ଅଟାକଳ କର୍ମଚାରୀଙ୍କୁ ଛୁରି ଭୁସି ହତ୍ୟା ହଟଣା: ଅଧୁରା ରହିଲା ସାବିତ୍ରୀ ବ୍ରତ

ଭୁବନେଶ୍ୱର, ୪।୬(ବ୍ୟୁରୋ): ନୟାପଲ୍ଲୀ ଥାନା ରେଣ୍ଟାଲ କଲୋନୀ ଅଟାକଳ କର୍ମଚାରୀ ଦିଲୀପ ସାହୁ ହତ୍ୟା ମାମଲାର ପୋଲିସ ଅଭିଯୁକ୍ତ ବିରୋଧରେ ପ୍ରମାଣ ଯୋଗାଡରେ ଲାଗିଛି। ସେମବାର ସକାଳେ ମୃତ ଦିଲୀପଙ୍କ ପରିବାର ଲୋକେ ନୟାଗଡରୁ ଆସିବା ପରେ କ୍ୟାପିଟାଲ ହସ୍ପିଟାଲରେ ବ୍ୟବଛେଦ କରାଯାଇଥିଲା। ଏବେ ବି ଦିଲୀପଙ୍କ ସ୍ତ୍ରୀ ସ୍ବାମୀଙ୍କ ମୃତ୍ୟୁକୁ ବିଶ୍ୱାସ କରିପାରୁନାହାନ୍ତି। ସାବିତ୍ରୀ ପାଇଁ ସବୁ ସାମଗ୍ରୀ କିଣି ରବିବାର ସକାଳେ ଘରକୁ ପଠାଇବେ ବୋଲି ରାତି ପ୍ରାୟ ୯ଟାରେ କଥା ହୋଇଥିଲି, ହେଲେ ସକାଳୁ ତାଙ୍କ ମୃତ୍ୟୁ ଖବର ପାଇ ସେ ଚକିତ ହୋଇଯାଇଥିଲେ। ଏପରି କି ସ୍ତ୍ରୀ ଚେତାଶୂନ୍ୟ ହୋଇ ତଳେ ପଡିଯାଇଥିବା ପଡୋଶୀ କହିଥିଲେ। ସାବିତ୍ରୀ ବ୍ରତ ପାଳନ ପାଇଁ ଚାହିଁ ରହିଥିବା ସ୍ତ୍ରୀଙ୍କର ଆଶା ପୂରଣ ନ ହୋଇ ଅଧାରେ ରହିଗଲା।
ଅନ୍ୟପକ୍ଷରେ ହତ୍ୟାକାରୀ ବ୍ୟବହୃତ କରିଥିବା ଛୁରିକୁ ପୋଲିସ ଜବତ କରି ନ ଥିବାରୁ ସୋମବାର ତାଙ୍କୁ କୋର୍ଟ ଚାଲାଣ କରିପାରି ନ ଥିଲା। ପୋଲିସ ଅଭିଯୁକ୍ତ ପ୍ରକାଶ ଜେନାଙ୍କୁ ମାରାଥନ ଜେରା କରିବା ପରେ ସେ ଛୁରିକୁ ଲୁଚାଇ ରଖିଥିବା ଜାଗା ସମ୍ପର୍କରେ କହିଥିଲା। ଅଭିଯୁକ୍ତଙ୍କ କହିବା ଅନୁଯାୟୀ ମୃତ ଦିଲୀପ ରହୁଥିବା ରୁମ୍‌ ଗେଟ୍‌ର ଏକ କଣରୁ ପୋଲିସ ଛୁରିକୁ ଜବତ କରିଛି। ଏହାସହ ଛୁରିରେ ଲାଗିଥିବା ରକ୍ତକୁ ଫରେନ୍‌ସିକ୍‌ ଲ୍ୟାବକୁ ପଠାଇ ଦେଇଛି। ଅଭିଯୁକ୍ତଙ୍କ ବୟସକୁ ନେଇ ପୋଲିସ ଚିନ୍ତାରେ ପଡିଛି। ଅଭିଯୁକ୍ତ ତାଙ୍କ ବୟସ ୧୭ ବୋଲି କହୁଥିବା ବେଳେ ପୋଲିସ ଏହାକୁ ବିଶ୍ୱାସ କରୁନି। ପୋଲିସ ଅଭିଯୁକ୍ତଙ୍କ ବୟସ ଜାଣିବା ପାଇଁ ତାଙ୍କର ଆଧାର କାର୍ଡ କିମ୍ବା ଅନ୍ୟ କିଛି ପ୍ରମାଣ ପତ୍ର ଦେଖାଇବା ପାଇଁ ପରିବାର ଲୋକଙ୍କୁ କହିଛି। ମଙ୍ଗଳବାର ତାହା ଜଣାପଡିବା ପରେ ତାଙ୍କୁ କୋର୍ଟ ଚାଲାଣ କରାଯିବ। ଯଦି ସେ ନାବାଳକ ହୋଇଥାନ୍ତି ତେବେ ବାଳ ସୁଧାର ଗୃହକୁ ପଠାଯିବ ବୋଲି ପୋଲିସ କହିଛି।
