଥିଲେ କେନ୍ଦ୍ର କ୍ରୀଡ଼ାମନ୍ତ୍ରୀ କିରଣ ରିଜିଜୁ ଅତିଥିଭାବେ ଯୋଗଦେଇ ରାଣୀଙ୍କୁ ପୁରସ୍କୃତ କରିଥିଲେ
ଲିଲିମାଙ୍କଠାରୁ ଆରମ୍ଭ
ବିଶ୍ୱ ର୍ୟାଙ୍କିଙ୍ଗ୍ରେ ଭାରତ ୯ମ ଓ ଆମେରିକା ୧୩ତମ ସ୍ଥାନରେ ରହିଛି ର୍ୟାଙ୍କିଙ୍ଗ୍ରେ ନିମ୍ନରେ ଥିଲେ ହେଁ ଆମେରିକା ନିକଟ ଅତୀତରେ ଚମତ୍କାର ପ୍ରଦର୍ଶନ କରିଥିବାରୁ ମ୍ୟାଚଟି ତୀବ୍ର ସଂଘର୍ଷପୂର୍ଣ୍ଣ ହେବା ଆଶା କରାଯାଉଥିଲା ମାତ୍ର କଳିଙ୍ଗ ଷ୍ଟାଡିୟମର ଓଡ଼ିଆ ଦର୍ଶକଙ୍କ ସମର୍ଥନରେ ଭାରତୀୟ ଦଳ ଆରମ୍ଭରୁ ଉତ୍ସାହୀ ପ୍ରଦର୍ଶନ କରିଥିଲା ପ୍ରଥମ କ୍ବାର୍ଟରର ୧୫ ମିନିଟ ଖେଳ ବେଶ୍ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ହୋଇଥିଲା ଉଭୟ ଦଳଳର ପ୍ରଦର୍ଶନ ପ୍ରାୟତଃ ସମାନ ରହିଥିଲା ଆକ୍ରମଣ ପ୍ରତିଆକ୍ରମଣ ଜାରି ରହିଥିଲେ ହେଁ ଏହି କ୍ବାର୍ଟରରେ କୌଣସି ଦଳ ଗୋଲ ସ୍କୋର କରିପାରି ନ ଥିଲେ ଦ୍ୱିତୀୟ କ୍ବାର୍ଟର ଆରମ୍ଭ ମଧ୍ୟ ଦର୍ଶନୀୟ ଥିଲା ୨୦ତମ ମିନିଟରେ ଆମେରିକାକୁ ପ୍ରଥମ ପେନାଲ୍ଟି କର୍ନର ମିଳିଥିଲା ତାହା ବିଫଳ ହୋଇଥିବବେଳେ ୨୧ତମ ମିନିଟରେ ମଧ୍ୟ ଭାରତ ଏହାର ପ୍ରଥମ ପେନାଲ୍ଟି କର୍ନରକୁ ଗୋଲରେ ପରିଣତ କରିପାରି ନଥିଲା ୨୬ତମ ମିନିଟରେ ଆମେରିକା ଏବଂ ୨୭ତମ ମିନିଟରେ ଭାରତ ପେନାଲ୍ଟି କର୍ନର କନଭର୍ସନରେ ବିଫଳ ହୋଇଥିଲେ ତେବେ ୨୮ତମ ମିନିଟରେ ଭାରତକୁ ମିିଳିଥିବା ପେନାଲ୍ଟି କର୍ନରକୁ ଗୁରଜିତ କୌର ଗୋଲରେ ପରିଣତ କରିବାରେ ବିଫଳ ହୋଇଥିଲେ ହେଁ ରିବାଉଣ୍ଡ ହୋଇ ଫେରି ଆସୁଥିବା ବଲ୍କୁ ଗୋଲପୋଷ୍ଟକୁ ପଠାଇ ଓଡ଼ିଶାର ଲିଲିମାା ମିଞ୍ଜ ଭାରତକୁ ଅଗ୍ରଣୀ କରାଇଥିଲେ ଏହି ଗୋଲ ପରେ ଭାରତୀୟ ଖେଳାଳିଙ୍କ ବଡି ଲାଙ୍ଗୁଏଜରେ ପରିବର୍ତ୍ତନ ହୋଇଥିଲା ଏବଂ ଦଳ ବେଶ୍ ଉତ୍ସାହୀ ପ୍ରଦର୍ଶନ କରିିଥିଲା ଆଉ ଗୋଲ ହୋଇ ନ ପାରିବାରୁ ପ୍ରଥମାର୍ଦ୍ଧ ଶେଷସୁଦ୍ଧା ଭାରତ ୧-୦ ଗୋଲରେ ଅଗ୍ରଣୀ ରହିଥିଲା
