ଭାଇ-ଭଉଣୀ ପବିତ୍ର ବନ୍ଧନ ଦୁନିଆର ସବୁଠୁ ନିଆରା। ଏହି ବନ୍ଧନର କୌଣସି ତୁଳନା ନାହିଁ। କାର୍ତ୍ତିକ ମାସର ଶୁକ୍ଳପକ୍ଷ ଦ୍ୱିତୀୟା ତିଥିକୁ ଭାଇ ଦୂଜ ବା ଯମ ଦ୍ୱିତୀୟା ଭାବରେ ପାଳନ କରାଯାଏ। ଏହି ଦିନ ଭାଇର ଶୁଭ ମନାସୀ ତା’ ଦୀର୍ଘଜୀବନ କାମନା କରିଥାଏ ଭଉଣୀ। କ୍ରିକେଟରଙ୍କ ଭଉଣୀମାନେ ମଧ୍ୟ ଭାଇ ଦୁଜ୍ ପାଳନ କରନ୍ତି।
ବିରାଟ କୋହଲି-ଭାବ୍ନା
ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଏବଂ ତାଙ୍କ ଭଉଣୀ ଭାବନାଙ୍କ ସମ୍ପର୍କ ଖୁବ୍ ନିବିଡ। ଉଭୟ ରାକ୍ଷୀ ପୁର୍ଣ୍ଣିମା ଏବଂ ଭାଇ ଦୁଜ୍ରେ ଯେତେ କାମ ଥିଲେ ମଧ୍ୟ ପରସ୍ପରକୁ ଭେଟିଥାନ୍ତି।
ରବିନ୍ଦ୍ର ଜାଡେଜା-ନୈନା
ଭାରତୀୟ କ୍ରିକେଟ ଦଳର ଅଲରାଉଣ୍ଡର ରବିନ୍ଦ୍ର ଜାଡେଜାଙ୍କୁ ମାତ୍ର ୧୭ ବର୍ଷ ହୋଇଥିଲାବେଳେ ତାଙ୍କ ମା’ଙ୍କ ମୃତ୍ୟୁ ହୋଇଥିଲା। ଏହାପରେ ସେ ଭଉଣୀ ନୈନା ହିଁ ତାଙ୍କୁ ସମ୍ଭାଳି ଥିଲେ। ପ୍ରତିବର୍ଷ ଭାଇ ଦୁଜ୍ରେ ନୈନା ଉପହାର ଦିଅନ୍ତି ଜାଡେଜା।
ଭୁବନେଶ୍ୱର କୁମାର-ରେଖା
ପେସ୍ ବୋଲର୍ ଭୁବନେଶ୍ୱର କୁମାର ଏବଂ ତାଙ୍କ ଭଉଣୀ ରେଖା ଆଧନାଙ୍କ ମଧ୍ୟ ସମ୍ପର୍କ ଖୁବ୍ ନିବିଡ। ରେଖାଙ୍କ ଯୋଗୁ ୍ଆଜି କ୍ରିକେଟର ହୋଇପାରିଛି ବୋଲି ଭୁବନେଶ୍ୱର ଅନେକ ସାକ୍ଷାତକାରରେ କହିଛନ୍ତି। ଯେତେ ଦୂରରେ ଥିଲେ ବି ପ୍ରତିବର୍ଷ ଭାଇ ଦୁଜ୍ରେ ସେ ରେଖାଙ୍କୁ ଭେଟିଥାନ୍ତି।
ମହେନ୍ଦ୍ର ସିଂ ଧୋନୀ-ଜୟନ୍ତୀ
ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ଭଉଣୀ ଜୟନ୍ତୀ ଗୁପ୍ତା ହିଁ ପରିବାର ଏକମାତ୍ର ସଦସ୍ୟ ଥିଲେ ଯେ କି ଧୋନୀଙ୍କୁ କ୍ରିକେଟ ଖେଳିବା ପାଇଁ ପ୍ରେରିତ କରିଥିଲେ। ରାକ୍ଷୀ ହେଉ କି ଭାଇ ଦୁଜ୍ ପ୍ରତିବର୍ଷ ଏହି ଦିନରେ ଜୟନ୍ତୀଙ୍କ ପାଇଁ ଉପହାର ପଠାଇଥାନ୍ତି ଧୋନୀ।
