ବରଗଡ଼ ଅଫିସ, ୧।୨- ଆସନ୍ତା ୫ ତାରିଖ ପଶ୍ଚିମ ଓଡ଼ିଶା ମହାବନ୍ଦକୁ ବରଗଡ଼ ଜିଲା ଓକିଲ ସଂଘ ସମର୍ଥନ କରିବ। ଶନିବାର ସଂଘ କାର୍ଯ୍ୟାଳୟରେ ଅନୁଷ୍ଠିତ କାର୍ଯ୍ୟକାରୀ ପରିଷଦ ବୈଠକରେ ଏହି ନିଷ୍ପତ୍ତି ନିଆଯାଇଛି। ଏହି ବୈଠକରେ ସଂଘର ସଭାପତି ବେଲାଳସେନ ସରାଫ, ଉପସଭାପତି ସରୋଜ କୁମାର ତ୍ରିପାଠୀ, ସାଧାରଣ ସମ୍ପାଦକ ହେମନ୍ତ କୁମାର ପୁରୋହିତ, ଯୁଗ୍ମ ସମ୍ପାଦକ ଲଲାଟେନ୍ଦୁ ବେହେରାଙ୍କ ସମେତ ବରିଷ୍ଠ ସଭ୍ୟମାନେ ଉପସ୍ଥିତ ଥିଲେ। ପ୍ରକାଶ ଯେ, ସମ୍ବଲପୁର ଏବଂ ବଲାଙ୍ଗୀର ଜିଲା ଓକିଲ ସଂଘର ପ୍ରତିନିଧି ଦଳ ଶୁକ୍ରବାର ଏଠାକୁ ଆସି ମହାବନ୍ଦକୁ ସଫଳ କରିବା ଦିଗରେ ସହଯୋଗ କରିବା ପାଇଁ ବରଗଡ଼ ଜିଲା ଓକିଲ ସଂଘକୁ ଅନୁରୋଧ କରିଥିଲେ।