ଗୁର୍ଜିତଙ୍କ ଡବଲ ଗୋଲ
ଦ୍ୱିତୀୟାର୍ଦ୍ଧରେ ପଟ ପରିବର୍ତ୍ତନରେ ମଧ୍ୟ ଭାରତୀୟ ଦଳର ପ୍ରଭାବୀ ପ୍ରଦର୍ଶନ ଅବ୍ୟାହତ ରହିଥିଲା ଆକ୍ରମଣାତ୍ମକ ରଣନୀତିରେ ଖେଳିଥିବା ଘରୋଇ ଦଳ ୩୪ ଓ ୩୮ତମ ମିନିଟରେ ୨ଟି ପେନାଲ୍ଟି କର୍ନର ସୁଯୋଗ ସୃଷ୍ଟି କରିଥିଲା ମାତ୍ର ତାହା ଫେଲ୍ ମାରିଥିଲା ୪୦ତମ ମିନିଟରେ ଶର୍ମିଳା ଦେବୀ ଏବଂ ୪୨ତମ ମିନିଟରେ ମଳିଥିବା ପେନାଲ୍ଟି କର୍ନରକୁ ଗୁରଜିତ ଗୋଲରେ ପରିଣତ କରିବାରେ ସଫଳ ହୋଇଥିଲେ ୪୪ତମ ମିନିଟରେ ପେନାଲ୍ଟି କର୍ନରକୁ ଭାରତୀୟ ଖେଳାଳିମାନେ ମିସ୍ କରିଥିଲେ ତୃତୀୟ କ୍ବାର୍ଟର ଶେଷସୁଦ୍ଧା ଭାରତର ଅଗ୍ରଣୀ ବ୍ୟବଧାନ ୩-୦ରେ ପହଞ୍ଚତ୍ଥିଲା ୪ର୍ଥ କ୍ବାର୍ଟର ଆରମ୍ଭରେ ଅର୍ଥାତ୍ ୪୬ତମ ମିନିଟରେ ସାଲିମା ଟେଟେଙ୍କଠାରୁ ପାଇଥିବା ପାସ୍କୁ ନଭନୀତ କୌର ଫିଲ୍ଡ ଗୋଲ ଦେଇ ଭାରତର ସ୍ଥିତିକୁ ଦୃଢ଼ କରି ଦେଇଥିଲେ ଆମେରିକା ଖେଳାଳିଙ୍କ ବିପଜ୍ଜନକ ଖେଳ ଯୋଗୁ ଦଣ୍ଡ ସ୍ବରୂପ ୫୧ତମ ମିନିଟରେ ଭାରତକୁ ପେନାଲ୍ଟି ଷ୍ଟ୍ରୋକ୍ ଅଫର କରାଯାଇଥିଲା ଗୁରଜିତ ପ୍ରତିପକ୍ଷ ଗୋଲକିିପର କେଲସି ବିଙ୍ଗ୍ଙ୍କୁଚକ୍ମା ଦେଇ ଦଳ ପକ୍ଷରୁ ୫ମ ଗୋଲ ସ୍କୋର କରିଥିଲେ ଏହାର ୩ ମିନିଟ ପରେ ଅର୍ଥାତ୍ ୫୪ତମ ମିନିଟରେ ଭାରତୀୟ ଖେଳାଳିଙ୍କ ଷ୍ଟିକ୍ ଚେକ୍ ଯୋଗୁ ଆମେରିକାକୁ ପେନାଲ୍ଟି ଷ୍ଟ୍ରୋକ୍ ଦିଆ ଯାଇଥିଲା ଏହାର ସହାୟତାରେ ଇରିନ ମ୍ୟାଟସନ ଆମେରିକା ପକ୍ଷରୁଏକମାତ୍ର ସାନ୍ତ୍ୱନା ମୂଳକ ଗୋଲ ଦେବାରେ ସକ୍ଷମ ହୋଇଥିଲେ ଅମ୍ପାୟରଙ୍କ ଶେଷ ହ୍ବିସିଲ ବାଜିବା କ୍ଷଣି ଭାରତୀୟ ମହିଳା ଦଳର ଖେଳାଳିମାନ ଷ୍ଟାଡିୟମ ପରିକ୍ରମା କରି ଦର୍ଶକଙ୍କଠାରୁ ଅଭିବାଦନ ଗ୍ରହଣ କରିଥିଲେ

