ନୂଆଦିଲ୍ଲୀ, ୨ା୧୧: ଭାରତରେ ପ୍ରତି ୧୦,୯୨୬ ଲୋକଙ୍କ ଚିକିତ୍ସା ଲାଗି ମାତ୍ର ଜଣେ ଏଲୋପାଥିକ ସରକାରୀ ଡାକ୍ତର ଥିବା ଏକ ରିପୋର୍ଟରେ ଦର୍ଶାଯାଇଛି। ବିଶ୍ୱ ସ୍ବାସ୍ଥ୍ୟ ସଙ୍ଗଠନ(ଡବ୍ଲ୍ୟୁଏଚ୍ଓ) ପକ୍ଷରୁ ପ୍ରତି ହଜାରେ ଲୋକଙ୍କ ଲାଗି ଜଣେ ଏଲୋପାଥିକ ଡାକ୍ତର ରହିବା ଲାଗି ଅନୁମୋଦନ ମିଳିଥିବାବେଳେ ଭାରତରେ ଏହାକୁ ଅଣଦେଖା କରାଯାଉଛି। ନ୍ୟାଶନାଲ ହେଲ୍ଥ ପ୍ରୋଫାଇଲ ୨୦୧୯ ଅନୁଯାୟୀ ୨୦୧୭ ଓ ୨୦୧୮ରେ ମେଡିକାଲ ଯୋଗ୍ୟତା ସହ ପଞ୍ଜୀକୃତ ଏଲୋପାଥିକ ଡାକ୍ତରଙ୍କ ସଂଖ୍ୟା ଯଥାକ୍ରମେ ୪୩,୫୮୧ ଓ ୪୧, ୩୭୧ ଥିଲା। ଏବେ ପ୍ରତି ୧୦,୯୨୬ ଲୋକରେ ଜଣେ ଏଲୋପାଥିକ ସରକାରୀ ଡାକ୍ତର ଅଛନ୍ତି। ତେବେ ଦାନ୍ତ ଡାକ୍ତରଙ୍କ ସଂଖ୍ୟା ବୃଦ୍ଧି ପାଇଥିବା ଜଣାପଡ଼ିଛି। ଭାରତରେ ଆୟୁଷ ଡାକ୍ତରଙ୍କ ସଂଖ୍ୟା ୭,୭୩,୬୬୮ରୁ ବଢ଼ି ୨୦୧୮ରେ ୭,୯୯,୮୭୯ରେ ପହଞ୍ଚିଥିବା ରିପୋର୍ଟରେ ଦର୍ଶାଯାଇଛି।
