ଏକାଦଶାହରେ କଲେ ଦଶାହ କାର୍ଯ୍ୟ: ଜନତା କର୍ଫ୍ୟୁକୁ ସମର୍ଥନ କରି ଚର୍ଚ୍ଚାରେ ପରିବାର
8:17 amMarch 25, 2020 / 21

ଅନୁଗୋଳ ଅଫିସ, ୨୫।୩ – କରୋନା ଭାଇରସ୍‌ ସଂକ୍ରମଣ ରୋକିବା ଉଦ୍ଦେଶ୍ୟରେ ଗତ ୨୨ ତାରିଖରେ ପ୍ରଧାନମନ୍ତ୍ରୀଙ୍କ ଆହ୍ବାନକ୍ରମେ ଦେଶରେ ଜନତା କର୍ପ୍ୟୁ ପାଳନ କରାଯାଇଥିଲା। ଏହାକୁ ଦେଶବ୍ୟାପୀ ସ୍ବାଗତ କରାଯାଇଥିବା ବେଳେ ଅନୁଗୋଳ ଜିଲା ସୁନାଭୁଇ ଗ୍ରାମର ଏକ ପରିବାର ପ୍ରଧାନମନ୍ତ୍ରୀଙ୍କ ଆହ୍ବାନକୁ ସମ୍ମାନ ଜଣାଇ ତଥା ଜନତା କର୍ଫ୍ୟୁକୁ ସମର୍ଥନ ଦେଇ ଉକ୍ତ ଦିନ ଜଣେ ମୃତକଙ୍କ ଦଶାହ କର୍ମ ନ କରି ଘୁଞ୍ଚାଇ ଦେବା ଚର୍ଚ୍ଚାର ବିଷୟ ହୋଇଛି। ଦଶାହ କର୍ମ ପାଇଁ ବନ୍ଧୁବାନ୍ଧବ, ସାହିଭାଇ, ବ୍ରାହ୍ମଣ, ବାରିକ ପହଞ୍ଚି ତୁଠକୁ ଯିବାକୁ ବାହାରିଥିଲେ। ହେଲେ କର୍ଫ୍ୟୁ ଲାଗିଥିବାରୁ ଦଶାହ କର୍ମକୁ ସ୍ଥଗିତ ରଖି ଏକାଦଶାହ ଦିନ କରାଯିବ ବୋଲି ପରିବାର ଲୋକେ ନିଷ୍ପତ୍ତି ନେବା ସହ ସୋମବାର ତାହା ସମ୍ପନ୍ନ କରିଥିଲେ। ସମ୍ପୃକ୍ତ ପରିବାର ଲୋକଙ୍କ ଏପରି ନିଷ୍ପତ୍ତିକୁ ଅନୁଗୋଳବାସୀ ଉଚ୍ଚ ପ୍ରଶଂସା କରିଛନ୍ତି।