ଗୋଲ ସ୍କୋରର
ଭାରତ
ଲିଲିମା ମିଞ୍ଜ: ୨୮ତମ ମିନିଟ
ଶର୍ମିଳା ଦେବୀ: ୪୦ତମ ମିନିଟ
ଗୁରଜିତ କୌର: ୪୨ତମ ମିନିଟ
ନଭନୀତ କୌର: ୪୬ତମ ମିନିଟ
ଗୁରଜିତ କୌର: ୫୧ତମ ମିନିଟ
ଆମେରିକା
ଇରିନ ମ୍ୟାଟସନ: ୫୪ତମ ମିନିଟ


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଏହି ତାରିଖରେ ଘୋଷଣା ହେବ ଆଇପିଏଲ୍‌ କାର୍ଯ୍ୟସୂଚୀ

ନୂଆଦିଲ୍ଲୀ, ୫ା୯ (ପି.ଟି.)-ବହୁ ପ୍ରତୀକ୍ଷିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର କାର୍ଯ୍ୟସୂଚୀ ରବିବାର ପ୍ରକାଶ ପାଇବ। ଆଇପିଏଲ୍‌ ଗଭର୍ନିଂ ବଡି ଚେୟାରମ୍ୟାନ ବ୍ରିଜେଶ ପଟେଲ ଶନିବାର...

ପୂର୍ବତନ ଅଲିମ୍ପିକ ଚାମ୍ପିୟନ ଲି’ଙ୍କ ଅବସର

ନୂଆଦିଲ୍ଲୀ, ୧୮।୧୦ (ପି.ଟି.)- ପୂର୍ବତନ ଅଲିମ୍ପିକ ଚାମ୍ପିୟନ ଲି ଜୁଇ ରୁଇ ଅନ୍ତର୍ଜାତୀୟ ବ୍ୟାଡ୍‌ମିଣ୍ଟନରୁ ଅବସର ଘୋଷଣା କରିଛନ୍ତି। ଓ୍ବାଲର୍‌ଡ ବ୍ୟାଡ୍‌ମିଣ୍ଟନ ଫେଡେରେଶନ (ବିଡବ୍ଲ୍ୟୁଏଫ୍‌) ପକ୍ଷରୁ...

ମାରାଡୋନାଙ୍କ ପରଲୋକରେ ଶୋକ ପ୍ରକାଶ କଲେ ମୋଦି

ନୂଆଦିଲ୍ଲୀ,୨୬ ।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମହାନ୍ ଫୁଟବଲ ଖେଳାଳି ଡିଏଗୋ ମାରୋଡୋନାଙ୍କ ପରଲୋକରେ ଶୋକ ପ୍ରକାଶ କରିଛନ୍ତି । ସେ ତାଙ୍କ କ୍ୟାରିୟରରେ ଖେଳ...

