ଆବଶ୍ୟକ ସାମଗ୍ରୀ: ପନିର ୨୦୦ଗ୍ରାମ୍, ଘଷା ହୋଇଥିବା ଅଦା ଅଳ୍ପ, ହଳଦୀ ଅଧା ଚାମଚ, ଲାଲ୍ ଲଙ୍କାଗୁଣ୍ଡ ଅଧାଚାମଚ, ଗରମ ମସଲା ଅଧା ଛୋଟ ଚାମଚ, ଟମାଟୋ ଦୁଇଟି, ଗୋଲମରିଚ ଗୁଣ୍ଡ ଅଳ୍ପ ପରିମାଣର, ଛୋଟ ଆକାରରେ କଟା ହୋଇଥିବା ତିନୋଟି ପିଆଜ, ଦହି ଅଧା ଚାମଚ, ପାଣି ଅଧା କପ୍, ତେଲ ଆବଶ୍ୟକ ଅନୁସାରେ ଏବଂ ଲୁଣ ସ୍ବାଦ ଅନୁସାରେ। ପ୍ରସ୍ତୁତି ପ୍ରଣାଳୀ:ପ୍ରଥମେ ଏକ ହାଣ୍ଡି ନିଅନ୍ତୁ। ତାକୁ ଗ୍ୟାସ୍ ଚୁଲାରେ ବସାଇ ଗରମ ହେବା ପର୍ଯ୍ୟନ୍ତ ଅପେକ୍ଷା କରନ୍ତୁ। ଏହା ଗରମ ହୋଇଗଲା ପରେ ତେଲ ପକାନ୍ତୁ। ତେଲ ଗରମ ହୋଇଗଲେ ସେଥିରେ କଟା ପିଆଜ ପକାନ୍ତୁ। ଏହାପରେ ଅଦା, ହଳଦୀ ପାଉଡର, ଲଙ୍କାଗୁଣ୍ଡ, ଗରମ ମସଲା ପକାନ୍ତୁ। ଅଳ୍ପ କଷି ହୋଇଗଲା ପରେ ସେଥିରେ ଟମାଟୋ ଓ କଞ୍ଚାଲଙ୍କା ପକାନ୍ତୁ। ଏହାପରେ ଦହି ପକାନ୍ତୁ। ଯେପର୍ଯ୍ୟନ୍ତ ସେଥିରୁ ପାଣି ନ ମରିଛି ସେପର୍ଯ୍ୟନ୍ତ ଗ୍ୟାସ୍ ଚଲାଉଥାନ୍ତୁ। ପାଣି ମରିଗଲେ ସେଥିରେ ଲୁଣ ଓ ପାଣି ଦେଇ ଫୁଟିବା ପର୍ଯ୍ୟନ୍ତ ଛାଡ଼ିଦିଅନ୍ତୁ। ଏବେ ପନିରକୁ ଏଥିରେ ପକାଇ ଦିଅନ୍ତୁ। ଏହାପରେ ଧନିଆପତ୍ର ପକାନ୍ତୁ। ଶେଷରେ ଗୋଲମରିଚ ଗୁଣ୍ଡ ପକାଇ ଗ୍ୟାସ୍ ବନ୍ଦ କରିଦିଅନ୍ତୁ। ଏବେ ଆପଣଙ୍କ ହାଣ୍ଡି ପନିର ପ୍ରସ୍ତୁତ ହୋଇଗଲା।
