ଭଞ୍ଜନଗର,୯।୪(ଡି.ଏନ.ଏ.)-ଲକ୍ଡାଉନ ଲୋକେ ବିନା କାରଣରେ ବାହାରେ ବୁଲିଲେ ପ୍ରଶାସନ ପକ୍ଷରୁ କଡ଼ା କାର୍ଯ୍ୟାନୁଷ୍ଠାନ ନିଆଯାଉଛି। ଭଞ୍ଜନଗର ସହରସ୍ଥିତ ଏକ ବ୍ୟାଙ୍କର ୨ କର୍ମଚାରୀ ବୁଧବାର ମଧ୍ୟାହ୍ନରେ କୌଣସି ଅନୁମତି ନ ନେଇ ଭଞ୍ଜନଗରରୁ ବେଲଗୁଣ୍ଠା ଅଭିମୁଖେ ଯାଉଥିବା ବେଳେ ଉପଜିଲାପାଳ ରାଜେନ୍ଦ୍ର ମିଞ୍ଜଙ୍କ ହାବୁଡ଼ରେ ପଡ଼ିଥିଲେ। ବ୍ୟାଙ୍କ କର୍ମଚାରୀଦ୍ୱୟଙ୍କୁ ସେ ଅଟକାଇ ପାଶ୍ ମାଗିଥିଲେ। ହେଲେ ସେମାନେ ତାହାଦେଖାଇ ନ ଥିଲେ। ତେଣୁ ଉଭୟଙ୍କୁ ଏନ୍ଏସି କ୍ୱାରାଣ୍ଟାଇନ୍ କେନ୍ଦ୍ରକୁ ନିଆଯାଇଥିଲା। ପରେ ବ୍ୟାଙ୍କ ପରିଚାଳକଙ୍କୁ ଡାକି ଉପଜିଲାପାଳ ତାଗିଦ୍ କରିବା ପରେ କର୍ମଚାରୀଦ୍ୱୟଙ୍କୁ ୧୪ ଦିନ ପାଇଁ ହୋମ କ୍ୱାରାଣ୍ଟାଇନ୍ରେ ରଖିବା ପାଇଁ ନିର୍ଦ୍ଦେଶ ଦିଆଯାଇଛି । ଏଥିରେ ସେମାନେ ଖିଲାପ କଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ଉପଜିଲାପାଳ କହିଛନ୍ତି ।