ଏସିଆନ କ୍ୱାଲିଫାୟର୍ସ ଫାଇନାଲରେ ବିକାଶ

ଅମାନ (ଜୋର୍ଡାନ),୧୦।୩- ଅଲିମ୍ପିକ୍ସ ଯୋଗ୍ୟତା ହାସଲ କରିସାରିଥିବା ବିକାଶ କ୍ରିଷ୍ଣନ ଏଠାରେ ଚାଲିଥିବା ଏସିଆନ କ୍ୱାଲିଫାୟର୍ସ ଫାଇନାଲରେ ପ୍ରବେଶ କିରଛନ୍ତି। କିନ୍ତୁ ୫୨ କେଜି ଓଜନ...

ବିସିସିଆଇ ଆପେକ୍ସ କାଉନ୍‌ସିଲ ବୈଠକ ୧୭ରେ

ନୂଆଦିଲ୍ଲୀ, ୬ା୭ (ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଆପେକ୍ସ କାଉନ୍‌ସିଲର ୪ର୍ଥ ବୈଠକ ଚଳିତମାସ ୧୭ ତାରିଖରେ ବସିବ। ଏଥିରେ ଭାରତର ସଂଶୋଧିତ...

ଭାରତୀୟ କ୍ରିକେଟ ଦଳର ସଙ୍କଟମୋଚକ ଥିଲେ ଏହି ବ୍ୟାଟ୍ସମ୍ୟାନ୍‌

ଭାରତୀୟ କ୍ରିକେଟ ଦଳର ଭେରି ଭେରି ସ୍ପେଶାଲ ବ୍ୟାଟ୍ସମ୍ୟାନ୍‌ ଭିଭିଏସ୍‌ ଲକ୍ଷ୍ମଣ ଆଜି ୪୫ ବର୍ଷରେ ପଦାର୍ପଣ କରିଛନ୍ତି। ୧୯୭୪ ମସିହା ନଭେମ୍ବର ୧ ତାରିଖରେ...

କ୍ରିକେଟ ଦେଖିବାକୁ ଭଲ ପାଆନ୍ତି ନାହିଁ ଏହି କ୍ରିକେଟରଙ୍କ ସ୍ତ୍ରୀ

ବିଶ୍ୱ କ୍ରିକେଟରେ ପରିଚୟ ସୃଷ୍ଟି କରିଥିବା କ୍ରିକେଟ ବ୍ରଦର୍ସଙ୍କ ମଧ୍ୟରେ ପାଣ୍ଡ୍ୟା ବ୍ରଦର୍ସଙ୍କ ନାମ ସାମିଲ ଅଛି। ଉଭୟ କ୍ରୁନାଲ ପାଣ୍ଡ୍ୟା ଏବଂ ହାର୍ଦ୍ଦିକ ପାଣ୍ଡ୍ୟା...

ଦ୍ରାଭିଡଙ୍କ ଏହି ଟିପ୍ସ ମାନିଲେ ଭାରତ ଗସ୍ତରେ ସଫଳ ହେବ ଇଂଲଣ୍ଡ

ଇଂଲଣ୍ଡର ପୂର୍ବତନ କେଭିନ ପିଟରସନ ସୋସିଆଲ ମିଡିଆରେ ବେଶ୍‌ ସକ୍ରିୟ ରହୁଛନ୍ତି। ଆଗାମୀ ଭାରତ ଏବଂ ଇଂଲଣ୍ଡ ସିରିଜ୍‌ ଉପରେ ମନ୍ତବ୍ୟ ଦେଇ ସେ କହିଛନ୍ତି...

Advertisement

BGU

Archives

Model This Week

Why Dharitri