ସିନାପାଲି,୩ା୫(ଡି.ଏନ୍.ଏ.)-କରୋନା ଭୂତାଣୁ ସଂକ୍ରମଣ ରୋକିବା ପାଇଁ କୌଣସି ସେଲୁନ ଓ ବିଉଟି ପାର୍ଲର ଖୋଲିବା ନାହିଁ ବୋଲି ସରକାର ଘୋଷଣା କରିଛନ୍ତି ା ଏଥିପାଇଁ ଗତ ଦେଢ଼ ମାସ ହେବ ସେଲୁନଗୁଡିକ ବନ୍ଦ ରହିଛି ା ଫଳରେ ଏହି ବେଉସାକୁ ଆଶ୍ରା କରି ପରିବାର ଚଳାଉଥିବା ବାରିକମାନଙ୍କ ଆର୍ଥତ୍କ ଅବସ୍ଥା ଦିନକୁ ଦିନ ବିଗିଡିବାରେ ଲାଗିଛି ା ଏହି ପରିପ୍ରେକ୍ଷୀରେ ଶୁକ୍ରବାର ସିନାପାଲି ସେଲୁନ ବ୍ୟବସାୟୀ ସଂଘ ତରଫରୁ ବିଡିଓଙ୍କ ଜରିଆରେ ନୂଆପଡା ଜିଲାପାଳଙ୍କୁ ୪ଦଫା ଦାବିପତ୍ର ପ୍ରଦାନ କରାଯାଇଛି ା ବିଶେଷ କରି ସେଲୁନ,ପାର୍ଲରଗୁଡିକୁ ବିଶୋଧନ କରିବା ା ଆବଶ୍ୟକ ପ୍ରତିଷେଧକ ବ୍ୟବହାର, ମାସ୍କ, ଗ୍ଲୋବ ବ୍ୟବହାର ସହିତ କରୋନା କଟକଣା ନିୟମ ପାଳନ ପୂର୍ବକ ସେଲୁନ ଖୋଲିବାକୁ ଅନୁମତି ପ୍ରଦାନ ପାଇଁ ଅନୁରୋଧ କରାଯାଇଛି ା ପତ୍ର ସଂଖ୍ୟା ୨୩୨୮ / ଏଲ୍ଏଣ୍ଡଏଏସ୍ ଆଇନ ୨୪ା୪ା୨୦୧୭ ଅନୁଯାୟୀ ବାରିମାନଙ୍କୁ ଅଣସଙ୍ଗଠିତ ଶ୍ରମିକ ତାଲିକାରେ ସରକାର ସାମିଲ କରିଛନ୍ତି ା ହେଲେ ସେମାନଙ୍କ ପାଇଁ କୌଣସି ଆର୍ଥିକ ସହାୟତା ଘୋଷାଣ କରାଯାଇନାହିଁ ା ମାଇକ୍ରୋ ଫାଇନାନ୍ସ ଓ ବ୍ୟାଙ୍କରୁ ଋଣ କରି ବୃତ୍ତି କରୁଥିବା ବାରିକମାନଙ୍କୁ ସୁଧ ଛାଡ଼ କରାଯାଉ ବୋଲି ଉକ୍ତ ଦାବିପତ୍ରରେ ଉଲ୍ଲେଖ ଅଛି ା ସିନାପାଲି ବାରିକ ସଂଘର ସଭାପତି ଚିତ୍ତରଞ୍ଜନ ବାରିକ, ପୀତବାସ ବାରିକ, ପ୍ରଶାନ୍ତ ବାରିକ, ସୁଶାନ୍ତ ବାରିକ, ହରେକୃଷ୍ଣ ବାରିକ, ଅଚ୍ୟୁତ ବାରିକ, ବିକ୍ରମ ବାରିକ, ମନୋରଞ୍ଜନ ବାରିକ, ଦୈତାରୀ ବାରିକ, ରିଙ୍କୁ ବାରିକ, ସାମନ୍ତ ବାରିକ ଓ ଜିଲା ଭାଜପା ସଭାପତି ସୁବ୍ରତ କୁମାର ଠାକୁର ପ୍ରମୁଖ ଦାବିପତ୍ର ପ୍ରଦାନ ସମୟରେ ଉପସ୍ଥିତ ଥିଲେ ା
