ଅନେକ ରୋଗୀଙ୍କ କ୍ଷେତ୍ରରେ ହାର୍ଟ ଫେଲ୍ୟୁର୍ ବା ହାର୍ଟ ଆଟାକ୍ ସମସ୍ୟା ଦୃଷ୍ଟି ଗୋଚର ହୋଇଥାଏ। ଏହାର ଅର୍ଥ ହେଉଛି ସମ୍ପୃକ୍ତ ରୋଗୀଙ୍କର ହାର୍ଟ ସାଧାରଣ ଭାବରେ କାର୍ଯ୍ୟ ସମ୍ପାଦନ କରିବାରେ ଅକ୍ଷମ। ହାର୍ଟ ସାଧାରଣ ଭାବରେ ରକ୍ତ ପମ୍ପି ପ୍ରକିୟାକୁ ସମ୍ପନ୍ନ କରି ପାରି ନ ଥାଏ। କୋରୋନାରୀ ହାର୍ଟ ଡିଜିଜ୍ କ୍ଷେତ୍ରରେ ରକ୍ତବାହୀ ଆର୍ଟିର ପଥ ଅଣଓସାରିଆ ହେବା ଅଥବା ଉଚ୍ଚ ରକ୍ତଚାପ ଭଳି କେତେକ ନିର୍ଦ୍ଦିଷ୍ଟ ଅବସ୍ଥାରେ ହୃତ୍ପିଣ୍ଡ ଦୁର୍ବଳ ହେବା ସହିତ ଏହାର ମାଂସପେଶୀ ଅଚଳ ହୋଇ ହୃତ୍ପିଣ୍ଡରେ ରକ୍ତ ପୂର୍ଣ୍ଣ କରିବା ପ୍ରକିୟା ସମ୍ଭବ ହୋଇପାରେ ନାହିଁ। କୋରୋନାରୀ ଆର୍ଟିର ଭିତର ପାର୍ଶ୍ୱରେ ମୁଖ୍ୟତଃ କୋଲେଷ୍ଟରଲ୍ ଜମା ହେବା ଯୋଗୁ ଏହା ଅଣ ଓସାରିଆ ହୋଇଯାଇଥାଏ।
ହାର୍ଟ ଆଟାକ୍ କ୍ଷେତ୍ରରେ କେତେକ ସାଧାରଣ ଲକ୍ଷଣ ଦେଖାଯାଇଥାଏ। ସେଗୁଡିକ ହେଉଛି:
* ଛାତିରେ ଯନ୍ତ୍ରଣା: ହାର୍ଟ ପମ୍ପିରେ ବାଧା ଯୋଗୁ ଏହା ହୋଇଥାଏ।
* ବାରମ୍ବାର ନିଶ୍ୱାସ ପ୍ରଶ୍ୱାସ ନେବା ବା ଧଇଁସଇଁ ହେବା: ହାର୍ଟକୁ ପର୍ଯ୍ୟାପ୍ତ ପରିମାଣର ରକ୍ତ ପହଞ୍ଚି ନ ପାରିବାରୁ ଏପରି ହୋଇଥାଏ।
* ଗଳାରେ ନିୟମିତ କଫ ରହିବା: ଏହା ରକ୍ତ ସଞ୍ଚାଳନରେ ଅନିୟମିତତାକୁ ସୂଚାଇ ଥାଏ।
* ସାଧାରଣତଃ ଶୋଇବା ସମୟରେ ପାଦ, ନଳୀ ଗଣ୍ଠି ଏବଂ ଗୋଡ ଫୁଲିବା: ରକ୍ତ ସଞ୍ଚାଳନରେ ଅନିୟମିତତା ଯୋଗୁ ଶରୀରର ତଳ ଅଙ୍ଗକୁ ଆବଶ୍ୟକ ଅନୁସାରେ ରକ୍ତ ପହଞ୍ଚିପାରେ ନାହିଁ।
* ତଳିପେଟ ଫୁଲିବା ଏବଂ ଯନ୍ତ୍ରଣା ହେବା: ଏହା ମଧ୍ୟ ରକ୍ତ ସଞ୍ଚାଳନ ଯୋଗୁ ହୋଇଥାଏ।
* ଅଳ୍ପ କାମ କରେ ଥକି ଯିବା ଏବଂ ଦେହହାତ ଥରିବା: ହାର୍ଟ ପମ୍ପିରେ ଅନିୟମିତତା ଯୋଗୁ ରକ୍ତ ସଞ୍ଚାଳନ ଆବଶ୍ୟକତା ଅନୁସାରେ ନ ହେବାରୁ ଏହା ହୋଇଥାଏ।
* ପିଠିର ଉପର ଭାଗରେ ଯନ୍ତ୍ରଣା: ଏହା ଆଞ୍ଜିନା ପେନ୍ ଯୋଗୁ ହୋଇଥାଏ।
* ବେକରେ ରହି ରହି ଅଳ୍ପ ଯନ୍ତ୍ରଣା ହେବା: ଏହା ଆଞ୍ଜିନା ପେନ୍କୁ ସୂଚିତ କରିଥାଏ।
* ହାତ ଗୋଡ଼ରେ ଅଳ୍ପ ଅଳ୍ପ ଯନ୍ତ୍ରଣା ରହି ରହି ହେବା: ଏହା ରକ୍ତସଞ୍ଚାଳନରେ ଅନିୟମିତତାକୁ ସୂଚାଏ।
ହାର୍ଟ ଆଟାକ୍ର ଲକ୍ଷଣ ଅନୁସାରେ ଆବଶ୍ୟକ ଚିକିତ୍ସା ବ୍ୟବସ୍ଥା ଏବଂ ଜୀବନ ଶୈଳୀରେ ପରିବର୍ତ୍ତନ ଆଣିଲେ ପରବର୍ତ୍ତୀ ଜୀବନ ଅପେକ୍ଷାକୃତ ସହଜ ଓ ସରଳ ହୋଇପାରିଥାଏ