ପୋଲିସ ଜେରା ସମୟରେ ଅଭିଯୁକ୍ତ ଦିଲୀପଙ୍କୁ କିଭଳି ହତ୍ୟାକଲେ ତାହା ବିସ୍ତୃତଭାବେ ପ୍ରକାଶ କରିଛନ୍ତି। ଦିଲୀପଙ୍କୁ ମାରିବାକୁ ଯୋଜନା ନ ଥିଲା। ସାବିତ୍ରୀ ପାଇଁ ମାଲିକଙ୍କ ନିକଟରୁ ୧୦ ହଜାର ଟଙ୍କା ଅଗ୍ରିମ ଆକାରରେ ଆଣିଥିବା ଜାଣିବାକୁ ପାଇଥିଲେ। ଶନିବାର ରାତି ୧୦ଟାରେ ଦିଲୀପ ଦୋକାନ ବନ୍ଦ କରି ରୁମ୍‌କୁ ଯାଇଥିଲେ। ଦିଲୀପ ଆଣିଥିବା ଟଙ୍କାରେ ମଦ କିଣି ପିଇବା ପାଇଁ କହିଥିଲେ। ହେଲେ ଦିଲୀପ ଏଥିରେ ରାଜି ନ ହେବାରୁ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ହଠାତ୍‌ ଉତ୍‌କ୍ଷିପ୍ତ ହୋଇ ନିକଟରେ ଥିବା ଏକ ଛୁରିରେ ଦିଲୀପଙ୍କ ବେକକୁ ଭୁସି ଦେଇଥିଲେ। ଫଳରେ ତାଙ୍କର ପ୍ରବଳ ରକ୍ତସ୍ରାବ ହୋଇଥିଲା। କିଛି ବାଟ ନ ପାଇ ପ୍ରକାଶ ଅଧଘଣ୍ଟା ବାହାରକୁ ପଳାଇଥିଲେ। ରକ୍ତ ଜୁଡୁବୁଡୁ ଅବସ୍ଥାରେ ଦିଲୀପ ରୁମ୍‌ରେ ଛଟପଟ ହେଉଥିଲେ। ଅଧ ଘଣ୍ଟା ପରେ ପ୍ରକାଶ ରୁମ୍‌କୁ ଆସିବା ପରେ ଦିଲୀପଙ୍କ ମୃତ୍ୟୁ ଘଟିଥିବା ଜାଣି ତାଙ୍କ ମୁଣ୍ଡ ଚକ୍କର ଖାଇଥିଲା। ହଠାତ୍‌ ଏକ ଝୋଟ ଅଖା ଆଣି ଦିଲୀପଙ୍କ ମୁଣ୍ଡରୁ ଅଣ୍ଟା ପର୍ଯ୍ୟନ୍ତ ବାନ୍ଧିଥିଲେ। ସେଥିରେ ରକ୍ତ ବନ୍ଦ ହୋଇ ନ ଥିଲା। ପୁଣି ଏକ ପ୍ଲାଷ୍ଟିକ୍‌ ଅଖାଆଣି ପୂରାଇଥିଲେ। ସେଥିରେ ରକ୍ତ ବନ୍ଦ ନ ହେବାରୁ ଏକ କାଟୁନରେ ଗୁଡାଇ ବାନ୍ଧିଥିଲେ। ଏହାପରେ ସେ ମୁତଦେହକୁ ଲୁଚାଇବା ପାଇଁ ଯୋଜନା କରିଥିଲା। ସେ ମୃତଦେହକୁ ଛାତ ଉପରକୁ ନେବାକୁ ଭାବିଥିଲା। ହେଲେ ରୁମ୍‌ରୁ ମୃତଦେହ ଶିଡିକୁ ଟେକି ନେବାକୁ ସେ ନାକେଦମ ହୋଇଯାଇଥିଲେ। ଏପରି କି ଘୋଷାଡି ଘୋଷାଡି ନେଇଥିଲେ। ଅଧା ଶିଡିରେ ରହି ରହି ନେଇଥିଲେ। ଯାହାଫଳରେ ସିଡି ଘରେ ରକ୍ତର ଛିଟା ପଡିଥିଲା। ଶେଷରେ ଛାତ ଉପରକୁ ନେଇ ହର୍ଟିକଲ୍‌ଚର(ଉଦ୍ୟାନ) ବିଭାଗ ଅଫିସ ପରିସରରେ ଥିବା ବଣୁଆ ସ୍ଥାନକୁ ଫିଙ୍ଗି ରାତି ପ୍ରାୟ ଗୋଟାଏ ସମୟରେ ଫେରାର ହୋଇଯାଇଥିଲେ ବୋଲି ଅଭିଯୁକ୍ତ ପୋଲିସ ଆଗରେ ସ୍ବୀକାର କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ପ୍ରକାଶ ପାଇଲା ଯୁକ୍ତ ୨ କଟ୍‌ ଅଫ୍‌ ମାର୍କ: କଳାରେ ବିଜେବି, ବିଜ୍ଞାନରେ ରେଭେନ୍‌ଶା, ବାଣିଜ୍ୟରେ ଗୋପାଳପୁର ଜୁନିଅର କଲେଜ ଆଗରେ

