ଖ୍ରୀଷ୍ଟଚର୍ଚ୍ଚ,୧ା୩- ଈଶାନ୍ତ ଶର୍ମା ଏବେ ଗୋଇଠି ଜନିତ ଆହତ ସମସ୍ୟା ଦେଇ ଗତି କରୁଛନ୍ତି। ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟ ଶେଷ ହେବା ପରେ ତାଙ୍କ ଗୋଇଠିରେ ଯନ୍ତ୍ରଣା ହୋଇଥିଲା। ତାଙ୍କର ସ୍କାନ କରାଯାଇଛି। ରିପୋର୍ଟ ଆସିବା ପରେ ତାଙ୍କୁ କେତେ ଦିନ ବିଶ୍ରାମ ଦରକାର, ସେ ନେଇ କୁହାଯିବ। ସମାନ ସମସ୍ୟା ଯୋଗୁ ଈଶାନ୍ତ ଜାତୀୟ କ୍ରିକେଟ ଏକାଡେମୀ (ଏନ୍ସିଏ) ୩ ସପ୍ତାହ ରହିଥିଲେ। ସେଠାରେ ତାଙ୍କୁ ଫିଟ୍ ଘୋଷଣା କରାଯିବା ପରେ ନ୍ୟୁଜିଲାଣ୍ଡ ଗସ୍ତ କରିଥିଲେ। କିନ୍ତୁ ଏବେ ପୁଣି ସମାନ ସମସ୍ୟା ଦେଖା ଦେବାରୁ ବିସିସିଆଇ ଏନ୍ସିଏର ମୁଖ୍ୟ ଫିଜିଓ ଆଶିଷ କୌଶିକଙ୍କ କାର୍ଯ୍ୟରେ ଅସନ୍ତୋଷ ପ୍ରକାଶ କରିଛି। ଆହତ ଥିବାରୁ ଈଶାନ୍ତ ଆଇପିଏଲର ପ୍ରଥମ ପର୍ଯ୍ୟାୟରେ ନ ଖେଳିପାରନ୍ତି।
