ନୂଆଦିଲ୍ଲୀ,୧୭-୫: ଅନ୍ଲାଇନ ସପିଂ ପ୍ଲାଟଫର୍ମ ଆମାଜନରେ ହିନ୍ଦୁ ଦେବାଦେବୀଙ୍କ ଛବି ଥିବା ସାମଗ୍ରୀ ବିକ୍ରି ହେବାକୁ ନେଇ ଦେଶରେ ବିରୋଧ ଆରମ୍ଭ ହୋଇଯାଇଛି। ଏହାକୁ ନେଇ ସୋସିଆଲ ମିଡିଆରେ କମ୍ପାନୀକୁ ବଏକଟ କରିବାକୁ ଆହ୍ବାନ ଦିଆଯାଉଛି। ଟୁଇଟରରେ #ବଏକଟଆମାଜନ ହ୍ୟାଶ୍ଟ୍ୟାଗ୍ ସହିତ ଏହି ଆପ୍କୁ ଅନ୍ଇନଷ୍ଟଲ କରିବା ଲାଗି ଲୋକଙ୍କୁ ପରାମର୍ଶ ଦିଆଯାଉଛି। ଏଥିସହିତ ଲୋକେ ଏହି ଆପ୍କୁ ଅନ୍ଇନଷ୍ଟଲ୍ କରି ଏହାର ଷ୍କ୍ରିନ୍ସଟ୍କୁ ମଧ୍ୟ ଶେୟାର କରିବା ଆରମ୍ଭ କରିଛନ୍ତି। ହିନ୍ଦୁ ଦେବାଦେବୀଙ୍କ ଫଟୋ ଥିବା ସାମଗ୍ରୀଗୁଡ଼ିକୁ ଆମାଜନ କିପରି ବିକ୍ରି କରୁଛି, ସେସମ୍ପର୍କରେ ଟୁଇଟରରେ ତାହାକୁ ଶେୟାର କରାଯାଉଛି। ଏଥିରେ ଜୋତା, ଚପଲ, ଟଏଲେଟ ଶିଟ୍ ଷ୍ଟିକର ସାମିଲ ରହିଛି। ତେବେ ଏହିସବୁ ସାମଗ୍ରୀ ଆମାଜନ ଡଟ୍ ଇନ୍ରେ ମିଳୁନାହିଁ। ବିଦେଶୀ କମ୍ପାନୀ ଆମାଜନର ହିନ୍ଦୁଙ୍କ ଭାବାବେଗକୁ ଆଘାତ ଦେବାର କୌଣସି ଅଧିକାର ନାହିଁ ବୋଲି ଲୋକେ ଯୁକ୍ତି ଦର୍ଶାଉଛନ୍ତି। ଜୋତାରେ ଭାରତର ଜାତୀୟ ପତାକା, ଚପଲରେ ମହାମତ୍ା ଗାନ୍ଧୀଙ୍କ ଫଟୋକୁ ଲୋକେ ଶେୟାର କରି ଏହା ଆମାଜନ ଦ୍ୱାରା ବିକ୍ରି କରାଯାଉଛି ବୋଲି ଦାବି କରୁଛନ୍ତି।