ଭୁବନେଶ୍ୱର,୨।୭(ବ୍ୟୁରୋ): ମଙ୍ଗଳବାର ଯୁକ୍ତ ୨ ପ୍ରଥମ ପର୍ଯ୍ୟାୟ କଟ୍‌ ଅଫ୍‌ ମାର୍କ ପ୍ରକାଶ ପାଇଛି। କଳାରେ ୭୧.୧୭ ପ୍ରତିଶତ କଟ୍‌ ଅଫ୍‌ ମାର୍କ ସହ ବିଜେବି...

ପାଟକୁରା ବିଧାନସଭା ନିର୍ବାଚନ: ଇଭିଏମ୍‌ରେ ୧୦ ପ୍ରାର୍ଥୀଙ୍କ ଭାଗ୍ୟ

କେନ୍ଦ୍ରାପଡା ଅଫିସ, ୨୧।୭: କେନ୍ଦ୍ରାପଡା ଜିଲାର ପାଟକୁରା ବିଧାନସଭା ଆସନ ପାଇଁ ଶନିବାର ମତଦାନ ଶେଷ ହୋଇଛି । ଏଥିସହିତ ଇଭିଏମ୍‌ରେ ୧୦ ପ୍ରାର୍ଥୀଙ୍କ ଭାଗ୍ୟ...

୬,୮୧୭ ଜଣ ସରକାରୀ ଅଫିସରଙ୍କ ନାଁରେ ଭିଜିଲାନ୍ସ ମାମଲା: ବିଧାନସଭାରେ ଉତ୍ତର ରଖିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୧୯ା୧୧(ବ୍ୟୁରୋ): ରାଜ୍ୟ ଭିଜିଲାନ୍ସ ବିଭାଗ ୬ ହଜାର ୮୧୭ ଜଣ ସରକାରୀ ଅଫିସରଙ୍କ ବିରୋଧରେ ଦୁର୍ନୀତି ଅଭିଯୋଗ ନେଇ ମାମଲା ରୁଜୁ କରିଛି। ୨୦୧୯...

