ବେଜିଂ: ଇତିହାସରେ ଅନେକେ ଭୟଙ୍କର ଏବଂ ଦୁଃଖଦାୟକ ଘଟଣା ଘଟିଛି, ଯାହା ବିଷୟରେ ଶୁଣିଲେ ଆଜି ବି ଲୋମ ଟାଙ୍କୁରି ଉଠେ। ୬୨ ବର୍ଷ ତଳେ ଚାଇନାରେ ଏପରି ଏକ ଭୟଙ୍କର ଘଟଣା ଘଟିଥିଲା, ଯେଉଁଥିରେ କୋଟି କୋଟି ଲୋକ ପ୍ରାଣ ହରାଇଥିଲେ। ଏହି ଭୟଙ୍କର ବିପର୍ଯ୍ୟୟ ପଛରେ ଏହାର ଏକ ଭୁଲ ଥିଲା, ପରେ ସୁଧାରିବାକୁ ଚେଷ୍ଟା କରାଯାଇଥିଲେ ହେଁ ଏଥିରେ ବହୁ ବିଳମ୍ବ ହୋଇଯାଇଥିଲା। ଏହା ‘ଗ୍ରେଟ ଚାଇନିଜ ଫେମିନା’ ଭାବରେ ଜଣାଶୁଣା। ପ୍ରତ୍ୟେକ ଚାଇନା ନାଗରିକ ଏ ବିଷୟରେ ଅବଗତ। ଏହା ୧୯୫୮ରେ ଘଟିଥିଲା। ମାଓ ଜେଡୋଙ୍ଗ, ସେହି ସମୟରେ କ୍ଷମତାରେ ଥିଲେ। ତାଙ୍କୁ ମାଓ ସେ-ତୁଙ୍ଗ ମଧ୍ୟ କୁହାଯାଉଥିଲା। ସେ ଏକ ଅଭିଯାନ ଆରମ୍ଭ କରିଥିଲେ, ଯାହାକୁ ‘ଚାରି ପୋକ ଅଭିଯାନ’ କୁହାଯାଏ। ଏହି ଅଭିଯାନର ଏକ ଅଂଶ ଭାବରେ ସେ ଚାରି ପ୍ରାଣୀ (ମଶା, ମାଛି, ମୂଷା ଏବଂ ଝିଣ୍ଟିକା)ଙ୍କୁ ହତ୍ୟା କରିବାକୁ ନିର୍ଦ୍ଦେଶ ଦେଇଥିଲେ। ଏହି ପ୍ରାଣୀମାନେ କୃଷକଙ୍କ କଠିନ ପରିଶ୍ରମକୁ ନଷ୍ଟ କରନ୍ତି, ସେମାନେ କ୍ଷେତରେ ସମସ୍ତ ଶସ୍ୟ ଖାଇଦିଅନ୍ତି। ମଶା, ମାଛି ଏବଂ ମୂଷାଙ୍କୁ ମାରିବା ଟିକେ କଷ୍ଟସାଧ୍ୟ। କାରଣ ସେମାନେ ସହଜରେ ନିଜକୁ ଲୁଚାଇ ରଖନ୍ତି। କିନ୍ତୁ ପକ୍ଷୀମାନଙ୍କର ଏପରି ଅଭ୍ୟାସ ଅଛି ଯାହା ସେମାନେ ସର୍ବଦା ମଣିଷ ମଧ୍ୟରେ ରହିବାକୁ ପସନ୍ଦ କରନ୍ତି। ତେଣୁ ସେ ମାଓ ଜେଡୋଙ୍ଗଙ୍କ ନିର୍ଦ୍ଦେଶର ଶିକାର ହୋଇଥିଲେ ଏବଂ ତାଙ୍କୁ ଚାଇନା ସାରା ଖୋଜିଖୋଜି ହତ୍ୟା କରାଯାଇଥିଲା। ଏପରିକି ସେମାନଙ୍କ ବସା ମଧ୍ୟ ଉଜୁଡ଼ି ଯାଇଥିଲା। ଫଳରେ ଝିଣ୍ଟିକାଙ୍କ ସଂଖ୍ୟା କମିଯିବାରୁ ପଙ୍ଗପାଳଙ୍କ ସଂଖ୍ୟା ଏତେ ବଢ଼ିଯାଇଥିଲା କି ସମସ୍ତ ଫସଲ ନଷ୍ଟ ହୋଇଗଲା। ଫଳରେ ଚାଇନାରେ ଭୟଙ୍କର ଦୁର୍ଭିକ୍ଷ ଦେଖାଦେଇଥିଲା ଏବଂ ଲକ୍ଷାଧିକ ଲୋକଙ୍କର ଭୋକଉପାସରେ ମୃତ୍ୟୁ ଘଟିଥିଲା।
ଚାଇନା ସରକାରୀ ଆକଳନ ଅନୁଯାୟୀ, ପ୍ରାୟ ୧.୫୦ କୋଟି ଲୋକ ଅନାହାରରେ ମୃତ୍ୟୁବରଣ କରିଥିଲେ। ଅନ୍ୟ କେତେକ ରିପୋର୍ଟ ଅନୁଯାୟୀ, ୪.୫ କୋଟି ଲୋକ ଅନାହାରରେ ପ୍ରାଣ ହରାଇଥିଲେ। ଯାହା ଚାଇନା ଇତିହାସରେ ସବୁଠୁ ବଡ଼ ଦୁଃଖଦ ଘଟଣା। ଏତେ ପରେ ମଧ୍ୟ ଚାଇନା ପଶୁପକ୍ଷୀଙ୍କ ଜୀବନ ସହ ଖେଳୁଛି। ସଦ୍ୟ ଉଦାହରଣ ମହାମାରୀ କରୋନା ଭୂତାଣୁ।
