ଆତସୁସି ଓଗାଟା ହେବେ ହୋଣ୍ଡା ଟୁହ୍ବିଲର୍ସର ଏମ୍‌ଡି
7:18 amMay 3, 2020 / 21

ନୂଆଦିଲ୍ଲୀ,୩। ୫: ହୋଣ୍ଡା ମୋଟର କମ୍ପାନୀ ପକ୍ଷରୁ ହୋଣ୍ଡା ମୋଟର ସାଇକେଲ ଆଣ୍ଡ ସ୍କୁଟର ଇଣ୍ଡିଆ ପ୍ରାଇଭେଟ ଲିମିଟେଡର ବରିଷ୍ଠ ପରିଚାଳନା ଟିମ୍‌ରେ ପରିବର୍ତ୍ତନ ଘୋଷଣା କରାଯାଇଛି। ରିପୋର୍ଟ ମୁତାବକ ଆତସୁସି ଓଗାଟା ହୋଣ୍ଡା ଟୁହ୍ବିଲର୍ସର ନୂଆ ସଭାପତି, ସିଇଓ ଏବଂ ଏମ୍‌ଡି ଭାବେ ଦାୟିତ୍ୱ ଗ୍ରହଣ କରିବେ। ହୋଣ୍ଡା ମୋଟର କମ୍ପାନୀ ଜାପାନର ଅପରେଟିଂ ଏକଜିକ୍ୟୁଟିଭ ଭାବେ ସେ ମଧ୍ୟ କାମ କରିବେ। ଗତ ୩ ବର୍ଷ ପର୍ଯ୍ୟନ୍ତ ହୋଣ୍ଡା ଟୁହ୍ବିଲର୍ସକୁ ମାର୍ଗଦର୍ଶନ ଦେଇ ଆସିଥିବା ମିନରୋ କାଟୋଙ୍କ ଉତ୍ତରାଧିକାରୀ ଭାବେ ସେ କାର୍ଯ୍ୟ କରିବେ। କାଟୋ ଚଳିତ ବର୍ଷ ମେ ପହିଲାରୁ ଜାପାନ ଫେରିଯିବେ। ସେଠାରେ ତାଙ୍କୁ ହୋଣ୍ଡା ମୋଟର କମ୍ପାନୀ ଅପରେଟିଂ ଏକଜିକ୍ୟୁଟିଭ ଓ ଚିଫ ଅଫିସର ଲାଇଫ କ୍ରିଏସନ ଅପରେଶନ ଭାବେ ନିଯୁକ୍ତି କରାଯାଇଛି। ୧୯୬୨ରେ ଜନ୍ମ ହୋଇଥିବା ଓଗାଟା ୧୯୮୫ରେ ହୋଣ୍ଡା ଜାପାନରୁ କ୍ୟାରିୟର ଆରମ୍ଭ କରିଥିଲେ। ଅଟୋମୋଟିଭ କ୍ଷେତ୍ରରେ ସେ ଦୀର୍ଘ ୩୫ ବର୍ଷ ହେବ କାର୍ଯ୍ୟରତ ଅଛନ୍ତି। ସେହିଭଳି ହୋଣ୍ଡା ଟୁହ୍ବିଲର୍ସର ବରିଷ୍ଠ ପରଚେଜ ନିର୍ଦ୍ଦେଶକ ଭାବେ ଭି.ଶ୍ରୀଧର, ୟଦବିନ୍ଦର ସିଂ ଗୁଲେରିୟା ଏବଂ ବିନୟ ଢିଙ୍ଗରା କମ୍ପାନୀର ବୋର୍ଡକୁ ନିର୍ଦ୍ଦେଶକ ଭାବେ ମନୋନୀତ ହୋଇଛନ୍ତି।