କଲିକତା,୨୯-୬ – ୟୁନାଇଟେଡ୍ ବ୍ୟାଙ୍କ ଅଫ୍ ଇଣ୍ଡିଆ(ୟୁବିଆଇ) ପକ୍ଷରୁ ଏହାର ୧୦ମ ବାର୍ଷିକ ସାଧାରଣ ବୈଠକ କଲିକତାଠାରେ ଅନୁଷ୍ଠିତ ହୋଇ ଯାଇଛି। କେନ୍ଦ୍ର ସରକାରଙ୍କ ପ୍ରତିନିଧିଙ୍କ ସମେତ ବ୍ୟାଙ୍କର ଅଂଶୀଦାରମାନେ ଏଥିରେ ଅଂଶ ଗ୍ରହଣ କରିଥିଲେ। ବୈଠକରେ ବ୍ୟାଙ୍କର ଏମ୍ଡି ତଥା ସିଇଓ ଅଧ୍ୟକ୍ଷତା କରିଥିଲେ। ବ୍ୟାଙ୍କରେ ୯୬% ଅଂଶଧନ କେନ୍ଦ୍ର ସରକାରଙ୍କ ନିକଟରେ ରହିଛି। ୟୁବିଆଇ ବର୍ତ୍ତମାନ ଲାଭ ଜନକ ସ୍ଥିତିକୁ ଫେରିଥିବା ବେଳେ ଗତ ତ୍ରୈମାସରେ ୯୬ କୋଟି ଟଙ୍କା ନେଟ୍ ଲାଭ କରିବାକୁ ସକ୍ଷମ ହୋଇଥିବା ସୂଚନା ରହିଛି। ଏହା ପୂର୍ବରୁ ୭ ତ୍ରୈମାସଧରି ଏହା କ୍ଷତି ସହୁଥିଲା। ବ୍ୟାଙ୍କର ମୋଟ ନେଟ୍ କ୍ଷତି ୨୩୧୬ କୋଟି ଟଙ୍କା ରହିଛି। ଏନ୍ପିଏ ଏବଂ ଲୋନ୍ବୁକ ବୃଦ୍ଧି ଫଳରେ ଏଭଳି ସ୍ଥିିିତି ସାମ୍ନାକୁ ଆସିଛି। ବିଭିନ୍ନ ଉପାୟରେ ୧୫୦୦ କୋଟି ଟଙ୍କା ପୁଞ୍ଜି ଉଠାଣ ଦ୍ୱାରା ଯୋଜନା ରହିଥିବା ସେ ଏଠାରେ ସୂଚନା ଦେଇଛନ୍ତି। ରିଟେଲ,କୃଷି ଏବଂ ଏମ୍ଏମ୍ଏମ୍ଇ ଋଣ ଯୋଗାଣକୁ ପ୍ରାଥମିକତା ଦିଆଯାଉଥିବା ସେ କହିଛନ୍ତି। ବ୍ୟାଙ୍କରେ ବିମା ସୁବିଧା ପ୍ରଦାନ ଲାଗି ବିଭିନ୍ନ ଅଂଶୀଦାରଙ୍କ ସହ ଚୁକ୍ତି ସହ ମ୍ୟୁଚୁଆଲ ଫଣ୍ଡ ତଥା ଡିମାଟ ଟ୍ରେଡିଂ ସୁବିଧା ଲାଗି ପଦକ୍ଷେପ ନିଆଯାଇଛି। ଋଣ ଅସୁଲି ଲାଗି ଷ୍ଟ୍ରେସ ଆସେଟ ପରିଚାଳନା ଶାଖା ଖୋଲାଯାଇଥିବା କହିଛନ୍ତି।