ପହଣ୍ଡି ବେଳେ ସେବକଙ୍କ ମଧ୍ୟରେ ଗଣ୍ଡଗୋଳ

ପୁରୀ ଅଫିସ, ୧୬।୭: ସିଂହଦ୍ୱାର ସମ୍ମୁଖରେ ସୋମବାର ନୀଳାଦ୍ରିବିଜେ ପହଣ୍ଡି ଚାଲିଥିଲା। ଠାକୁରମାନେ ଗୋଟି ପହଣ୍ଡିରେ ଜଣଙ୍କ ପରେ ଜଣେ ରତ୍ନସିଂହାସନକୁ ବିଜେ କରୁଥିଲେ। ହଜାର ହଜାର...

କଳାହାଣ୍ଡିରେ ପ୍ରଥମ କରୋନା ରୋଗୀ ଚିହ୍ନଟ ପରେ ଅକ୍ରାନ୍ତଙ୍କ ପଞ୍ଚାୟତ ସିଲ୍ କଲା ପ୍ରଶାସନ

କେସିଙ୍ଗା, ୫।୪(ଡି.ଏନ.ଏ.) କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକ ଖମାର ହଳଦୀ ଗ୍ରାମ ପଞ୍ଚାୟତ ଅଞ୍ଚଳର ଜଣେ ୨୯ ବର୍ଷୀୟ ଯୁବକ କରୋନା ରୋଗରେ ଆକ୍ରାନ୍ତ ହୋଇଛନ୍ତ।...

୫୫ ଖବରଦାତାଙ୍କ ନମୁନା ନେଗେଟିଭ୍‌

ଭୁବନେଶ୍ୱର,୨୩ା୭(ବ୍ୟୁରୋ): ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଦ୍ୱାରା ବୁଧବାର ୫୫ ଜଣ ଖବରଦାତାଙ୍କ ନମୁନା ପରୀକ୍ଷା ହୋଇଛି। ସେମାନଙ୍କ ରିପୋର୍ଟ ନେଗେଟିଭ୍‌ ଆସିଥିବା ବିଏମ୍‌ସି ସୂଚନା...

ଶିଳ୍ପବିହୀନ ଜିଲାରେ ରୋଜଗାର ଚିନ୍ତା

ବଲାଙ୍ଗୀର ଅଫିସ, ୧୫ା୬:  କରୋନା ସଂକ୍ରମଣ ସମସ୍ୟା ଠୁ ବି ଅଧିକ ଚର୍ଚ୍ଚାରେ ରହିଛି ବଲାଙ୍ଗୀର ଜିଲାର ପ୍ରବାସୀ ଶ୍ରମିକ ସମସ୍ୟା। କରୋନା ମହାମାରୀ ଅନେକ...

ଯୁବତୀଙ୍କ ବେକରୁ ଚେନ୍‌ ଝାମ୍ପି ଫେରାର ହେଉଥିବା ବେଳେ ଦୁର୍ଘଟଣା: ୨ ଲୁଟେରା ଗୁରୁତର, ଭଦ୍ରକ ଚିକିତ୍ସାଳୟରେ ଭର୍ତ୍ତି

ଭଣ୍ଡାରିପୋଖରୀ,୧୨।୭(ଡି.ଏନ୍‌.ଏ.): ସ୍କୁଟିରେ ଯାଉଥିବା ଯୁବତୀଙ୍କ ବେକରୁ ଚେନ୍‌ ଝାମ୍ପି ନେଇ ଫେରାର ହେବାକୁ ଚେଷ୍ଟା କରିବା ବେଳେ ଦୁର୍ଘଟଣାର ଶିକାର ହେଲେ ଦୁଇ ଲୁଟେରା। ଏଭଳି...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *