ନୂଆଦିଲ୍ଲୀ,୧୨ା୧୦: ଭାରତ ଗସ୍ତରେ ଥିବା ଚାଇନା ରାଷ୍ଟ୍ରପତି ଜି ଜିନ୍ପିଙ୍ଗ୍ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ଶନିବାର ଆଞ୍ଚଳିକ ରାଜନୀତିଠାରୁ ଆରମ୍ଭ କରି ବାଣିଜ୍ୟ ପର୍ଯ୍ୟନ୍ତ ବିଭିନ୍ନ ପ୍ରସଙ୍ଗରେ ଆଲୋଚନା ହେବାକୁ ଯାଉଥିଲାବେଳେ ଦୁଇଦେଶର ଅର୍ଥନୀତି ଓ ବିଗତ ବର୍ଷର ପ୍ରଦର୍ଶନକୁ ଅନୁଧ୍ୟାନ କରାଯିବା ସମୀଚୀନ ମନେହୁଏ। ଅଭିବୃଦ୍ଧି ହାରରେ ଭାରତ ଚାଇନାକୁ ବାରମ୍ବାର ପଛରେ ପକାଉଥିଲେ ମଧ୍ୟ ଆର୍ଥତ୍କ ସ୍ଥିତି ଦୃଷ୍ଟିରୁ ଏହା ଭାରତଠାରୁ ବହୁ ଆଗରେ ରହିଛି। ବିଶ୍ୱବ୍ୟାଙ୍କ ତଥ୍ୟ ଅନୁଯାୟୀ ୨୦୧୮ରେ ଚାଇନାର ଜିଡିପି ୧୩.୬୦ ଟ୍ରିଲିୟନ ଡଲାର ଯାହାକି ଭାରତର ଅର୍ଥନୀତିଠାରୁ ୫ ଗୁଣ ଅଧିକ। ଗତବର୍ଷ ଭାରତର ଜିଡିପି ୨.୭୨ ଟ୍ରିଲିୟନ ଡଲାର ଥିଲା। ୨୦୦୬ରେ ଚାଇନା ଜିଡିପି ୨.୭୫ ଟ୍ରିଲିୟନ ଡଲାର ଥିଲା। ଅର୍ଥାତ୍ ଅର୍ଥନୀତିରେ ଚାଇନାଠାରୁ ଭାରତ ୧୨ ବର୍ଷ ପଛରେ ରହିଛି। ୨୦୨୪-୨୫ ଆର୍ଥତ୍କ ବର୍ଷ ଶେଷ ସୁଦ୍ଧା ୫ ଟ୍ରିଲିୟନ ଡଲାରରେ ପହଞ୍ଚତ୍ବା ଲାଗି ଭାରତ ଲକ୍ଷ୍ୟ ରଖିଛି।
ସେହିପରି ଚାଇନାର ମୁଣ୍ଡପିଛା ଜାତୀୟ ଆୟ ଭାରତ ଠାରୁ ୭ ଗୁଣ ଅଧିକ। ୨୦୧୮ରେ ଚାଇନାମାନଙ୍କ ମୁଣ୍ଡପିଛା ଆୟ ୯୪୭୦ ଡଲାର ଥିଲାବେଳେ ଭାରତୀୟଙ୍କର ଆୟ ଥିଲା ୨୦୨୦ ଡଲାର। ଦୁଇଦେଶ ମଧ୍ୟରେ ବ୍ୟବସାୟର ପର୍ଯ୍ୟାପ୍ତ ସମ୍ଭାବନା ରହିଥିଲାବେଳେ ଚାଇନା ସହ ଭାରତର ବାଣିଜି୍ୟକ ନିଅଣ୍ଟ ଯଥେଷ୍ଟ ଅଧିକ। ୨୦୧୬ରେ ଚାଇନା ଭାରତକୁ ୬୦ ବିଲିୟନ ଡଲାର ମୂଲ୍ୟର ସାମଗ୍ରୀ ରପ୍ତାନି କରିଥିବାବେଳେ ନୂଆଦିଲ୍ଲୀ ସେହିବର୍ଷ ବେଜିଂକୁ ମାତ୍ର ୯ ବିଲିୟନ ଡଲାର ମୂଲ୍ୟର ସାମଗ୍ରୀ ପଠାଇଛି। ଆର୍ଥତ୍କ ସ୍ଥିତି ଦୃଷ୍ଟିରୁ ଦୁଇଦେଶ ମଧ୍ୟରେ ଯଥେଷ୍ଟ ବ୍ୟବଧାନ ରହୁଥିଲେ ହେଁ ଏମାନେ ସର୍ବବୃହତ ବଜାର ଏବଂ ବିଶ୍ୱ ଅର୍ଥନୀତିରେ ଏମାନଙ୍କର ବଡ଼ ଭୂମିକା ରହିଛି।
