ଆରଡ଼ି,୨୯।୫(ଡି.ଏନ୍.ଏ.): ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡିରେ ଶୁକ୍ରବାର କରୋନା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ା ଯାଜପୁର ଜିଲା ମଙ୍ଗଳପୁରର ଚିନ୍ମୟ କଲ୍ୟାଣ ସାମାଜିକ ସଂଗଠନ ଦ୍ୱାରା ପରିଚାଳିତ ଡଲଫିନ ଡ୍ୟାନ୍ସ ସ୍କୁଲ ଆଣ୍ଡ ଗ୍ରୁପର କଳାକାର ମାନେ ଶିବ, ପାର୍ବତୀ, ଯମ ଏବଂ କରୋନା ରାକ୍ଷସ ଆଦି ଚରିତ୍ରରେ ଅଭିନୟ କରିଥିଲେ। ସାମାଜିକ ଦୂରତା ରକ୍ଷା ସହ ମାସ୍କ ପିନ୍ଧିବାକୁ କଳାକାରମାନେ ଉପସ୍ଥିତ ଦର୍ଶକଙ୍କୁ ସଚେତନ କରାଇଥିଲେ। ଏପରି କାର୍ଯ୍ୟ ସହ ନିଜ ଅଞ୍ଚଳକୁ ସାନିଟାଇଜ କରିବା ଦ୍ୱାରା କରୋନା ରାକ୍ଷସର ମୃତ୍ୟୁ ହେବ ବୋଲି ଅଭିନୟ ମାଧ୍ୟମରେ ସେମାନେ ଦର୍ଶକଙ୍କ ମନ ମୋହିଥିଲେ ା ଆରଡ଼ି ବଜାର ବ୍ୟତୀତ ପହଣା ବସ୍ଷ୍ଟାଣ୍ଡରେ ମଧ୍ୟ ଏହି କଳାକାର ମାନେ ସଚେତନ କରାଇଥିଲେ। ଅନୁଷ୍ଠାନର ଅଧ୍ୟକ୍ଷ ଚିନ୍ମୟ ଦାସ, ମିହିର କୁମାର ମଲ୍ଲିକ, ଶଶିକାନ୍ତ ପଣ୍ଡା, ମାନସ ସେଠ, ସତ୍ୟବ୍ରତ ବାରିକଙ୍କ ଏଭଳି ସଚେତନତା ପ୍ରୟାସକୁ ସ୍ଥାନୀୟ ଅଞ୍ଚଳବାସୀ ସ୍ବାଗତ କରିଛନ୍ତି।
